CHAPITRE CLXXVIII
Comment les Englois entrèrent dedens Auberoce.
La ville et li chastiaus de Pellagrue estoient fort assés. Si i furent les Englois sys jours avant que il en peuîssent estre signeur et conquissent la ville par assaut et fu toute courue'. Apriès se rendi li chastiaus, et le veirent les Englois fort assés. Si le retinrent pour euls et le rafresquirent de nouvelles gens et de pourvéances , et puis passèrent oultre et vinrent devant Auberoce. Quant il furent venu devant, il s'i logièrent et establirent aussi faiticement3 de tous poins que pour demorer une saison, car c'est une ville séans sus la rivière de la Dourdonne qui porte la navie et va férir en la Gironde qui court devant Bourdiaus. Pour tant que la ville d'Auberoce estoit adont à l'arcevesque de Toulouse, li chevalier de Gascongne n'en faisoient pas trop grant compte, et ni avoit dedens que les hommes de la ville. A l'un des lés a un biel chastiel et fort assés, et chils estoit gardés des gens de l'arcevesque. Quant les hommes de Auberoce veirent les Englois venus devant euls, si se doubtèrent grandement pour tans que, en venant jusques à là, il avoient conquis par force aussi forte ville que la lour estoit, et sentoient bien que de
1 Villas de Pelagru, de la Lynde, deMountagicr, de Seint-Lowis, de Seint-Chester et de la Joie et alias villas subjecit. 11. de Avesbury, p. 121.
: Faiticciîicnt, bien, convenablement, en bon ordre.
DE FROISSART. Ii3
lor signour il n'aueroient nul confort, car il se tenoit en Avignon dalés le pape Clément VIe qui resgnoit pour ce temps, et ne se veoient pas gens de deffense contre gens d'armes et archiers d'Engleterre, et ne votaient pas le lour perdre, là où il le peuissent amender, car il estoient gent qui vi voient de labour et de marceandise. Si trettièrent deviers le conte Derbi, et fissent tant que il demorèrent en paix, et jurèrent foi et loiauté à tenir au roi d'Engleterre, et entrèrent les Englois dedens Auberoce sans faire , ne porter damage, ne contraire, ne violence à»homme, ne à femme qui i fuissent. Quant il furent dedens, il s'en tinrent à tout resjoï et envoyèrent tretier à ceuls qui ou chastiel estoient, et fissent grant apparant de euls asallir. Cliil qui se veoient là dedens enclos, n'estoient point à lor aise et n'atendoient sequours, ne confort de nul costé. Si entendirent as trettiés dou conte Derbi et se rendirent, salve lors vies et lors biens, et se départirent. Ensi orent les Englois Auberoce, ville et ebastiel, et entendirent tantos au fortefyer et au remparer, et le fissent trop plus forte que devant, et quant il orent ensi fait, li contes Derbi ot consel que il se retrairoient viers Bourdiaus. Si ordonna à demorer en garnison dedens Auberoce , messire Franque de Halle, messire Alain de Sinefrède et messire Jehan de Lindealle, et avoecques ceuls soissante lances et deus cens archiers, et puis s'en départirent li contes Derbi et ses gens et retournèrent en la bonne chité de Bourdiaus pour euls aisier et rafresquir. Nous parlerons dou conte de Laille et des Gascons qui se tenoient en la Réole et s'i estoient tenu tout le temps, entrues que li contes Derbi avoit fait ses cevauchies.
