CHAPITRE CLXVII
Comment li dus de Normendie fist un grant mandement de gens d'armes pour combattre les Englois.
Ensi se tint en celle saison li rois d'Engleterre devant la bonne chité de Nantes, et messires Caries de Blois estoit dedens, et estoient bien cinq cens armeures de fier et encores i- retournèrent messires Lois d'Espagne , messires Caries Grimaus, messires Otlion Dorie et Condon, qui toute la saison s'estoient tenu sus la mer et riens ni avoient fait, fors desrobé les marceans, otant bien ceuls de lor costé comme les aultres, quant il les avoient trouvé sus la mer, car Espagnols, Genevois, Bretons et Normans, esqumeurs de mers, n'ont nulle conscience à mal faire.
Messires Lois d'Espagne et chil de sa route estoient arivé et venu en Garlande, et par les terres deviers Poito entré en la chité de Nantes , et trop bien vinrent à point pour aidier à deffendre et garder Nantes des grans assaus et envaïes que les Englois et les Bretons, qui tenoient la partie de la contesse de Montfort, i faisoient, car tous les jours continuelment i avoit assaut ou escarmuce.
Messires Caries de Blois escripsoit et segnefioit souvent son estât à son cier oncle, le roi de France, et à son cousin germain, leduch de Normendie, qui moult l'amoit, et à son oncle, le conte Caries d'Alençon. Chil troi entendoient bien as lettres et pryères que messires Caries leur faisoit, mais pour ce temps la cours du roi de France estoit si lointainne en tous esplois que on n'en pooit avoir nulle délivrance , jà seuissent-ils (li rois et ses consauls) que ses adversaires
DE FROISSART. fit
li rois d'Engleterre estoit à puissance de gens d'armes et d'archiers en Bretagne, et que sa venue et son afaire pooit trop grandement adaniagier le roiaulme de France, siques ordonné fu et commandé de la bouce dou roi que son fils , li dus de Normendie, fesist son amas et assamblée de gens d'armes et se mesist à puissance sus les camps et alast audevant des Englois qui estoient venu en Bretagne.
Li dus Jelians de Normendie, de bonne volenté, obéi à l'ordenance du roi son père, et fîst son mandement par tout le roiaulme de France à estre à tel jour qui nommés estoit, à
Angiers et au Mans, et s'estendoient ' li mandement que
li rois de France mandoit pour estre plus diligent de venir.
Si se apparilloient toutes gens d'armes des lointainnes marces de Flandres, de Hainnau, de Tournésis, d'Artois, de Vermendois, d'Amiennois, de Biauvesis, de Pontieu, de Corbiois, de Normendie et de toutes les marces et limitations de France, de Bar, de Lorrainne, de Bourgongne, de Campagne , de Berri , de Poito et de Tourainne , et tout s'avaloient sus les basses marces viers le Mans et viers Angiers. Si ne furent pas sitos venu, ne assamblé, et entrues avinrent pluisseurs avenues et fais d'armes en Bretagne, car quant li rois d'Engleterre vei que point il ne venroit à son entente de la chité de Nantes, et que trop fort elle estoit pourveue de gens d'armes et se ne lor pooit-on oster l'entrée et l'issue de Poito, de Saintonge et de la Eocelle, par lequel les il estoient dedens Nantes tous les jours rafresqui , il eut consel que il lairoit là le conte Derbi , le conte de Honstidonne, le sigmeur de Bercler, messire Thomas de Hollandes et cinq cens armeures de fier et quinse cens arcbiers qui tenroient le siège avoecques les Bretons
1 Lacune de quelques mots.
il2 CHRONIQUES
de lor partie , et il s'en iroit à tout cinq cens armeures de fier et douse cens archiers esbatant parmi Bretagne et veoir ses gens devant la chité de Vennes, et sentir d'aultre part se riens il poroit conquerre ( car trop li anoioit à estre longuement sus une place et riens faire), et se secours ou gens d'armes venoient de France et s'avaloient en Bretagne pour li combatre, de ce seroit-il tous resjoïs et aueroit tantos toutes ses gens réunis ensamble , et tout ce li consilloient aussi à faire chil qui li estoient le plus proçains.
Si se départi li rois d'Engleterre de devant Nantes en lestât et ordenance que je vous di et se mist au cemin pour venir devant Vennes veoir ses gens, et tant esploita que il vint et le veirent volentiers tout chil qui là estoient, ce fu raisons, et se tint cinq jours devant la chité de Vennes, et au sisime il s'en départi. et s'en vint mettre le siège devant Dignant en Bretagne.
Ensi tint li rois d'Engleterre en celle saison quatre sièges en Bretagne , à Nantes , à Vennes , à Rennes et à Dignant , et à casquns de ces sièges i avenoient tous les jours escarmuce, envaïes ou assaus.
