CHAPITRE CLXVI
Comment li rois d'Engleterre entra en mer à deus mille hommes d'armes et sys mille archiers et ariva en Bretagne où il mist le siège devant Vennes et devant Nantes.
Moult fu li rois d'Engleterre courouchiés de la mort messire Robert d'Artois, et dist et jura que jamès n'entenderoit à aultre cose si aueroit esté en Bretagne, car li contes de Montfort a voit relevé la ducée de Bretagne de li, lequel à tort et à pécliié, ensi que on l'avoit enfourmé, li rois Phelippes et li François avoient emprisonné à Paris ou chastiel dou Louvre et là tenu que il i estoit mort1, et aussi il avoit eu en convenant à la contesse de Montfort, que il la reconforteroit puisque il li besongnoit, et fist faire tantos grant amas de naves et de vassiaus et de nefs passagières, et traire viers les pors de Pleumude, de Wesniude et de Dardemude, et fist un moult grant mandement de gens d'armes et d'arcbiers. Entrues que li rois d'Engleterre ordonnoit ses besongnes et asambloit ses gens, li Englois qui estoient demoret en Bretagne dalés la contesse de Montfort, s'en vinrent mettre le siège devant la chité de Vennes et encloïrent dedens des bons chevaliers et esquiers qui vaillamment s'i portèrent.
Li rois d'Engleterre entra en mer 2 à deus mille hommes d'armes et sys mille archiers, et se départirent tout d'une
1 Nous avons déjà fait remarquer que le comte de Montfort ne mourut pas en prison.
1 Le roi d'Angleterre s'embarqua à Sandwich le 5 octobre 1342, à bord d'un navire nommé le George. Le 4 novembre, il se trouvait à Brest.
i08 CHRONIQUES
marée et des havènes desus nommés ses gens et singlèrent viers Bretagne et costyèrent Normendie et les isles de Gernesée et de Breha et vinrent tout de une flotte moult priés de Hainbon et de Vennes, dont tout chil qui tenoient la partie la contesse de Montfort, furent tout resjoï, et chil du parti messire Carie de Blois tout courouchié , car il estoit venus à si grant puissance que pour tout cachier devant lui, et ariva li dis rois d'Engleterre à Hainbon. La contesse de Montfort vint à l'encontre de li et le rechut ensi que on doit recevoir son signeur, et le mena logier ou chastiel. Li dis rois d'Engleterre demanda à la contesse de ses chevaliers où il estoient pour ce que nuls n'en veoit, ne trouvoit. Elle respondi et dist que tout estoient aie, bien avoit un mois, au siège devant Vennes. De ce se contenta li rois et respondi que il faisoient bien , car gens d'armes en païs de guerre ne doient point estre wiseus. Si issirent les Englois petit à petit des vassiaus et se rafresquirent ou païs de la contesse, et puis se ordonnèrent par le commandement dou roi et se départirent un jour et vinrent tout ensamble mettre le siège devant la chité de Vennes et encloïrent dedens bien deus cens cevaliers et esquiers desquels messires Oliviers de Cliçon, messires Hervi de Lion, messires Joffrois de Malatroit, li viscontes de Rohan et li sires de Roce-Tesson estoient chapitains et gardyens. Si constraindirent li Englois et li Bretons moult fort la chité de Vennes et moult songneusement l'asallirent le terme que il furent par-devant, mais elle estoit si bien pourveue et garnie de bonnes gens d'armes et de vaillans hommes les chapitains, que petit i conquissent.
Quant li rois d'Engleterre vei che que point ne conquerroit la chité de Vennes légièrement et entendi que li païs de environ Vennes estoit si gastés et si mengiés que on ne
DE FROISSART. f 09
trouvoit riens sus les camps, ne li coureur et varlet ne savoient où aler fouragier, et se tenoit là une moult grande hoost, il eut consel que il laisseroit là devant Vennes une partie de ses gens pour tenir le siège, et ils et li demorans de son hoost chemineroient oultre et iroient mettre le siège devant la chité de Nantes et là enclore messire Carie de Blois. Si se départi un jour de devant Vennes et i laissa à siège le baron de Stanfort, messire Gautier de Mauni et pluisseurs aultres, et estoient chil qui demorèrent environ cinq cens lances et douse cens archiers, et puis se départi li rois et le demorant de son hoost, et estoient environ douse cens lances et vingt-cinq cens archiers, etceminèrent tant avant et arrière que il vinrent devant Nantes, là où messires Caries de Blois et sa femme et si enfant estoient et grant fuisson de bonne chevalerie de Bretagne, qui tenoient sa partie, et de France et de Normendie, qui l'estoient venu servir1.
Si mist là li rois d'Engleterre le siège et le assiégea d'un lés, car toute la chité de Nantes ne pooit-il pas enclore pour la cause de la rivière de Loire. Trop i faudroit de peuple, qui tout ce vodroit faire, et avoient li Nantois et li François qui là dedens se tenoient, lor issue et entrée, toutes fois que il voloient, au lés deviers Poito , et par là 'estoient-il rafresqui de pourvéances et de gens d'armes et de tout ce que il lor besongnoit.
1 Dans les anciens textes, Froissart rapporte que le roi d'Angleterre rangea son armée en bon ordre sur une montagne près de Nantes, afin d'offrir la bataille aux Français. Charles de Blois ne crut pas devoir l'accepter.
110 CHROMO l ES
