CHAPITRE CLXX
Comment l'hoost des François se logia devant Vennes à rencontre del hoost le roi d'Engleterre, et comment li légas dou pape négocièrent, à grant painne, une trieuve de trois ans.
Li dus de Normendie etli contes d'Alençon, son oncle, estoient venu en la chité de Angiers et là tenoient lor estât. Toutes gens d'armes venoient à tous lés et se logeoient ou il passoient pultre par l'ordennance des marescaus et dou mestre des arbalestriers. Quant il furent tout venu, il se missent au cemin moult ordonnéement, ensi que gens d'armes doient aler. Là estoient li contes d'Eu et de Ghines, connestables de France, li contes de Blois, frères à messire Carie de Blois, li dus Pierres de Bourbon et li contes de Pontieu, son frère, le conte de Savoie et messire Lois de Savoie, son frère, le conte de Genève, le conte de Forois, le conte de Clermont et daufîn d'Auvergne, le conte de Harcourt, le conte de Vendôme, le conte de la Marce, le conte de Roussi, le conte de Porsyen, le conte de Vaudemont et de Genville, le conte d'Auçoirre, le conte de Sansoirre, le conte d'Aumale, le signeur de Couchi, le signeur de Biangeu, le signeur de Craon, le signeur d'Amboise, le signeur de Saint-Venant et tant de hauls barons et de cbevaliers que jamais je ne les aueroie tous nommés, et estoient bien sys mille chevaliers et en comptant toutes gens d'armes, quarante mille hommes, et
avoient charroi et pourvéances, à grantfuisson,qui les sievoient. Les nouvelles vinrent devant Nantes as chevaliers d'Engieterre qui tenoient là le siège, que trop grant puissance de France venoit sus euls et ou pais. Si orent consel de deslogier et retraire viers Vennes, et se deslogièrent et laissièrent Nantes en cel estât, et ensi fissent chil qui seoient devant la chité de Bennes et se retraïssent tout devant Vennes et se missent ensamble en fortefiant lor hoost, et pooient estre Englois et Bretons de une aliance, quatre mille hommes d'armes et noef mille archiers, et estaient tout conforté d'atendre la bataille et de combatre as François, et aussi li François à ce que renommée couroit et que on en veoit les apparans, ne demandoient aultre cose. Tant esploitièrent les hoos au duc de Normendie que il vinrent en la marce de Nantes. Messires Caries de Blois, qui s'escripsoit et nommoit dus de Bretagne, et en portoit en ses armoieries les plainnes armes, issi hors de Nantes à bien quatre cens lances, messire Lois d'Espagne, son cousin , en sa compagnie , et s'en vint à l'encontre de son oncle le conte d'Alençon et dou duc de Normendie et de son frère le conte Lois de Blois et contre tous les signeurs, et les conjoï et requella l'un apriès l'aultre moult liement et les remercia dou service que il li faisoient, et en mena une grant partie des chiefs des signeurs logier en la chité de Nantes et euls rafresquir, et furent là quatre jours. Au cinquième, il s'en départirent et se missent tout au cemin pour venir viers la chité de Vennes. De Nantes jusques à là, puet avoir vingt lieues. Il i missent sys jours au venir, et s'en vinrent li François à toute la puissance de laquelle vous oés parler, logier sus un biaus plains à l'encontre del hoost le roi d'Engieterre Ensi furent ces deus hoos lune devant l'aultre et n'i espéroit-on
aultres coses que la bataillé, et c'euist esté sans nulle défaute; mais papes Clémens Ve qui resgnoit pour ce temps, i avoit envoyet deus cardinauls en légation, le cardinal de Prénestres1 et le cardinal de Clermont, liquel cardinal trettoient et parlementoient entre ces parties paix ou concordance, se il peuissent, mais il les trouvoient si durs et si hausters et si mal entendans à lors remonstrances et volentés que il n'i veoient moyen, ne conclusion, et tenoient li dus de Normendie et li François, le roi d'Engleterre et les Englois pour tous assiégiés, car pourvéancesde nul costé ne lor pooit venir se ce n'estoit par mer, et la mer estoit moult bien gardée de par les François, et n'avoient les Englois nuls vivres, fors escarsement2 et à grant dangier, et estoit li intension des François que là il les afameroient et feroient tous morir sans cop férir. D'aultre part la saison estoit si fresce et si plouvieuse que nuit et jour il plouvoit si ouniement que on ne pooit logier as camps, fors en grant painne et povreté, car les nuis estoient longues et froides, ensi que elle sont en novembre et en décembre, et convint le duch de Normendie et toute son hoost deslogier de la pièce de terre où logiet estoient, et traire d'autre part plus en sus pour le plueve et le frès temps. Avoecques tout ce, lor ceval moroient tout de froit et de famine, car li varlet des François ne sa voient où aler pour fouragier, se ce n'estoit vint lieues ou environ lonch et en sus de l'oost, et furent en ce dangier plus de syssepmaines, et tous les jours on disoit ens es deus hoos : « Nous nos combaterons demain » et monstroient li François par lors paroles et apparans que il faisoient, que il
1 Préneste ou Palestrine.
1 Escarcement [scarcely), en petite quantité.
estoient en bonne volenté de combatre, et les Englois n'avoient point trop grande affection à la bataille, car il ne se veoient point tant de gens d'armes de trop que li François estoient. Si consentoient assés les trettiés que li doi cardinal faisoient.
Tant fu aie, parlementé et trettié entre ces parties que unes trieu ves furent prisses à durer trois ans l , c'est à entendre, entre messire Carie de Blois, ses aidans et confortans, et la contesse de Montfort qui chief se faisoit de la guerre pour son fil, car son mari estoit mors en la prison de la tour dou Louvre à Paris; et tant que, en aidant l'une partie et l'aultre, li rois d'Engleterre et li dus de Xormendie, représentans la personne dou roi son père, juroient les trieuves à tenir les trois ans, mais les marces et frontières de Guiane et de Gascongne estoient réservées, et se pooient là traire toutes manières de gens d'armes de l'un costé et de l'aultre. Ensi se départi ceste grande assamblée par le moyen desdeuscardinauls desus nommés, et demoroit casquns et casqune en sa tenure, ce que messires Caries de Blois tenoit pour lui, et ce que la contesse de Montfort aussi avoit pour li en Bretagne, et se levèrent cbil doi siège, dont pluisseurs gens furent resjoï, car il avoient passé le temps en grant povreté. Si donna li dus de Normendie congiet à toutes gens d'armes et s'en vint à Nantes, et là se rafresquirent li signeur, et puis prissent congiet à messire Carie de Blois et s'en retournèrent casquns en son lieu, et li rois d'Engleterre s'en retourna et vint à Hainbon où la contesse se tenoit Adonc furent fait li escange des prisonniers, et fu délivrés li sires de Cliçon pour le baron de Stanfort, et messires Jehans de Lille pour mes-
4 La trêve du Malestroit fut signée le 19 janvier 1343.
sire Guillaume d'Ansenis , et demora messires Hervi de Lion en la prison dou roi Édouwart, et dist li rois que il l'emmenroit en Engleterre.
