CHAPITRE CLXXIX
Comment li coûtes de Laille et chil signeur de Gascongne mirent leur siège devant Auberoce.
Sitos que li contes de Laille et chil signeur de Gascongne sceurent que li contes Derbi et les Englois estoient retrait à Bourdiaus et que il s'espardoient par garnisons, ce n'estoit pas signes que pour celle saison il en vosissent plus faire. Si escripsirent li uns à l'aultre que il se metteroient ensamble à toute lor puissance, et venroient reconquérir les villes et les chastiaus que les Englois avoient conquis. En la fourme et manière que il le proposèrent, il le fissent et se missent tout ensamble et se trouvèrent trois mille hommes d'armes et cinq mille hommes de piet, as lances et as pavais, et s'en vinrent mettre le siège devant Auberoce. Quant chil de la ville veirent que il avoient le siège, si furent tout esbahi et se voloient rendre et tourner, et l'euissent fait se li gentilhomme ne fuissent aie au devant et lor dissent : « De quoi estes-vous esbahi? vous n'avés « garde de siège que vous ayés devant vostre ville. « Nous sommes fort assés et pourveu contre euls, et si « manderons le conte Derbi qui se tient à Liebourne. « Tantos que il en auera nouvelles, il mettera ses gens en- « samble etvenra combatre ces François et lever le siège. » Ces paroles retardèrent les hommes d' Auberoce à faire lor emprise.
Chil signeur, chevalier et esquier, qui là tenoient le siège , commenchièrent à asallir ceuls d'Auberoce et euls à deffendre, car li gentilhomme qui dedens se tenoient,
DE FROISSART. 14g
estoient droites gens d'armes. Quant chil signeur gascon veirent que par assaus il ne faisoient riens, mais se travilloient et estoient lors hommes bléciés, si envoyèrent quérir des enghiens en la Eéole. Quant il furent amené et drechiet, il commenchièrent à jetter pierres de fais en la ville et contre le castiel, dont hommes et femmes furent moult esbahi, et toudis li gentilhomme les reconfortoient, et fissent couvrir les maisons de claies et d'estrain ' et de terre pour brisier le ject des pierres qui ceoient sus les tois, et s'esmervilloient moult de ce que il n'ooient nulles nouvelles de lors gens, et escripsirent lettres pour envoyer au conte Derbi, et prissent un varlet et li baillièrent les lettres et le missent hors sus le tart. Li variés quida passer parmi l'oost sans estre aperçus, mais non fist, car il fu pris dou gait et gardés jusques à l'endemain que li signeur furent levet et mis ensamble. Li varlet fu amenés devant euls en la manière que il l'avoient pris et la lettre leue. Quant il l'orent entendu, il commenchièrent à rire et puis à avoir consel quel cose il en feroient. Consilliet fu que on le loia en un moncelet z et li fu la lettre toute ouverte loyé au col, et en cel estât par un enghien il fu jectés en la ville. Il céi sus un toit couvert d'estrain et de terre. On i ala veoir ; on le trouva mort et la lettre loyé au col. Si fu nonchié li affaires as chevaliers, liquel furent moult courouchiet et ne trouvèrent oncques depuis homme, ne varlet qui se vosist, ne osast mettre en mesage. Si lor convint atendre l'aventure.
1 Estrain, paille.
2 On lui lia les bras et les jambes de telle sorte que son corps formait un monceau.
lii, CHRONIQUES
