CHAPITRE CLXXXVI

Comment messires Godefrois de Harcourt eschei en la haine dou roi de France et se mist en l'obéissance dou roi d'Engleterre.

En che temps et en celle meisme saison eschei en le indignation et haine trop grandement dou roi de France, messire Godefrois de Harcourt, li uns des grans barons de toute la Normendie, frères au conte de Harcourt et sires de Saint-Saulveur-le-Visconte et de pluisseurs villes en Normendie , et ne vous sçai pas à dire la cause pour quoi la haine vint , mais elle fut si grande que, se li rois de Franche l'euist tenu, en son aïr', il l'euist fait morir honteusement, et convint le dit messires Godefrois tapir 2 et fuir et issir hors dou roiaulme de France, et ala en Engleterre deviers le roi Édouwart et se offri à lui et mist en obéissance3, ensi comme messires Eobers d'Artois svoit fait jadis, ne nuls ne li pot onques faire sa paix. Li rois d'Engleterre le rechut et le retint dalés lui et li donna assés pour tenir son estât.

1 En son aïr, en sa fureur.

2 Tapir, se cacher.

9 Le 13 juin 1345, Edouard III promit à Godefroi d'Harcourt, qui lui avait rendu hommage, qu'il l'indemniserait de la perte de ses terres en Brabant, s'il en était dépouillé ; et il s'engagea de plus, dans le cas où la Normandie serait conquise, à lui restituer toutes les terres qu'il y possédait.

DK KliOISSART. 168