CHAPITRE CLXXV

Comment li contes Derbi conquist Bergerac.

Quant li contes Derbi ot séjourné en la chité de Bourdiaus environ quinse jours , il li prist volonté de cevauchier. Si le fist segnefyer par ses hiraus à tout homme et que casquns fust près : il le furent et se départirent un jour de Bourdiaus en grant arroi, et fist marescal de son hoost messire Gautier de Mauni, et prissent le cemin de Bergerac, et ni a que quatre lieues de Bourdiaus, et vint à un chastiel séans à une lieue priés, lequel on nomme Montquq, et se tenoit pour euls et en estoit chapitainne et gardyens uns chevaliers de Gascongne qui se nommoit mes-

1 Singles, voiles.

* Ceci se passait, d'après dom Vaissette, à la fin du mois de juin 1343.

sires Raiminons de Copane, qui rechut les Englois liement et lor amenistra tout ce que il lor besongnoit. Si se reposèrent là les Englois une nuit, et à l'endemain li contes Derbi envoia courir par messire Gautier de Mauni et messire Franque de Halle, à tout deus cens lances et trois cens archiers, devant Bergerac et lever la proie, et reboutèrent toutes gens dedens, ne nuls de ceuls qui dedens estoient, ne s'osèrent bougier, ne issir pour resquourre la proie. Quant messires Gautiers de Mauni et li Englois orent fait lor emprise , il retournèrent à Montquq et se traïssent les chapitainnes deviers le conte Derbi. Là dist messires Gautiers de Mauni une chevalereuse parole : « Se no as estions « bien preu et se nous faisions nostre devoir, que gens i d'armes doient faire, quant il sont venu en un païs pour « guerryer, nous souperions encor à nuit en Bergerac « dou vin de ces François. » Li contes Derbi rechut ceste parole en grant joie et dist : « En moi ne demorra pas que « nous n'en faisoions, Gautier, Gautier, nostre acquit. » Adonc fist li contes sonner les trompettes et aparillier tout homme, armer et monter à cheval, et issirent de Montquq gens d'armes et archiers , et ceminèrent viers Bergerac et tantos i furent. Si s'arestèrent devant la ville qui est forte assés et doit estre par raison , car la rivière de la Dourdonne qui vient là d'amont de Roergue, de Quersi et des frontières d'Agen et de Limosin, rentre la en la Gironde. Li gentilhomme, qui pour lors estoient en Bergerac, orent consel de \ridier lor ville et de euls rengier et ordonner devant les barrières et escarmuchier et asayer la puissance des Englois, et avoient fait carpenter une bastide où il pooient bien estre cincq cens hommes , et jà i estoient-il entré pour deffendre le cemin et quidoient faire mervelles, mais sitos que les Englois furent venus, chil de Bergerac

ne tinrent nuls conrois ; car les Englois vinrent, lances abaisiés, et commencièrent à asallir ces François et ces Bidaus ' qui là estoient, et archiers à traire d'autre part. Tantos la bastide fu délivrée et maint homme mort et bléchiet et reversé par terre. Li gentilhomme se retraïssent deviers les barrières qui estoient toutes ouvertes pour euls requellier , mais au rentrer dedens li mescief i fu trop grans pour les rentrans ; car les Englois qui s'avanchièrent, s'esforchièrent tellement que il conquissent les bailles et la porte dou pont , et montèrent sus avoecques euls et passèrent tout oultre. Et là sus le pont de Bergerac furent pris li viscontes de Quarmaing et messires Raimmons, son oncle, et plus de treise chevaliers, et li aultre qui sauver se porent, widièrent hors par une porte qui lor fu ouverte. Si prissent les camps et le cemin de la Réole, et pluisseurs hommes et femmes de Bergerac entroient en bâtiaus et en nacelles sus la Dourdonne et sauvoient lors vies. Ensi fu Bergerac prise 2, et i conquissent les Englois grant butin ; car pour ces jours elle estoit moult riche, et là au souper ramentut li contes Derbi à messire Gautier de Mauni les paroles , lesquelles il avoit dit à Montquq , que se il estoient bien vaillant, il aueroient à lor souper dou vin des François. Voirement en orent-il, dont il se tinrent tout aise.

1 Troupes légères, formées principalement d'Espagnols et de Navarrais. Guillaume Guiart en parle en ces termes :

En guerre par accoustumance Portent deus dars et une lance Et un coutel à la ceinture :

D'autres armeures n'ont cure.

2 La capitulation de Bergerac eut lieu le 24 août 1345.