CHAPITRE CLXXXI
Comment les Englois rentrèrent à Bourdiaus, et comment les chevaliers de Gascongne accusoient l'orgoel des François.
Le perte et le damage que les Gascons prissent devant Auberoce, lor fu moult grande, et ne s'en porent passer,
1 Cette date est fort inexacte. Le combat que raconte Froissart eut lieu au mois d'octobre 1345.
DE FROISSART. ÎM
ne retourner en trop grant temps , car de prisonniers il i ot bien pour trois mille florins, sans les aultres pertes et damages qui montèrent à grant finance. Quant tout fu apointyet et casquns sceut quel cose il devoit faire, tout se départirent li un de l'aultre, et demorèrent messires Franques de Halle et si compagnon chapitainne de Bergerac , et puis se missent au retour li signeur viers la chité de Bourdiaus. Sus ce cemin fu fais uns escanges dou conte de Pieregorth et de messire Eogier son oncle et de auquns chevaliers de lor pais, à l'encontre dou conte de Quentfort et de quatre chevaliers englois qui estoient prisonnier audit conte, et encores avoecques tous ces escanges, il payèrent dys mille esqus et les deubrent envoyer en la chité de Bourdiaus dedens le jour dou Noël. Point n'oï parler dou contraire que il ne le fesissent. Or retournèrent chil signeur d'Engleterre à grant joie et à grant proufit en la chité de Bourdiaus, et i furent de toutes gens recheu et requelliet à grant joie. Si s'en retourna cascuns en sa garnison ensi que il estoit ordonné, et eurent consel que il se tenroient là sus le païs, tout quois, et lor fu avis que il en avoient assés fait pour celle saison et que au lonc dou temps il atenderoient lors raençons et, tantos la Pasque passée, il se remeter oient sus les camps et fer oient bonne guerre.
Vous devés sçavoir que grandes nouvelles furent en France de celle bataille d'Auberoce, et trop petite plainte avoient li Gascon des François, et disoient li auqun, l'un à l'aultre : « Ha Dieus! laissiés aler ces Gascons. Il sont Ente glois à moitié, il ne désirent à avoir aultre signeur que « li roi d'Engleterre. » Quant chil signeur de Gascongne qui à la bataille d'Auberoce avoient esté pris, vinrent en France pour remonstrer au roi et à son consel comment les
m CHRONIQUES
besongnes de Gascongne se portoient mal et porteroient (car les Englois tenroient les camps, qui ne lor iroit au devant), et voloient ossi estre auqunement aidiet de lors raençons, nuls ne voloit à euls entendre, ne il ne pooient avoir point d'audiense, mais les faisoit-on là croupir et seoir au palais ou ailleurs, tant que il estoient tout lasset et tout liodet, et encores avoecques tous les damages que il avoient ens despendre lors deniers et laissier lors gages ou lors gens en crant ' aval Paris, ne il ne pooient veoir le roi, ne parler à lui, ne il ne se savoient à qui traire pour avoir responses de lors requestes, et se il faisoient auqunes supplications et il les poursievissent et ceuls à qui il les avoient bailliés , on lor disoit : « Retournés demain ou « apriès. » Et chils demain ne venoit oncques. Tous les jours estoit-ce à recommenchier. Dont ce venoit et tournoit à ces barons et chevaliers de Gascogne, à trop grande desplaisance, et maudisoient l'orgoel de France, et l'aise et le séjour où li rois et si consilleur estoient, et se départaient de Paris malcontent et plus en debte assés que quant il i estoient venu pour esploitier.
