CHAPITRE CXC
Comment li contes Guillaumes de Hainnau périt en bataille contre les
Frisons.
En ce temps, en celle meisme saison que on compta en l'an de grasce MCCC et XLV, séoit li contes Guillaumes de Hainnau, de Hollandes et de Zellandes et sires de Frise, devant la chité de Utrec et tant i sist que il le mist à raison et en ot en partie ses volontés. Tantos apriès , li dis contes , qui fu moult entreprendans , fist une asamblée et une pryère de gentils hommes assés grande pour aler en Frise, car li Frison, pour lors, ne voloient, pour lor orguel et présomption , obéir au conte de Hainnau , et pour euls mettre à raison li dis contes fist sa carge à Dourdresc, en Hollandes , de naves , de barges et de vassiaus , et se départi de belle marée et de bon vent et à grant chevalerie de Hainnau, de Hollandes, de Flandres, de Braibant, de Guéries, de Jullers, de Namur et de Hasbaing, et s'adrèça ceste navie viers Frise et une ville et abbéie que on apelle Stales2. Li Frison estoient segnefyet de la venue dou conte et de ses gens , siques pour euls requellier , il s'estoient grandement fortefyet à l'encontre dou dit conte et de sa venue, et mis ensamble priesque tout li païs. Chils contes qui fu de" grande volonté, hardis et entreprendans oultre
1 Lacune.
1 Stales, Staveren.
mesure, et pour lors en la flour de sa jonèce, et qui petit amiroit et prisoit la puissance des Frisons contre la sienne, prist terre assés priés de Stales de sa volonté et sans atendre messire Jehan de Hainnau, son oncle, liquels avoit bonne chevalerie avoecques lui. Li Frison atendirent trop bien que li contes et ses gens ( ce que pour lors en avoit en sa compagnie) euissent pris terre, et quant il furent oultre , tout considéré , il n'estoient que une puignie de gens ens ou regart des Frisons. Nonobstant tout ce, li contes les ala assallir et aussi fissent ses gens, et là ot grant bataille et dure et fort combatue ; mais li Frison estoient , à parler par raison , vint contre ung. Si tourna li mescief sus le conte et ses gens, et furent là tout ocis, mais moult lor cousta de lors hommes. Petit s'en sauvèrent en la navie, car encores avoit li contes fait une ordenance, afin que ses gens ne pensaissent au requler et trouver la navie apparillié, et commandé as navieurs sus la teste que nuls ne traisist avant , mais rentraissent en la mer. Par ce point perdirent moult li Hainnuier, et furent tout mort chil qui avoecques le dit conte avoient pris terre. Messires Jehans de Hainnau et sa carge prissent terre d'aultre part, et se li contes euist creu son oncle, la besongne fust aultrement tournée que elle ne fist, et pour ce que point ne le crei, ce fu damages et pités pour tous ses pais.
Les nouvelles vinrent présentement à messire Jehan de Hainnau ( et estoit sus terre des Frisons ) que son cousin li contes estoit perdus. Ils qui fu de ces nouvelles tous foursenés ' , parellement se voloit aler perdre , mais ses gens le prisent à force et l'emportèrent à sa navie , ensi
1 Foursenés, livré au désespoir.
17 i CHRONIQUES
que tout maugret li, et l'encargea, à force de bras, un siens esqniers, fors homs durement, qui se nommoit Robers de Ghines' , et le inist au vassiel. Encores i ot là grant péril pour les Hainnuiers et grant hustin au rentrer ens es vassiaus , car li Frison , ensi que tout foursené , entroient en la nier, li pluisseurs jusques à la boudiné2 et venoient en cel estât combatre les Hainnuiers , et en ocirent et noyèrent auquns, et retinrent des barges et des hoquebos ' qui furent péri et perdu et cliil qui dedens estoient, et fu ceste bataille environ le Saint-Luch, l'an MCCC XLV\ et demorèrent li Frison en paix par celle desconfiture jusques en l'an de grâce MCCC quatre-vins et XVI, que un jones lioms qui se nomma Guillaumes, fils ainnés au duch Aubert, conte de Hainnau, de Hollandes et de Zellandes (et ce Guillaumes desus dit estoit nommet conte de Ostrevant , vivant son père , et gouvernères de tout le païs de Hainnau), emprist le voiage à faire à tout bonne chevalerie de Hainnau et de Hollandes , de France et d'Engleterre , et arriva en Frise et desconfi les Frisons sus une marce que on dist le Vies Clostre5, et depuis i retournèrent li contes d'Ostrevant et li Hainnuier et Hollandois par pluisseurs fois au damage et confusion des Frisons et de lor païs, et contre vengea grandement chils contes d'Ostrevant , nommé Guillaumes , la mort de son grant oncle le conte Guillaume de Hainnau, et fu plus avant en Frise en son temps que nuls sires en devant euist esté, ensi que il vous sera compté et esclarci ensievant en l'istore, se je
1 On lit : Robert de Glimes, dans les éditions de Froissart. - Jusques à la boudiné, jusqu'au nombril.
• Hoquebos, espèce de navires.
• La bataille de Staveren fut livrée le 27 septembre 1945. Ouden-klooster.
DE FROISSART. I/o
Froissars, actères et cronisières de ces croniques, puis avoir le temps, l'espasee et le loisir dou faire, et que je m'en puisse veoir justement enfourmés ' .
