CHAPITRE CXCI

Comment niessires Jehans de Hainnau devint homs au roi de France.

Quant messires Jehans de Hainnau fu retournés en Hainnau et chil qui revenu et escapé estoient de Frise en sa compagnie , onques depuis il n'orent parfaite joie , car trop de priés lor touça la mort dou gentil conte le signeur desus dit et par espécial à un gentil chevalier qui se nomma messires Henris de Huffalise, et vosist bien estre demorés en Frise avoecques son signeur, ce disoit-il.

Vous savés que li contes Lois de Blois , sires d'Avesnes et dou Louvion, avoit à femme et à espouse la fille à messire Jehan de Hainnau , qui tousjours s'estoit armés pour la partie dou roi d'Engleterre, et avoit de celle dame trois fils, Lois, Jehan et Gui. Par le moyen de ce conte de Blois et aultres chevaliers qui s'en ensormyèrent , li sires de Fagnoelles et li sires de Barbençon et li sires de Senselles et messires yallerans de Lini plus que nuls , li rois Phelippes de France fist traityer deviers messire Jehan de Hainnau pour li tourner François. Envis relenquisoit2

1 Ce passage est plein d'intérêt pour la biographie de Froissart. Il faut le comparer au chapitre L du livre IV, où il raconte l'expédition qui se fit en Frise en 1396 et où il mentionne une autre expédition de 1398. Là aussi, il promet au lecteur un récit que nous ne possédons pas. Dans notre texte, le chroniqueur parle de plusieurs expéditions en Frise, postérieures à 1396.

- Relenquisoit, quittait.

pour son honnour li dis chevaliers le roi d'Engleterre, car il l'avoit trouvé bon et courtois et paiement apparilliet. D'autre part, il veoit que si hiretier, les enfans dou conte de Blois, seroient de tous poins François, et que lors pères, li contes de Blois, estoit neveus dou roi Phelippe et dou conte d'Alençon. Si considéra toutes ces coses et plus le temps à venir que le temps présent, siques, par les raisons desus dittes, il renvoia son hommage au roi d'Engleterre et devint homs au roi de France , et li rois de France li restitua et donna otretant et plus que sa pension par an montoit, qui li venoit d'Engleterre, et fu asignés sus la terre de Vollis et là payés d'an en an tant que il vesqui. Nous nos soufferons à parler de ces coses et retournerons as besongnes de Gascongne.