CHR0N1QI ES
point faire asallir, et puis chevaucièrent oultre et vinrent devant une petite ville fermée de palis qui se nommoit la Lieuve. Il la conquissent et i trouvèrent grant fuison de vins , car elle sciet en biaus vignobles. Si en orent à lor volonté et puis passèrent oultre et vinrent à Fronsac et le gaignièrent, et puis la tour de Prudaire et le conquissent aussi ; et puis s'en vinrent devant une bonne ville que on apelleBiaumont-en-Laillois etsetenoitdoucontedeLaille1 , un moult vaillant homme, et avoit chils contes esté mestres dou duch Jehan de Normendie et l'avoit instruit et doctrine en sa jonèce. Pour ces jours, li contes de Laille nJestoit pas là, mais dedens Auberoce avoecques auquns barons et chevaliers de Gascongne et dou pais et laissoient les Englois convenir, car il tenoient les camps. Quant li contes Derbi et ses gens furent venu devant Biaumont-en- Laillois, il s'arestèrent. Dedens avoit un chevalier à chapitainne, qui se nommoit messires Jourdains, assés vaillant homme, et ne volt pas rendre la ville de Biaumont légièrement, pour tant que li contes estoit son cousin et li avoit bailliet en fiance. Si fu la ville assallie de grant manière, et li chevaliers et chil qui dedens estoient en garnison, se deffendirent vaillamment, et ni conquissent riens les assallans, mais i ot grant fuisson des Englois bléciés. Adonc se logièrent-il et dissent que jamais de là ne partiroient si l'aueroient à lor volonté. Il n'en défallirent point, mais il i furent trois jours avant que il le peuissent avoir. Toutefois par force d'assaut, il le conquissent et i entrèrent, et fu li chevaliers messires Jourdains pris et moult blé et se rendi à messire Gautier de Mauni qui tantos le receut
' Bertrand de l'Isle-Jourdain , fils de Bertrand, baron de l'Ifile- Jourdain et de Marguerite de Foix. Ce fut en sa faveur que la terre du l'Isle-Jourdain fut érigée en comté par Philippe de Valois.
sus sa foi, pour tant que il estoit trop fort bléciés, pourtant que il voloit que il se fesist aidier de sa navreure, ensi que il fist ; car li chevaliers ala à Thoulouse et là se fist médeciner. La ville de Biaumont-en-Laillois fu prise et courue, et i trouvèrent les Englois grans conques, car tous li plas païs si estoit retrais sus la fiance dou lieu, et i ot grande occision des hommes de la ville, et la laissièrent les Englois toute vague, et ensi fu bien la moitié arse; et puis passèrent outre et vinrent devant Montagru. Si fu prise la ville d'assaut et toute destruite, et puis vinrent devant Laille, la souverainne ville dou conté. Si la trouvèrent les Englois pourveuede gens d'armes et de cheuls dou pais qui retrait i estoient. Si l'environnèrent et bien la avisèrent, et lor fu avis que elle estoit prendable. Si se missent en ordenance pour le assallir, et fissent traire lors archiers avant et aprochier jusques as barrières et commenchièrent l'escarmuce , et tout ce fissent les Englois pour veoir le convenant de ceuls de la ville, et fu avis à gens d'armes que il se deffendoient simplement. Quant ce vint au second assaut, toutes gens d'armes se traïssent avant et commenchièrent en quatre lieus à asallir là ville, et là ot assaut moult dur et moult fort et bien continué, et voellent bien li auqun dire que les Englois euissent conquis la ville se il euissent persévéret ; mais quant li bourgeois de Laille se veirent en si dur parti et que point à la longue, il ne poroient résister à la puissance des Englois, si parlèrent ensamble et disent que mieuls lor valoit à euls rendre que estre pris à force et tout mort ou en partie et destruit , et lor -ville arse. Si envoyèrent tretier deviers le conte Derbi et les signeurs, mais lor chapitainne, uns chevaliers cousins au conte de Laille, ne volt onques estre à nuls de lors trettiés. Avant se parti à toutes ses gens par une posterne
que il fist ouvrir, et se mist sus les camps et s'en ala viers Auberoce, où li contes de Laille se tenoit , et li compta comment sa ville estoit en péril de estre perdue et que li homme de Laille se voloient rendre. De ces nouvelles fu li contes tous courouchiés, mais amender ne le pot et porta ses anois assés bellement. Si homme de Laille pour celle saison se tournèrent Englois et se missent en l'obéissance dou roi d'Engleterre, et pour estre mieuls à ségur de euls, li contes Derbi prist douse bourgeois de la ville tous les plus notables, et les envoia comme ostages en la chité de Bourdiaus afin que point ils ne se retournaissent. Ensi furent les Englois signeur de la ville de Laille-en-Laillois et la rafresquirent et repourveirent de gens d'armes et d'archiers et i establirent un chevalier d'Engleterre à chapitainne, qui se nommoit messires Estievènes de Tornbi, vaillant homme et sage durement.
