CHAPITRE CLXIX

Comment li rois d'Engleterre conquist la ville de Dignant.

Depuis ni ot fait nul si grant assaut à la chité de Venues que chils fu, tant que siège durant, car li Englois estoient courouchiet pour le baron de Stanfort et messire Jehan de Lille et aultres hommes des lours que il avoient perdus, et li François aussi estoient grandement merancolieus pour le signeur de Cliçon et messire Hervi de Lion que li Englois tenoient à prisonniers.

Les nouvelles vinrent au roi d'Engleterre qui se tenoit devant Dignant, que li sires de Cliçon et messires Hervi de Lion, qui tant avoient porté de contraire à la contesse de Montfort et plus que tout li chevalier de Bretagne, estoient pris. De ces nouvelles fu li rois d'Engleterre tout resjoïs, et rescripsi à ses gens devant Vennes de son estât et leur manda que point li sires de Cliçon et messires Hervi de Lion ne fuissent mis à finance, car il les voloit avoir. On obéi au roi, ce fu raison, et se tint li sièges devant Vennes et aussi fist-il devant Nantes et Rennes et Dignant.

Quant li rois d'Engleterre qui se tenoit devant Dignant, et ses gens orent avisé la manière dou lieu, si lor sambla que elle estoit bien prendable, car elle n'estoit pour lors fermée que de palis et de fossés grans et larges et ens es quels on pooit bien navyer. Si fissent querre et pourveir grant fuisson de nacelles et entrer dedens archiers et navyer jusques à ces palis.

Li Breton qui dedens Dignant estoient, veoient bien le

convenant des Englois comment il aproçoient et venoient pour asallir. Si se ordonnoient ausi de grant volenté à euls deffendre par l'avis et ordenance de messire Pierre Portebuef, lor chapitainne. Li assaus conmenclia grans et fors par les archiers qui estoient entré en ces nacelles, qui traioient si ouniement, quant il furent venu jusques à ces palis, que chil dedens ne s'osoient à monstrer, et se il s'amonstroient, il estoient enpallé tout oultre de ces saïetes barbées d'Engleterre, et pluisseurs de bléciés et de navrés i ot par le tret. Messires Pierres Portebuef estoit montés sus un petit cheval moult tos alant, et cevauçoit tout au tour de la ville et amonestoit les hommes qui estoient as deffenses, de euls bien deffendre, et il en faisoient leur devoir ; mais li archier et aultres gros variés qui portoient hapes et quigniées ' , aprocièrent de si priés que il vinrent jusques as palis et rompirent les aix2 et copèrent le mairien et les reversèrent en l'aiguë. Donc vinrent gens d'armes à effort de celle part, qui estoient pourveu de batiaus et de nacelles, et vinrent là où li palis estoient fausset. Tous les premiers qui dedens entrèrent, ce furent messires Bietremieus de Brues3 et le signeur de Bercler et lors pennons. Si trètos que les hommes de Dignant veirent ce meschief que la ville estoit gaegnié par les palis, si ne tinrent nul arroi, mais s'enfuirent, li uns çà et li aultres là. Messires Pierres le chapitainne, comme vaillans chevaliers, se retraï viers le marquiet et mist là son pennon, et requella ses gens de deffense , et se missent tout ensamble et ne dai-

1 Hapes et quigniées, haches et cognées.

2 Aix, ais, planches.

3 Barthélemi de Burghersh, l'un des protecteurs de Froissart qui le nomme ailleurs « un bon et grand baron d'Engleterre. » Le sire de Burghersh fut maréchal d'Angleterre, connétable de Douvres et gardien des Cinque ports.

Dl FROISSANT. 117

gnèrent fuir, car bien veoient que fuir ne lor pooit riens valoir : si avoient plus cliier atendre l'aventure honnourablenient que faire cose, dont il euissent reproce.

Les Englois qui estoient entré par les palis en la ville, entendirent à ouvrir la porte, et donc entrèrent dedens toutes gens d'armes et d'archiers qui entrer i vodrent, et s'espardirent li pluisseur parmi la ville qui estoit grande durement et raemplie de biens, et li aultre s'en alèrent deviers messire Pierre Portebuef et les compagnons , liquel s'estoient requelliet tout ensamble et mis en bon convenant. Ces Englois vinrent sus euls et les asallirent, et i ot là un petit de belle meslée, mais elle ne dura point longuement, car li François furent tantos ouvert et espars, mors et pris. Messires Pierres Portebuef fu pris d'un jone chevalierqui se nommoit messires Jebans de Boursier. La ville de Dignant fu courue et robée toute, et moult d'hommes delà ville, il i ot mors ; car qui ceoit ens es mains de ces Englois routiers, il estoit mors, et aussi moult de hommes et de femmes se sauvèrent par deus portes qui furent ouvertes, et s'en alèrent li fuiant viers Ghinghant ; et quant les Englois orent fait lors volentés de Dignant en Bretagne et courue et pillié, et mis le conques et le pillage à voiture, il s'en départirent et laissièrent tout vague, et chevauça li rois d'Engleterre et s'en vint au siège devant Vennes, et là se tint et envoia dire à ceuls qui tenoient le siège devant Nantes, que il fuissent sus lor garde, et à ceuls de Rennes aussi ; car il avoit entendu que li dus de Normendie devoit, à puissance de gens d'armes, venir en Bretagne pour lever ces sièges et combatre le roi d'Engleterre, et tout ce estoit vérités, car li mandemens qui fais avoit esté dou roi de France à estre en la chité dou Mans et en la chité d'Angiers, s'estoient tenu, et venoient gens d'armes de tous

costés ens ou service dou roi et dou duch de Normendie, et estoit li intension des François que jamais ne retourneroient en France, si aueroient combatu les Englois.