CHAPITRE CLXXXVII
Comment li rois d'Engleterre ala à l'Escluse, cuidans que son fil le prinche de Galles seroit fait duch de Flandres, et comment les consauls des bonnes villes demandèrent quelque respit.
En ce temps resgnoit encores ou païs de Flandres, en grande prospérité et puissance, chils bourgeois de Gand, Jacquèmes Dartevelle, liquel tenoit à amour le roi d'Engleterre, ce que il pooit, car tous jours se doubtoit-il des Flamens, car il les sentoit muables. A considérer raison, il acquist le povre conclusion que il ot, ensi que je vous dirai. Il voloit de tous poins déshireter de la conté de Flandres , le conte Lois l'escacbiet et Loïs de Maie , son fil, et voloit le roi d'Engleterre mettre en l'iretage de Flandres, et disoit cbils Jaquèmes Dartevelle que on feroit de Flandres une ducée, et en seroit dus, li princes de Galles, et sus cel estât en ce temps, il fist venir le roi d'Engleterre, son chier compère, à l'Escluse1, et quant li rois fu là venus, point n'issi de ses vassiaus. Les bonnes villes de Flandres , c'est-à-entendre les consauls, l'alèrent veoir à l'Escluse et conjoïr, et li offrirent tout le païs ouviert à li et à ses gens à son commandement, et li pryèrent que il vosist venir à Bruges et à Gand et que partout on li feroit bonne chière. Li rois, en euls remerchiant, respondi à ce moult doucement et dist que, pour l'heure, il n'estoit point venus pour descendre à terre. A toutes ces paroles estoit chils Jaquèmes Dartevelle. Assés tos apriès,
1 Edouard III s'embarqua à Sandwicb le 3 juillet 1345. Il arriva le 5 à l'Écluse,
Itil CHRONIQUES
se fist uns parlemens ens ou vassiel dou roi, qui estoit moult grans et moult biaus, que on nommoit Cristofle, et furent là tous les consauls des bonnes villes de Flandres. Là promeut Jaquèmes Dartevelle les paroles desus dittes et remonstra par pluisseurs raisons, aournées de biaus langage, que cose utille estoit de recevoir le prince de Galles à signeur, et que de Flandres on feroit une ducée, et se tenroit li dis dus et princes ou païs et gouverneroit la terre et le païs de Flandres en tous bons usages, et tenroit justice et raison à tout homme ; et prioit Jaques Dartevelle que de ce, les bonnes villes qui là estoient, se vosissent consillier et faire ent response. A donc regardèrent-il tous li uns l'aultre et ne sceurent que dire. Toutes fois il demandèrent consel de parler ensamble. On lor donna. Il parlèrent tout à un et fu la response telle : « Jaquèmes, « nous avons bien oï ce que vous avés dit, et quant nous « venimes ichi, nous ne savions pas que vous nous deuis- « siés aparler de ceste matère, et nous est assés nouvelle, « et nous ne poons pas faire cechi de nous tant seulle- « ment : il convient que tous li païs de Flandres si asente, « et quant là sera venu, que on voie et congnoisse les re- « belles qui à ce ne se vodront acorder, et que il soient « banni publiquement et perdent ce que ou païs de Fiance dres à présent il i tiennent, sans espérance de jamais « ravoir, ne i retourner. Ensi se pora faire chils hiretages « ségurement, car, tant que avons qui chi sommes, nous « volons bien à signeur, puisque il est à ce promeus, le « prinche de Galles, sauf et réservé les conditions desus « dittes. » Ceste response souffi très-grandement au roi et à son consel ; mais il fu demandé as bonnes villes de Flandres qui avoient respondu, quant li rois se poroit certefyer de la response. Euls par acord prissent un mois de jour.
On lor donna, et disnèrent avoecques le roi en son vassiel meismes, et puis se départirent et retournèrent, casquns sus son lieu, les auquns tous abus et courouchiés de ces nouvelles que il avoient oï, quoique il euissent respondu à la plaisance dou roi et de Dartevelle, et leur sambloit dure cose et estrange de desliireter lor signeur, et se il faisoient ce, à tousjours mes, il seroient tenu et réputé pour traîtres et infâmes. Nequedent Dartevelle estoit tant doubtés et cremeus ou païs de Flandres que, au fort, nuls ne l'euist osé courouchier, ne desdire de ses volentés. Encores demora Jaques Dartevelle dalés le roi sus sa navie à l'Escluse depuis que li aultre furent parti.
