CHAPITRE CLXXXV

Comment li chastiel de la Réole fu rendu as Englois, et comment il prissent Blaves et retournèrent à Bordiaus.

Tant tint li contes Derbi son siège devant le chastiel de la Réole, que messires Agoth des Baus falli à ses ententes, car il quidoit que puissance de par le roi de France deuist là venir pour lever le siège, mais non fist; car ensi que je vous ai jà dit, li orgoels et la négligense estoient si grandes en l'ostel dou roi Phelippe, pour ce temps, que >on ne faisoit compte de tels coses, ne del aler, ne del envoyer, et pour le temps d'adont, li saudoyer estoient si mal payet en France que nuls estrangiers ne s'i traioit volentiers pour demander saudées, ne ossi parellement chil dou roiaulme. Encores estoient li péril si grant pour les nobles dou roiaulme qui de la guerre se ensonnioient, que quant il avoient l'aventure de perdre une journée à rencontre de lors ennemis, renommée publique parmi le roiaume de France couroit sus euls, que il estoient traître et que par traïson, il avoient perdu la journée, et mieuls lor valoit à morir sus la place que estre pris, ne retour-

1 Sarqu, cercueil.

ner; car quant il retournoient, il esloient pendu comme traître, et par tels violenses et amises1 de traïsons avinrent depuis moult de mesciefs eus ou roiaulme de France et par tous ses membres, ensi que vous orés recorder avant en l'istore.

Quant messires Agoth des Baus vei que nuls secours ne li venroit de France et si amenrissoient grandement ses pourvéances, il traitta deviers ces signeurs d'Engleterre. Trettiés se porta que ils et li sien se départirent sauvement, et en pooient porter ce qui lor estoit, voires seullement devant euls et non autrement. Si se départirent et se retraïssent viers Toulouse, et de là messires Agoth s'en retourna en Prouvence et n'osa venir en France, tant doubta-il les crueuses justices que on i faisoit à petite oquison. Si se tint en Prouvence et sus le sien, et bien vei et senti que les envies dou roiaulme de France estoient trop grandes et que il ni faisoit nul. ... *.

Ensi eut li contes Derbi la ville et le chastiel de la Réole et le pourvei et rafresqui de gens d'armes et d'arcbiers et de pourvéances, et i laissa messire Jehan de la Souci ■ chapitainne, et puis s'en départirent les Englois et ceniinèrent deviers Mont-Pesas. Elle n'estoit fermée que de palis. Si considérèrent chil qui dedens estoient, la puissance des Englois et comment il avoient pris plus fortes villes que la lour ne fust vint fois. Si envoyèrent tretier deviers le conte Derbi avant que il parvenist à la ville, et se rendirent, salves lors corps et lors biens, et puis passèrent oultre et vinrent devant Ville-France en Agenois. Elle se rendi tantos, et puis cevauchièrent oultre et vinrent

1 Amises, accusations.

1 Lacune.

devant Miremont. Elle se rendi aussi, et puis s'en vinrent devant la ville de Blaves, laquelle pour lors estoit françoise, et sciet priés de l'aiguë de la Gironde à sept lieues de la cité de Bourdiaus, il ni a que la rivière entre deus. Si bastirent là les Englois lor siège et dissent que point ne s'en partiroient si l'aueroient à lor volenté, se puissance de roi de France ne venoit si grande que il ne peuissent contrester à rencontre. Tant furent les Englois devant Blaves que cliil qui dedens estoient, se tanèrent', car il estoient aségiet par terre et par la rivière de la Gironde, laquelle bat et siert as murs de la ville. Si se tourna englesce, et se missent en l'obéissance dou roi d'Engleterre \ Ensi eurent les Englois Blaves , dont il furent moult resjoy, car elle leur avoit porté moult de contraire et portoit encores tous les jours, jusques à tant que elle fu pour euls. Si i ordonna li contes Derbi, avant que il s'en partesist, bon cliapitainne, gens d'armes et archiers pour le garder, et puis ils et ses gens, petit à petit, repassèrent as barges et à bâtiaus la rivière de la Gironde et retournèrent à Bourdiaus, et là se tinrent et si rafresquirent, et lor fu avis que pour celle saison il avoient assés fait et se tenroient là jusques à tant que il oroient aultres nouvelles. Si envoia li contes Derbi ses hommes par les garnisons, tant pour entendre as lieus remparer que pour garder les frontières et que nuls mauvais trettiés ne se fesist des villes et castiaus que conquis avoient, as François,

1 Se tanèrent, se lassèrent.

2 11 y a ici dans notre texte une confusion que nous n'expliquerons pas. Le siège et la prise d'Angoulême par les Anglais ne s'y trouvent point rapportés, mais on leur attribue la conquête de Blajes, tandis qu'on lit au contraire dans les éditions de Froissart, que le comte de Derby échoua devant cette ville.

Nous nos soufferons un petit à parler de ceuls et parlerons d'aultres avenues qui avinrent en France et en Flandres.