CHAPITRE CLXXXII
Comment li contes Derbi fist un nouvel mandement de toutes ses gens d'armes.
Quant la douce saison d'esté fu revenue et le mois de mai que les blés as camps et les herbes commencent à monter, et que il fait bon hostoyer 2, que on compta en
1 Crant, gage, dépôt, caution.
2 Hostoyer, faire la guerre..
l'an de grâce mille CCC et XLV, li contes Derbi qui, un temps, s'estoit tenus à Lieborne, s'en retourna à Bourdiaus, et là fist son mandement de toutes ses gens, liquel s'estoient ivernet et passet le temps tout aise de ces radias et raençons et dou conques qui lor estoit venus de la bataille d'Auberoce, et avoech tout ce, ordonné et apparilliet tant d'abis, d'armeures et de monteures que grant plaisance estoit au veoir et considérer. Tout vinrent au mandement dou conte Derbi. Ce fu raisons, car il estoit lors souverains chapitains, et charroi et sommiers furent tout mis à voiture. Il issirent un jour de Bourdiaus en grande ordenance et se trouvèrent douse cens lances et vingt-cinq cens archiers, et les garnisons que conquis avoient la saison devant, assés pourveues par raison, et tout estoient as chevaus, archiers et gens d'armes, et cevauchièrent. La première ville que il trouvèrent, ce fu Sainte-Basille et n'estoit fermée que de palis. Les hommes de la ville n'osèrent atendre la venue des Englois, car il n'estoient pas fort assés, et alèrent au devant de euls trettyer et se rendirent salves lors corps et lors biens. Si entrèrent auquns des signeurs dedens et i dormirent pour celle nuit. Tout ne s'i porent pas logier, mais il orent des vins et des biens de la ville assés et largement. Quant ce vint à lendemain, apriès messe et boire, les trompètes de département sonnèrent. Si se missent tout au cemin et prissent les camps pour aler devant Mont-Ségur, une bonne ville fermée de murs et de fossés, et l'avoit li sires qui se nommoit Guillaumes, remparée et fortefyé assés et pourveue d'arbalestriers, qui li estoient venu de Toulouse à ses coustages. Tant esploitièrent les Englois que il vinrent devant Mont-Ségur, et là s'arestèrent et se logïèrent tout à l'environ, et furent là quinse jours, et devés sça-
voir que tous les jours il i avoit assaut et escarmuce, et a voient les Englois fait drechier des enghiens, qui brisoient et confroissoient murs et tours. Ce fu la cause qui plus esbahi ceuls de la ville. Quant li chevaliers, qui dedens estoit, vei que li Englois ne se départiroient point de là, ne se cesseroient de lors assaus, et que secours ne li apparoit de nulcosté, si tretia deviers li conte Derbi. Trettiés se porta que il se mist et toute sa terre, en l'obéissance dou roi d'Engleterre, et jura à demorer hommes et féauls audit roi, et parmi tant, il vint à paix as Englois, et demora en sa ville et fîst remparer ce que désemparet estoit. Adonc se deslogièrent li Englois, et cevauchièrent viers la ville et le chastiel d'Aguillon.
