CHAPITRE CLXXVII
Comment li contes de Pievegortk resvillia les Englois et prist le conte de Quenfort.
Apriès toutes ces ordenances faites, li contes Derbi et ses routes se départirent de Laille, et prissent le cemin de la Réolle, mais avant il vodrent aler devant Pieregorth, ensi que il fissent, et entrèrent en la terre le conte de Pieregorth et là commenchièrent à essillier et à prendre gens et à rançonner. Tant ceminèrent que il vinrent devant Pieregorth. Par dedens estoientli contes de Pieregorth et messires Rogiers de Pieregorth, son oncle, et grant fuisson de chevaliers et de esquiers de lor linage, qui là estoient
retrait sus la fiance dou fort lieu et pour avoir consel l'un à l'aultre comment il se maintenroient. Quant li contes Derbi et sa route furent venu jusques à là, il l'avisèrent et imaginèrent comment, ne par quelle manière , il le poroient asallir pour plustos avoir, et mieuls à lor avantage. Tout considéret, il ne peurent veoir que par nul assaut légièrement il le peuissent conquester, et trop lor cousteroit de lors gens. Si passèrent oultre sans riens faire, et vinrent devant Boni val, et là ot grant assaut et dur, et pluisseurs hommes furent bléciés. Finablement li Englois le prisent et en fissent lors volontés, et puis passèrent oultre et vinrent logier sus une petite rivière, et se tinrent là une nuit, et àl'endemain, il vinrent devant le chastiel de Pellagrue,' mais la nuit devant, il lor estoit avenu ce que je vous dirai. Li contes de Pieregorth et ses oncles et li chevalier qui en Pieregorth estoient, sceurent bien où les Englois estoient aie logier. Si se avisèrent de euls resvillier, car Gascons sont moult convoitous et se prendent priés de euls aventurer pour gaegnier. Sus le point de mie-nuit, il se départirent de Pieregorth, environ deus cens lances, tous bien montés, et s'en vinrent férir ou logeis des Englois à cel endroit où li guait n'estoit point, et esceirent sus le logeis le conte de Quenfort1 et commenchièrent à abatre et à méhaignier gens et vinrent sus le conte et le prissent et quatre chevaliers (aultrement il euissent esté mors) et auquns hommes d'armes et les montèrent et puis se missent au retour. Avant que toute l'oost fust resvillié , ne montet as chevaus, il furent moult lonch et rentrèrent en Pieregorth à tout ce conques, dont les Englois furent tout merancolieus et ne le sceurent comment amen-
1 Kenford.
der pour l'heure, et vinrent devant la ville et le cliastiel de Pellagrue et le commencièrent de fait à asallir moult fortement et ceuls de dedens à euls deffendre.
