CHAPITRE CXXXIV
Comment li contes de Montfort ala en Engleterre et fist hommage au roy Édowart.
Li contes de Montfort qui se veoit en posession dou tout ou en partie de la ducée de Bretagne et ni sentoit nuls rebelles, ne contraires dont il fesist trop grant compte, (car petit à petit tout venoient à obéisance), entendi et senti de costé par ses amis lesquels il avoit en France et par espécial le conte de Flandres, son serouge, que messire Caries de Blois se nommoit et escripsoit dus de Bretagne, et en avoit avoecques le title encargiet l'armoierie et l'avoit relevé en foi et en hommage dou roi de France auquel li reliés en doit apartenir, et s'ordonnoit li dismessires Caries pour venir en Bretagne et calengïer l'iretage comme sien et de son droit, et li rois de France comme son signeur naturel souverain l'en devoit aidier, et que sus ce il euist bon amis et bon consel, pensa et imagina 'sus, et vei et congnuent bien que point n'en joïroit pasievelement. Si se consilla à ceuls où il avoit la grigneur fiance. Consilliet et dit li fu : « Sire, de vostre singulère « puissance, vous ne poés contrester contre la puissance « dou roi de France, car elle est trop grande, et si auera « vostres adversaires Caries de Blois trop d'amis et de « confort, car li rois de France et li contes d'Alençon sont « si oncle; mais vous ferés une cose : vous vous ordon- « nerés à l'encontre de ce et conforterés grandement, « se vous aies en Engleterre et relevés la, ducée de Bre- « tagne en foi et en hommage dou roi d'Engleterre et en
« devenés son homme , par condition telle que contre « tout homme, soit roi de France ou aultre, il le vous « aidera à deffendre et à tenir, et ce marchiet il fera trop « volentiers, car d'Engleterre, il auera trop belle entrée de « venir en Bretagne et de Bretagne en France, et pora lais- « sier ses hommes en garnison en Bretagne et rafresquir, « et tousjours, comment que la querelle se porte, i auerés- « vous des bons amis, et se vostre cousine la femme à « Carie de Blois moroit ensi que les aventures aviennent, « vous demourrés pasievelement dus de Bretagne , ne « nuls, ne nulle ne le vous débateroit jamais. » Li contes de Montfort ouvri ses orelles à ce consel et s'en resjoï g-randement, car il li sambla bons et pourfitables, et ordonna ses besongne.s à ce que pour aler en Engleterre, et monta en mer à Vennes assés bien accompagniés de chevaliers et esquiers. Il emporta avoecques lui grant fuisson de biaus jeuiauls qui tous venoient dou trésor de Limoges de son frère le duch de Bretagne, pour donner et départir là où il les veroit bien à employer et pour acquerre amis, et prist terre en Engleterre à Plumude , et avoient cargiet des chevaus. Quant il furent trait hors des nefs, il montèrent sus (li contes et ses gens) et cevauchièrent viers Londres et tant fissent que il i parvinrent et demandèrent dou roi. On lor dist que il est oit à Windesore, et que là communéement il s'i tenoit plus que ailleurs et la roine aussi. Quant li contes clou Montfort, qui se nommoit dus de Bretagne, se fu rafresquis un jour à Londres, ils et ses gens montèrent et cevauchièrent viers Windesore et vinrent disner à Bramforde et puis vinrent à Windesore et trouvèrent le roi et la roine que jà estoient enfourmés de lor venue. Si furent requelliet des chevaliers dou roi moult grandement et puis mené deviers le roi. Tant que des
aquointances dou roi et dou conte, je n'ai que faire de plenté parler, fors que de venir au fait pour quoi li contes de Montfort estoit là venus. Il remonstra ses besongnes làen et sagement, et li rois les oï et i entendi volentiers et li respondi par le consel que il ot de monsigneur Robert d'Artois qui tousjours se tenoit avoecques le roi, et li dist : « Biau cousins, vous vous retrairés deviers Londres « et dedens quatre jours, je serai là et auerai de mon « consel, tant que vous serés respondus de tout ce que de « vostres requestes je vodrai faire. » Li contes de Montfort se contenta de ceste response et quant il ot là esté le jour et la nuit à Windesore et soupe avoecques le roi et la roine, à l'endemain il s'en départi et vint à Londres et se tint là avoecques ses gens tant que il fu mandés de par le roi et son consel ens ou palais de Wesmoustier et là dedens la cambre dou consel. Quant li prélat et li barons qui là estoient, l'orent bonnouré et fait seoir jus, il fu moult sagement examinés, pour quoi il estoit là venus et requis que il le vosist dire, quoique tout en savoient jà assés (car li rois et messires Robers d'Artois qui enfourmé estoient de la matère, avoient prononciet le fait), il parla et dist que comme drois hoirs et dus de Bretagne par la mort et succession de la mort dou ducb de Bretagne darrainnement mort, il s'estoit trais à l'iretage de Bretagne et mis en posession, et nuls ne li avoit encores débatu, mais il faisoit doubte que on ne li deuist débatre, car Caries de Blois avoit à femme et à espouse une sienne nièce, fille dou conte de Pentèvre, qui disoit à avoir droit de par sa femme à l'iretage de Bretagne, et jà l'avoit-il relevé de Phelippe de Valois qui se disoit rois de France : « Et pour « ce que le roi mon signeur qui cbi est, calenge la cou- « ronne de France et s'en escript et nomme rois, et pour
« ce aussi que j'en soie soustenus, portés et deffendus en « toutes actions, je m'adrèce à lui et voel devenir son « homme de foi et de bouce et relever et tenir la ducée de « Bretagne de li, et quant ce je auerois fait et il m'auera « recheu à homme, je parlerai encores avant. »
Sus ceste parole, li signeur, prélas et barons qui là estoient, regardèrent tout l'un l'aultre sans riens respondre. Adonc parla messires Robers d'Artois et dist : « Biaus « cousins, vous issierés un petit hors de la cambre et tance tos serés rapellés. » Il le fist. Li contes de Montfortissi hors, et li signeur demorèrent avoecques le roi qui lor requist que sus ces paroles dites et offertes, il le vosissent consillier. Li consauls ne fu pas Ions, la matère estoit toute elère à savoir que li rois en feroit, ce n'estoit pas cose, ne requeste à refuser; car ensi que jà il avoient imaginé et considéré Testât et l'afaire dou roi et l'ordenance de sa guerre , et comment li dus de Braibant , ses cousins germains, li dus de Guerlles, son serourge, et les Alemans l'avoient mené et pourveu jà par deus saisons et fait despendre son argent si grandement que encores il s'en trouvoit derrière et seroit un lonch temps, et si n'avoit riens fait fors que travilliet son corps et ses gens et courut une petite escroe l dou roiaume de France et tenu sièges devant Cambrai et Tournai, et que par ensi faire et croire les Alemans , qui sont convoiteus , il ne venroit à son entente, mais par le païs de Bretagne qui li estoit une belle entrée et requelloite pour cevauchier en France, i pooit-il bien venir, et si en seroit sa guerre plus forte et plus belle avoecques aultres accedens qui légièrement poroient avenir.
Adonc fu li contes de Montfort apellés. Il vint. Li venu
1 Escroe, bande, lisière.
en la cambre , il li fu dit que li rois estoit consilliés à ce que il le receveroit comme son homme liège as mains et à la bouce, et il li jurroit à estre son homme liège à tousjours mais , et à tenir la ducée de Bretagne dou roi présens et des rois d'Engleterre qui apriès li descenderoient. Li contes de Montfort mist ses mains entre les mains le roi d'Engleterre, et puis fu introduis de l'évesque de Londres à parler et parla mot à mot tout ce que li évesques li faisoit dire , et fist hommage de foi , de mains et de bouce , et furent toutes les paroles que il dist là et réchita, mis en l'entente des prélas et signours d'Engleterre, qui là estoient, et en furent lettres levées et instrumens publiques escrips et grosses '. Et aussi li contes -de Montfort qui se nommoit dus de Bretagne, quant il ot fait hommage au roi et il fu recheus à toutes les solempnités qui i apertenoient à estre et à faire, et il li fu en ce loyés et obligiés, il requist au roi comme à son signeur liège que, se li rois Phelippes qui se disoit rois de France ou aultres vol oient entrer à puissance en Bretagne et calengier l'iretage ou nom de messire Carie de Blois et de sa femme , qui s'en disoit hiretière , et que il i venissent si fort que de puissance singulère il ne peuist résister à rencontre, que il fust aidiés et secourus en la fourme et manière que uns sires doit aidier son homme. Li rois li ot en convenant, et de tout ce fissent les lettres et instrument mention, et furent les lettres apertenansau conte de Montfort, lesquelles il emporta avoecques li, séelées dou séel dou roi d'Engleterre et des séauls des barons d'Engleterre qui à toutes ces paroles, devises et ordenances furent présens.
1 Selon les historiens de la Bretagne, l'hommage de Jean de Montfort à Edouard III est d'une date bien postérieure. L'acte d'hommage publié dans le recueil de Rymer est du 20 mai 1315.
Tout ce fait et acompli dou plus hastéement c'on pot , (car li contes voloit susbrief terme retourner en Bretagne, dont il se nommoit dus) il prist congiet au roi et as signeurs et fist partout compter et payer, et se départi de Londres et chevauça viers Plumude où sa navie estoit, qui l'atendoit , et la trouva toute preste et vent bon assés pour retourner en Bretagne. Si entrèrent li contes et ses gens en lors vassiaus, et singlèrent tant que il retournèrent à Vennes, dont il estoient parti et là ancrèrent, et si se rafresquirent en la chité , car elle et tous li plas païs estoit pour li , et puis au second jour montèrent as chevaus et vinrent à Nantes et là trouvèrent la contesse qui se nommoit ducoise, qui requelli son mari et toute la compagnie moult liement , et li demanda des nouvelles , et li contes l'en dist assés et toute l'ordenance des trettiés comment il se portoient, et se looit dou roi d'Engleterre et des prélas et barons d'Engleterre, lesquels il avoit veus.
