CHAPITRE CLXXXVIII

Comment Jaquèmes Dartevelle fu ocis à Gant en son hostel.

Or montèrent grandes murmurations parmi la conté de Flandres, quant les nouvelles s'espardirent que Jaquèmes Dartevelle avoit jeté sa visée à ce que li princes de Galles seroit sires de Flandres, et qu'on en feroit une ducée. Li auqun disoient, qui amoient le roi d'Engleterre : « Ce sera « bien fait. » Et li aultre disoient le contraire et que ce seroit damages, blâmes et traïson trop grande à désbireter son signeur , et en avoient les bonnes gens pité et plus pour la cause dou fil, le conte Lois de Maie, que il n'euissent pour le père, car ils lor avoit esté crueuls, bausters, durs et mervilleus , et pour tels causes l'avoient-ils bouté hors de Flandres, mais il gardoient Lois, le jone fils, et disoient que il le nouriroient à lor manière, et seroit mieuls abreuvés de conditions flamenges que son père n'euist esté. Li dus Jehans de Braibant, pour le temps d'adonc, avoit

TOX. II. 1 1

1«6 CHRONIQl ES

une jone fille à marier, siques comme sages et imaginatis que il fu et moult soubtieus , il avoit jette sa visée à che que uns mariages seroit trop bien pris et fais de sa fille et dou fil le conte de Flandres, et le concordoit assés le conte de Flandres, mais il n'estoit pas sires, ne mestres de son fil : ançois le tenoient et gardoient li Flamenc, et le nourissoient sus bonnes gardes et ne le laissoient point issir de la ville de Gant. Li dus de Braibant considéroit bien les coses à venir, et comment Jaquèmes Dartevelle pour ces jours estoit si grans en Flandres que par lui estoit tout fait et sans lui n'estoit riens fait, et fu enfourmés de ces nouvelles comment li rois d'Engleterre estoit à l'Escluse et gissoit là à l'ancre, et procuroit (et Jaquèmes Dartevelle pour lui) que ses fils, li princes de Galles, fust dus de Flandres. Si se doubta li dis dus de Braibant que toutes ces coses n'avenissent , qui trop légièrement povoient avenir, et avisa que il i meteroit un tel touel1 que il romperoit et briseroit tout, et de ce qui avint en la ville de Gant2, les jours courans que li rois d'Engleterre se tenoit en sa navie devant l'Escluse et atendoit la response de ceuls dou pais de Flandres, une disension s'esmut très-grande en la ville de Gant , des tisserans de draps à l'encontre de Jaquème Dartevelle, et tout par le promotion et esquoel de lor doyen qui se nommoit Thomas Denis, et voelt-on bien dire que li dus de Braibant fu cause de ceste aventure, car chil tisserant, par l'information de lor doyen, vinrent un jour plus de quatre cens devant l'ostel Dartevelle et l'environnèrent devant et derrière, et monstrèrent que de force il voloient entrer dedens. Quant les variés de ce Dartevelle les veirent

1 Touel, trouble.

2 Cette phrase paraît incomplète.

ensi venus, si furent tout esmervilliet que il demandoient, car il n'avoient point à coustume que chil de Gand , ne aultres gens venissent ensi de fait et en cel estât parler à lor mestre et voloir efforchier la maison. Si comnienchièrent à parler rudement à euls et voloir mettre hors à force, mais il ne peurent, avant l'eurent batu et vilené et blécié. Jaques Dartevelle estoit enclos en sa cambre, et avoit oy la grignour partie des paroles et dou hustin. Si vint à une fenestre qui regardoit sus une rue où toutes ces gens estoient asamblé : se lor demanda : « Bonnes gens, quel <r coses vous fault? Pourquoi estes-vous si esmeus? » Il respondirent : « Nous volons parler à vous. Venés çà jus. » Donc respondi Jaques et dist : « Et se je estoie là, que « voryés-vous dire? » — « Nous volons que tu nous « rendes compte dou grant trésor de Flandres, que tu as « eu et levé, depuis sept ans, à ta volonté, et nous di quel « cose tu en as fait, ne où tu l'as mis. » Donc respondi Jaquèmes Dartevelle, qui bien considéra que les coses aloient diversement et hors des rieulles acoustumés, aultrement que il ne soloient estre, et les quida apaisier de douces paroles et dist : « Bonnes gens, retrayés-vous casce quns en son hostel, et dedens trois jours je vous appelce lerai et serai pourveus de vous rendre si bon compte , « que vous en serés tout content. » Il répondirent de une vois : « Nous ne volons point tant atendre , mes vieng « hors de ton hostel compter à nous. » Jaquèmes Dartevelle considéra bien tantos que les coses aloient mal et que il estoit en péril de sa vie. Si dist : « Signeur, signeur, ce tenés-vous là, je irai tantos parler à vous. » A ces mos il se tinrent tout quoi, et il iss^ hors de sa cambre et vint viers son estable et ses cevaus, et quida monter sus et partir par derrière et aler sa voie , mais il ne pot , car l'ostel

estoit si environnés de tous lés que tantos il fu aperceus et veus quel cose il voloit faire, et fu acusés de ceuls qui gardoient l'uis à ceuls qui estoient à la porte devant. Donc s'esleva grans tumultes entre iaus , et rompirent de force les huis et passèrent tout oultre et vinrent en l'estable et trouvèrent Jaquemon Darte velle qui s'ordonnoit pour monter et aler sa voie. Tantos de fait il l'asallirent, et li donna chils Thomas Denis, li doyens des tisserans, le premier cop de une hace, en la teste, par quoi il l'abati. Se li avoit Jaques Dartevelle fait pluisseurs biens et l'avoit mist en l'office dou doianné des telliers, et si estoit son compère. Nequedent toutes ces coses furent oublyés et misses arrière, et fu là ochis Jaques Dartevelle mescamment, qui tant avoit eu d'estat, d'honnour et de prospérités en Flandres, ne on ne trouva onques en Gant homme, ne justice qui en vosist prendre, ne lever amende1. Ensi vont les

1 Voici la relation des mêmes faits, telle que la donne la chronique anonyme de Yalenciennes (Bibliothèque de l'Arsenal, 148, fc 233 r0.):

« Tandis qu'on tenoit siège devant Utret, sy comme nous venons de faire mention, et que monseigneur Jehan de Haynault, sire de Beaumont, commenchoit à parlementer et traittier de la paix pour ceulx de la cité d'Utret, le roy d*Engleterre arriva au port de l'Escluse en Flandres, la nuit Saint-Martin le Boullant, l'an de grâce mil m c et xlvi atout gens d"armes et archiers, pour parler à Jaques d'Artevelle et aux gens du pays de Flandres, pour aucunes choses qu'on luy avoit eult en convent, lesqueles on luy devoit confermer, et nomméement ceulx de Gand qui n'estoient mye encore du tout allyés audit roy d'Engleterre, ainsi que ceulx de Bruges, ne ceulx d'Yppre estoient. Et manda le roy d'Engleterre à Jaques d'Artevelle à Gand, qu'il venist parler à luy. Et quant Jaques sceult que le roy d'Engleterre le mandoit, il y ala atout sa maisnie et avec luy environ eulx cent tous armés. Et quant Jaques vint devant le roy, il se mist à genous et le salua, et le roy le releva et luy fist grant feste, et fut bien rechus et luy conseilla le roy qu'il renvoiast ses gens fors que sa privée maisnie, car il avoit à parler à luy de pluseurs choses et grans besongnes. Adont renvoia Jaques ses cent hommes qu'il avoit amenés et demoura avoec le roy une espasse. Et quant ceulx de Gand virent les gens Jaques d'Artevelle sans luy, et

fortunes de ce monde, ne nuls ne se puet, ne doit confyer, se sages est, trop grandement ens es prospérités de ce monde,

qu'ils sceurent que Jaques estoif demourés avoec le roy , ils se tinrent à mal pavés et ala-on à sa maison. Jà n'y trouva-on ne femme, ne enffans, et trouva-on qu'il avoit fait widier son or et son argent et tous ses joyaulx. Adont envoia la ville de Gand par devers Jaques deus eschevins luy dire que par amour il volsist tantost revenir et qu'on avoit besoing de son conseil. Et quant Jaques les eult bienvegniés et qu'il eult oye leur parolle, et ce qu'on luy mandoit, il respondy aux deus eschevins qu'ils desissent à messieurs de la ville qu'il ne leur anoyast mye, car il avoit à besongnier au roy d'Engleterre pour le bien et l'onneur de Flandres, et qu'il seroit à Gand le dimence devant la Magdalaine. Dont prinrent congiet les eschevins et se râlèrent àGand. et contèrent à messieurs de la ville la response que ledit Jaques leur avoit faite. Et adont s'avisèrent ceulx de Gand et disrent que ce n'estoit mye pour bien qu'il estoit là demourés avoec le roy, et qu'il avoit fait widier sa femme et ses enfans et tout le sien, et que, s'il revenoit, qu'ils le meteroient à mort, car trop avoit resgné.

« Quant Jaques d'Artevelle eult assez consulté, parlementé et dit au lonc sa volenté au roy d'Engleterre, il print congiet pour s'en râler à Gand, et le roy luy distque, s'il le creoit, qu'il demourroit ou il luy bailleroitet chargerait des gens pour luy conduire, et Jaques respondy qu'il n'en avoit que faire et qu'il ne se doubtoit de nulluy, et se party atant du roy et chevaucha tant qu'il entra en la ville de Gand. Sy regarda et avisa que ceulx qui le soloient saluer et oster leurs chapperons et chappeaux devant luy, baissoient les testes. Et adont se commencha Jaques à esbahir et fort doubter, et chevaucha tant luy xne de sa maisnie qu'il vint à son ostel et entra ens. Et quant Gérard Denis le sceult, lequel estoit maistre des telliers et avoit fait grande assemblée du commun tout armé, les banières ens es mains, ainsy qu'ils avoient leur fait deviset et pourparlet, ledit Gérard et ses gens vinrent à la porte de la maison dudit Jaques, et une partye et la plus grande cantité du commun qui y estoit, environnèrent le tour et l'entrepresure de la maison qui avoit deus yssues. Et commencha Gérard Denis à hucquier Jaques d'Artevelle et luy dist : « Yssiez hors, sy nous « dites des nouvelles du roy d'Engleterre. » Et Jaques luy respondy que sy feroit-il volentiers demain au matin pour tout le pays, à l'onneur du seigneur, « mais il est meshuy trop tart. » Dont s'escria Gérard Denis : « A la mort ! seigneurs, brisiez tout. » Adont rompirent et brisèrent la porte, et le maison devant et derrière, et huis et fenestres, et entrèrent en la maison par force. Adont se deffendy Jaques et sa maisnie ce qu'ils peurent. bien et hardiement ; mais la force n'estoit

170 CHROMOl ES