CHAPITRE CLXXIV
Comment li rois d'Engleterre envoya le conte Derbi à chapitainne en Gascongne avoecques pluisseurs aultres chevaliers.
En celle grande feste, qui fu à Windesore le jour Saint- George en l'an desus dit, furent de Gascongne auquns "barons, tels que li sires de Labreth, li sires de Pommiers, li sires de Mouchident et li sires de Copane , et les avoit conjoïs et honnorés li rois d'Engleterre de tout son pooir, et aussi avoit fait la roine d'Engleterre , sa femme , et li baron et dames d'Engleterre, et avoient requis cbil signeur au roi que il vosist de là en Guiane envoyer auqunes gens d'armes et archiers de par li , pour tenir et faire frontière
DEFROISSART. 153
à l'encontre d'auquns rebelles barons et chevaliers dou pais qui constraindoient ses hommes et ses obéissans ou pais de Bourdelois, d'Auberoce, de Bergerac et de la Réole, par quoi on euist vraie congnissance en Guiane que li rois d'Engleterre estoit lors sires. Li rois d'Engleterre avoit respondu à ces barons de Gascongne et dit ensi que volontiers il i envoieroit , car il estoit tenus et voloit conforter ses bonnes gens des lontainnes marces aussi bien que les prochainnes. Or estoient chil signeur parti dou roi d'Engleterre tout content et retourné en- lor pais et recordé as chevaliers et esquiers des frontières de Bourdiaus ces nouvelles, et assés tos apriès lor département, il ordonna, par la délibération de son consel, gens d'armes et archiers pour aler en Gascongne et visiter les forterèces, et nomma son cousin, le conte Derbi, à chapitainne et souverain de toutes ces gens d'armes , et avoecques li le conte de Pennebruq, le conte de Kenfort, le baron de Stanfort, messire Gautier de Mauni , messire Franque de Halle , messire Jehan de Lille, messire Jehan de Gréa, messire Jehan de la Souce , messire Guillaume Penniel , messire Hugue de Hastingues , messire Thomas Wake , le signeur de Ferrières, les deus frères de Lindehalle, messire Richart de Hebedon, messire Normant de Senefroide, messire Estievène de Tornbi, messire Eobert d'Eltem, messire Jehan de Nordvich, messire Richart de Roclève, messire Robert de Qantonne, messire Aimon dou Fort et pluisseurs aultres, et furent bien trois cens chevaliers et esquiers, sys cens hommes d'armes et deus mille archiers. Tout chil signeur fissent lors pourvéances de ce que il lor besongnoit, à Pleumude et à Dardemude , et là se traïssent petit à petit et trouvèrent navie toute preste que li rois lor délivroit. Si entrèrent dedens quant toutes lors pourvéances furent
prestes, et se désaucrèrent et tournèrent lors singles ' deviers Gascongne et costyèrent Bretagne , Rocelle et Poito et entrèrent ens ou havène de la Gironde, et vinrent à Bourdiaus et là ancrèrent et puis issirent des vassiaus 2. Li sénescaus dou lieu pour le temps, messires Thomas Fouque,et li maires de la ville et tout li homme bourgeois de la chité de Bourdiaus les requellièrent doucement et liement et lor amenistrèrent ce que il lor hesongnoit. Si missent hors des vassiaus lors pourvéances et tout ce que passet a voient , et tout furent logiet en la chité de Bourdiaus et s'i rafresquirent , et se pourveirent de chevaus ceuls qui nuls n'en avoient et fissent remettre à point lors selles et lors harnois et lors armeures.
