CHAPITRE CLXVIII
Comment li sires de Cliçon et messires Hervi de Lion furent prins par les Englois, et li barons de Stanfort et messires Jehans de Lille par les François.
Entrues que li rois d'Engleterre aloit, venoitetcevauçoit le païs de Bretagne , ses gens qui se tenoient devant la chité de Vennes, i livroient et faisoient là tous les jours tamains assaus, car moult le convoitoient à gaegnier par fail (Vannes pour tant que li chevalier qui dedens estoient, l'avoient en celle meisme saison reconquis sus euls.
Donc il avint un jour, le siège pendant, que à l'une des portes uns très-grans assaus se fist, et se traïssent de celle part toutes les bonnes gens d'armes de l'un costé et de l'aultre, et là ot tamainte belle apertisse d'armes fait, car chil de Vennes avoient, comme vaillans gens et qui désiroient les armes, ouvert la porte et estoient issu et venu as barrières, et là se tenoient pour la cause de ce que il veoient les banières dou conte de Warvich et dou conte d'Arondiel et dou baron de Stanfort et de messire Gautier de Mauni, qui se abandonnoient , ce lor estoit avis , assés follement. De quoi li sires de Cliçon et messires Hervi de Lion et li aultre chevalier de lor costé plus corageusement s'en aventuroient. Là i furent faites tantes de belles apertisses d'armes que mervelles seroit à recorder. Les Englois qui veoient la porte ouverte, le tenoient en grant orguel et présomption , et li aultre le tournoient à grant vaillance. Là ot lanciet, pousset, férut, batut et escarmuchiet , d'un lés et de l'aultre moult longuement, et se portèrent ces envaïes de premiers tellement que li Englois furent reboutet et reculet, et li auqun voellent dire que il le fissent par malisce pour mettre les François hors de lors pas et laissierles bailles et avaler aval , et en avint que , en boutant et en requlant les Englois, il eslongièrent si lors bailles que, quant il vodrent retourner et monter à mont, on les carga d'un trop grant faix, car messires Gautiers de Mauni et li aultre qui là estoient, s'efforchièrent tout de grant volenté, et vinrent une route d'Englois sus le costé et se boutèrent entre les bailles et les François qui estoient trop avant passé. Là eut tant dur hustin et grande escarmuce. Li visconte de Eohan et messires Guis del Cheat, messires Joffrois de Malatroit et li sires de Tournemine estoient as barrières et les deffendoient et gardoient moult vaillam-
ment, et quant il veirent venir sus euls l'effort [de ceulx] qui rendoient grant painne à conquérir les barrières, il se doubtèrent que il ne fuissent efforchiet. Si cloïrent lors barrières et se tinrent entre la porte et la barrière. Encores avoecques le signeur de Cliçon et messire Hervi de Lion , qui faisoient ces apertises d'armes , en i avoit de lors gens enclos plus de soissante qui moult vaillamment se combatoient.
Quant li Englois veirent que les barrières estoient fermées et li sires de Cliçon et messires Hervi de Lion enclos entre euls et les barrières ', si rendirent grant painne au bien combatre et dissent entre euls : « Nous serons las- « ques gens et mal combatant, se cbil doi baron de Breta- « gne ne nous demeurent, quant nous avons si grant avance tage sus euls. » Adonc les envaïrent-il de grant corage, et furent par force d'armes lors banières conquises et abatues et li doi chevalier [pris] et fîancbiet de messire Gautier de Mauni. Il ot en sa pareçon le signeur de Cliçon, et li contes de Warvich, messire Hervi de Lion, et li François devant les barrières prissent le baron de Stanfort et messire Jehan de Lille. Ensi se portèrent les pareçons, et soustinrent là li François un grant faix contre les Englois et se départirent de l'assaut, et se retraïst casquns deviers ses gens à tout lors prisonniers, et entendirent à mettre à point les bléciés, dont il en i ot grant fuisson, tant des François comme des Englois.
• Les défenseurs de Vannes avaient fermé les barrières avec trop de précipitation. Le sire de Clisson et Hervé de Léon ne purent rentrer dans la ville et furent pris par les Anglais.
DEFROISSART. 11»
