CHAPITRE CLXXXIV
Comment messires Gautiers de Mauni retrouva à la Réole le tombel de son père.
Il i eut jadis un évesque à Cambrai qui fu Gascons dou linage de ceuls de Bue et de Mirepois'. AviDt que dou temps cesti évesque uns tant grans tournois se fist devant Cambrai et i furent bien cinq cens chevaliers tournoians, et là ot li dis évesques un sien neveu, jone chevalier tcurnoiant, ricement armé et monté. Chils s'adrèça à messire le Borgne de Mauni, père à messire Gautier et à ses frères, liquels fu en son temps chevaliers durs, fors, rades et bien tournoians, et fu li jones chevaliers gascons tellement menés et batus que onques depuis il n'ot santé, mais morut. Li sires de Mauni qui riens ni pensoit, ne au penser apertenoit selonch Testât et l'ordenance d'armes et l'usage des tournois, ne sçai quans ans apriès, il li prist dévotion d'aler ou voiage de Saint-Jaquème en Galise, et i ala et prist un aultre cemin au retour que il n'euist aie, et entendi que li contes de Valois, [de qui la fille], femme fu au conte Guillaume de Hainnau, tenoit son siège devant la Réole, car pour ces jours elle estoit englesce, et faisoit guerre li biaus rois Phelippes as Anglois en Guiane pour auqunes disentions de terres, lesquelles estoient en
1 Froissart veut parler ici de Pierre de Lévis-Mirepoix, évoque de Cambrav.
158 CHRONIOt ES
débat des deus rois ensamble. Chils sires de Mauni vint veoir le conte de Valois qui li fist bonne chière. Au département, il li demanda se il voloit riens mander, ne eserire en Hainnau à sa fille. Li contes de Valois dist : « Oïl, » et escripsi. Li sires de Mauni, nommé le Bourgne , pris! congiet et se départi en cel estât que il fu là, et séjourna un jour. Il fu avisés dou linage de ceuls de Mirepois et de Bue et dou jone clievalier qui mors avoit esté, ensi que on disoit, par sa coulpe1, et l'atendirent au dehors des logeis et l'assallirent et occirent, dont li contes de Valois fu trop durement courouchiés et en calengea tout le linage et mist en termes que il l'avoient mourdrit, et en furent en grant dangier de lors corps tout cliil qui fait l'avoient, et encores euissent-il esté en plus grant, se li enfant les euissent poursieuvis par parlement de Paris, quoique il mesissent en termes que il l'avoient fait de bonne guerre ; mais, pour lors, messires Gautiers de Mauni et si frère estoient jone, et aussi vous savés que quant il vinrent en congnissance d'homme, la guerre s'esmeut entre France et Hainnau, et depuis entre France et Engleterre, par quoi li enfant dou dit Borgne de Mauni n'eurent nulle action de procéder en plait à l'encontre des Gascons , fors à l'espée, car il tinrent l'opinion le roi d'Engleterre. Au retourner au pourpos de la matère desus dite, li contes de Valois, pour l'amour de gentillèce, fist ensepvelir ledit Borgne de Mauni en une église, au dehors de la ville de la Réole, et li fist faire son obsèque. Trop bien savoit tout ce, messires Gautiers de Mauni, que il estoit mis et ensepvelis en terre sainte en la Réole ou là priés, mais il convenoit que il fesist enqueste à ceuls dou païs où on l' avoit mis.
' Coulpe, faute.
DE FROISSART. Io9
Si le fist et tant en enquist que li ancyen homme qui avoient esté de ce temps, li ensengnièrent et le menèrent droit sus le lieu où il a voit esté ensepvelis. Se le fist deffouir et prendre les os et mettre en un sarqu ' et aporter on l'église des Cordeliers que on dist Saint-François à Valenchiennes, et de rechief là ensepvelir moult vénéraument, et encores en voit-on les enseignes.
