CHAPITRE CLXXX

Comment li contes Derbi et messîres Gautiors do Matmi desconflrent les Gascons.

En ce propre jour que ceste avenue avint dou varlel et de la lettre, passèrent parmi l'oost pèlerins de Flandres, liquel retournoient de Saint- Jaque en G alise. On ne lor fist nul mal, mais toute courtoisie pour l'amour dou pèlerinage, et orent à boire et à mengier en la tente dou conte de Laille, car ce fu uns moult vaillans preudoms et qui moult amoit saint Jaque. Cliil pèlerin oïrent parler dou varlet et de la lettre, et comment par un enghien il l'avoient renvo}7et en la ville : on ne se donnoit garde de euls. Quant il orent beu et mengié, il passèrent oultre et vinrent ce soir jésir à Pellagrue qui estoit englesce. On ne lor demandoit partout riens pour tant que il estoient pèlerin de Saint-Jaquème. Le chapitainne de Pellagrue lor demanda des nouvelles pour tant que il avoient passet parmi l'oost devant Auberoce. Cliil pèlerin qui nul mal n'i pensoient, li recordèrent tout ce que il avoient veu et oï, et quant il li orent dit, il prist congiet à euls, et tantos au matin, il monta à ceval et cevauçatant celle journée que il vint à Lieborne où li contes Derbi se tenoit, qui fu moult esmervilliés de sa venue, et pensoit bien que il i avoit nouvelles. Le capitainne de Pellagrue li recorda de point en point toutes les avenues et comment elles avoient aie et des trois chevaliers que on avoit laissiet en Auberoce, qui n'estoient pas bien à lor aise. Quant li contes entendi ce, si appella messire Gautier de Mauni, liquels estoit li plus proçains de son consel, et li recorda ces nouvelles et

DE PROISSART. 147

li demanda quel cose estoit bonne à faire : « Quel cose, « sire ? respondi messires Gautiers, il fault, à quelle fin que « ce soit, que il soient conforté. Aultrement vous fériés « vostre blâme trop grandement, et ne trouveriés cheva- « lier nul qui vosist demorer en garnison sus frontière « des ennemis, et aussi vous lor euistes en convenant, « quant vous partesistes de là et de euls. Se leur tenés <v vostres convenances, je le vous conselle pour vostre « honnour. » — « En nom Dieu, respondi li contes Derbi, « messire Gautier, vous parlés bien, et ensi sera fait. » Adonc et tantos, li contes Derbi mist clercs et variés en œvre et envoia partout à ses gens qui estoient espars sus le païs, et leur manda que tantos et sans délai, ces lettres veues, il venissent à Lieborne et que là les atenderoit. Tout vinrent, et encores séjourna-il un jour oultre son ordenance et volonté, atendans le conte de Pennebruq qui point ne venoit, et quant il vei ce que point ne venroit si trètos, il ne le volt plus atendre, mais se départi avoecques ce de gens d'armes et d'arcbiers que ils avoit, et se missent au cemin pour venir devant Auberoce, et volt li contes Derbi faire celle cevauchie si secrètement que li Gascon qui là. estoient au siège, n'en seuissent riens, et cevauchoient à la couverte. Avoecques le conte Derbi estoient des chevaliers d'Engleterre messires Gautiers de Mauni, messires Bicliars de Stanfort, messires Hugues de Hastinghes, messires Estievènes de Tornbi, li sires de Ferrières et tout li cevalier qui passet avoient la mer avoecques li, réservé li conte de Qentfort et ceuls qui avoient esté pris du conte de Pieregortb et de son oncle, et li conte de Pennebruq; mais il le souratendoient et atendirent encores sus les camps, et fuissent plus tos venu devant Auberoce que il ne vinrent, et cevauchièrent tant que il aprocliièrent Auberoce

à deus petites lieues, et se boutèrent dedens un bois et descendirent de lors cevaus et les aloyèrent as arbres et as chênes et les loyèrent là et se disnèrent entre euls de ce que il avoient aporté et non d'aultre cose. Quant il veirent que li contes de Pennebruq ne venroit point, et se tournoit li solaus sus l'heure de vespres, et n' avoient de quoi passer la nuit, si se consillièrent li signeur ensamble, et dissent : « Ou il nous fault aler combatre nos ennemis « ou retourner, car nous ne poons chi passer la nuit, nous « et nostres cevaus. » Là dist messires Gautiers de Mauni une parole qui fu bien oïe et entendue : « Quant nous « sommes venu jusques à chi, blâmes et reproces nous « seroit trop grans au retour. Cevauçons avant ou nom « de Dieu et de saint George. Se la journée doit estre nos- « tre, nous ne la perderons jà pour le conte de Pennebruq, « (ou espoir pora-il aussi à temps venir) que dont que ils « fust présentement en nostre compagnie , car chil qui « viennent à une bataille sus le tart, reconfortent les lasce ses. » Donc dist messires li contes Derbi : « Messires « Gautiers de Mauni parole bien, et nous ferons apriès son « consel. » Adonc reprist casquns son cheval, et se missent tout à point tant d'armeures que d'aultres coses, et montèrent et estoient tous à cheval, archiers et aultres, et puis cevauchièrent et tournyèrent le bois dont li une des qones ' dou bois est et estoit à demi-lieue priés d'Auberoce. Quant il furent là venu , il veirent devant euls les logeis des François et les fumières des feus que il faisoient en moult de lieus, car il apparilloient le souper. Evous ces Englois venans, et tout premiers les gens d'armes , et missent derrière euls tous lors

1 Qone, coin, extrémité?

DE FR01SSART. 146

archiers et lor dissent li signeur : « Vous n'avés que faire. « de traire avant si trètos. Tenés-vous sus èle et trayés à « pooir sus ceuls qui saudront hors de lors logeis, car nous « les alons envaïr et commencliier la bataille. » Li archier adonc se traïssent et laissièrent passer les gens d'armes , liquel, lances abaisiés, s'en vinrent frapant en ces logeis, boutans tentes et trefs par terre , mébagnans et occians hommes et mettans en grant meschief; car li François gascon ne se donnoient de garde de celle embusque. Li signeur de l'oost , c'est-à-entendre li contes de Laille qui chief en estoit, li contes de Pieregorth, messires Rogiers de Pieregorth, son oncle, li viscontes de Bruniquiel, li viscontes de Villemur, li viscontes de Talar, li viscontes de Murendon et bien soissante signeurs estoient logiet entre lors gens. Si se commencliièrent à estourmir ' et euls armer et mettre en arroi , quant la noise et li effrois commencliièrent; mais il furent soudainement si sourpris que li pluisseur n'avoient loisir de euls armer, mais montoient as chevaus et se départoient des logeis et rendoient grant painne à euls sauver. Or i avoit un grant mescief pour euls, car il trouvoient sus les camps les archiers qui les atendoient et qui traioient sus euls et sus lors chevaus et les enferroient siques il ne pooient aler avant. Là furent chil Gascon tourné en grant mescief, mort ou pris. Petit s'en sauvèrent, et i furent pris neuf viscontes et bien deus cens chevaliers, ne il n'i avoit Englois qui n'euist un prisonnier ou deus ou trois , et se la vesprée ne fust venue, tout i fuissent demoret. Messires Franques de Halle et chil de la garnison d'Auberoce issirent hors et vinrent aidier à parfurnir la bataille. Quant ce vint sus le nuit et que tout

Estourmir, se mettre en mouvement, se préparer au combat.

estoit retrait et apaisiet et séoient au souper, et donnoient les Englois à souper ces signeurs et chevaliers dou lour meismes ens es logeis, li* contes de Pennebruq vint à bien deus cens lances et trois cens archiers , et avoit encontre biaucop de fuians qui compté li avoient l'afaire de la besongne et comment elle s'estoit portée, et pour ce s'estoit-il moult hastés. Quant il vint devant le conte Derbi qui séoit à table, et biaucop de ces signeurs gascons prisonniers avoecques li, li contes Derbi li dist tout en riant : « Cou- '< sins de Pennebruq, bien venant ! Vous venés tout à point « pour espardre de la bénite iaue sus les mors. » Li contes de Pennebruq entendi bien que li contes Derbi le galoit. Si se hontoia un petit, et puis s'escusa. Ensi se passa ceste journée et la nuitée. Et quant ce vint à l'endemain, cbil signeur d'Engleterre se délivrèrent de lors prisonniers, je vous dirai comment. Les auquns , il missent à finance courtoise , et les aultres il rec eurent simplement sus lors fois et lor donnèrent jours de retourner à Bourdiaus ou à Bergerac. Ensi se porta ceste besongne, qui fu en l'an de grâce Nostre-Signeur MCCC XLIIII, l'endemain dou jour Saint-Laurens en auwoust'.