CHAPITRE CLXXXIII
Comment les Englois eurent la ville de la Réole et asségièrent le chastiel.
Tant s'esploitièrent les hoos au conte Derbi que il vinrent assés priés d'Aguillon. Li chastiaus pour ces jours estoit en la garde d'un chastellain qui n'estoit point trop vaillans hommes et bien le monstra, car si trètos comme il senti que les Englois venoient, il lor vint au devant et lor aporta les clefs de la ville et dou chastiel, et se mist en l'obéisance dou roi d'Engleterre. Li contes Derbi reçut ledit chastellain en paix et se saisi de la garnison d'Aguillon et i mist gens et gardes de par lui pour estre plus à ségur, car il n'avoitpas trop grant fiance ou chastellain, qui le rendage en avoit fait, et puis passa oultre et s'en vint de che voiage devant la Réole et le assiégea de tous
DE FROISSART. loo
costés. Dedens la Réole a voit un chevalier de Prouvence pour chapitainne, vaillant homme, qui se nommoit mesures Agos des Baus, et avoecques lui pluisseurs bons compagnons. Devant la Réole i furent pluisseurs escarmuces et envaïes as portes et as barrières, etgransassaus, car chil qui dedens estoient, tant que as deffenses et en toutes coses, se monstroient à estre droites gens d'armes, et quant les Englois veirent que pour assallir et escarmucier, il n'aueroient point la ville, il fissent faire et ouvrer par carpentiers deus bierefrois ' de gros mairiens à trois estages, et séans casqun bierefroi sus quatre roes, et estoient chil bierefroit, au lés deviers la ville, tout couvert de quir boulit, pour deffendre dou trait et dou feu, et avoit en casqun estage cent archiers. Et amenèrent li Englois à force d'hommes ces deus bierefrois jusques as murs; car entrues que on les avoit ouvrés et carpentés, il avoient fait emplir les fossés si avant que pour conduire tout aise lors bierefrois devant euls, et commenchièrent li archierqui estoient entré en ces estages, à traire fortement à ceuls qui se tenoient as deffenses, et traioient si roit et si ouniement que à painnes ne se osoit nuls à monstrer, se il n'estoit trop fort paveschiés2. Entre ces deus bierefrois qui estoient arestés devant les murs avoit deus cens compagnons à tout hauiaus et grans pels de fier pour effondrer le mur et jà en avoient des pierres assés ostées et rompues, car li archier qui estoient hault ens es estages , les deffendoient de ject et de trèt. Par cel estât et assaut euist esté la ville de la Réole prise, et de fait il n'i avoit nul retour, quant li bourgeois de la ville vinrent à messire Agoth, lor chapitainne, qui point ne s'effréoit de cose que
1 Bierefrois, beffrois, tours.
2 Paveschiés, protégé par un pavais, espèce de grand bouclier.
loG CHRONIQUES
il veist, et li dissent : « Sire, ajés avis de nous. Se ces « Englois nous prendent de force , nous sommes tout « mort et nostre ville courue. » — « Et quel cose volés-vous « que j'en face? » respondi li chevaliers. — « Nous volons « que vous faites cesser l'assaut et que vous tretyés à euls, « par quoi nous demorons en paix, car il ne nous apert « confort de nul costé, et se ce ne volés faire, retrayés- « vous dedens le chastiel : il est fors assés, et faites vostre « guerre à part vous, car nous ferons fin à la nostre. » Quant messires Agoth les entendi, si lor respondi et dist : « Biaus signeurs, grant merchis, vous me présentés cour- « toisie, et voirement me retrairai-je ou chastiel. Je ne « me voel pas encores rendre. » Adonc se départi li dis messires Agoth de lor compagnie, et retray tous les compagnons de sa carge, et li bourgeois se missent en trettiet deviers le conte Derbi. Quant li contes Derbi vei que li bourgeois de la Réole trettoient, et li chevaliers ne s'ensonnioit point de lors trettiés, si demanda : « Et où est vostre capitainne? Pourquoi ne vient-il avant en nom Dieu? » — « Sire, il est retrais dedens ce chastiel et ne voelt point estre à nostre trettiés. » — « Voires, respondi li contes. Voelt-il donc faire sa guerre à part lui? Jamais n'en auera si bon marchié que il euist eu avoecques vous, et puisque nous avons la ville, nous auerons « le chastiel, quoi que il doie couster. » Chils trettiés se passa, et orent les Englois la ville de la Réole, et puis aségièrent le chastiel, liquels est biaus et fort, et messire Agoth des Baus dedens, et tous ses compagnons qui estoient Prouvenciel. Et fu li sièges Ions et grans, car li chastiaus pour lors estoit de bonne garde et belle deffense, et si i avoit dedens chevalier d'honneur et de vaillance.
Or vous recorderai de une aventure que il avint là à messire Gautier de Mauni , entrues que il séoient devant le chastiel de la Réole.
