CHAPITRE CXCIII
Comment li contes Derbi mist de fortes garnisons à Ville-France et à
Affuillon.
Quant li contes Derbi, qui tenus s'estoit une espasse de temps en Liebourne et retournés à Bourdiaus, entendi que li dus de Normendie, à si grant puissance, estoit entrés en la Langue d'Och pour reconquérir che que conquis avoient sus deus ans à si grant painne et si bonne diligense, si se avisa que il esparderoit ses chevaliers et esquiers et ses gens d'armes et envoieroit au-devant pour rafresquir les garnisons et les forterèces qui obéisoient à lui, et regarda sus messire Thomas Vok et li dist : « Thomas, quel cose « faites-vous chi? Je vous avoie ordonné à estre chapi- « tainne de Ville-France en Agenois, et je entens ensi que « li François l'ont prise et sont venu devant Angoulême ; « mais tant i a de bien pour nous : il ont laissiet le chas- « tiel et n'en ont fait compte. Se voel que vous et des vos- « très, tant que il devera souffire, s'en voisent bouter « dedens le chastiel et le facent remparer. Il sciet sus « marce de païs : si pora porter as François moult grant « contraire. » Messires Thomas Vok respondi ensi et dist : « Sire, je ferai vostre commandement, et quant je vins « deviers vous, je quidoie plus tos retourner que je n'aie « fait, car sus Testât que je vous remonstroie, vous me « deuissiés avoir délivret plus tos que vous n'ayés fait , « car Ville-France estoit mal pourveue de toutes coses, et
« pour ce a- elle esté perdue. » Respondi li contes Derbi : « Il fault perdre , il fault gaegnier. Nous avons tenu les « camps deus saisons, et li François les tenront ceste sai- « son, car il sont trop poissant contre nous, se li rois « d'Engleterre , nostres sires, ne vient par deçà à pois- « sance de gens d'armes et archiers. Je li segnefierai « proçainnement nostre estât, et sur ce il auera consel. » Adonc se départi messires Thomas Vok à tout cent armeures de fier et deus cens archiers, et chevauchièrent à la couverte et s'en vinrent de nuit bouter ens ou chastiel de Ville-France en Agenois , et le fissent tantos remparer et le pourveirent de vins, de chars et de grains et de toutes coses nécessaires , et fissent une bonne garnison et qui depuis fist et porta moult de contraires as François, car il n'osoient aler fouragier, fors en grans routes, pour la garnison de Ville-France.
En ces meismes ordenances , institua li contes Derbi le conte de Pennebruq à estre chapitainne de la ville et chastiel de Aguillon et ordonna et nomma de là aler avoecques li messire Gautier de Mauni, messire Franque de Halle, messire Jehan de Lille, messire Robert de Noefville, messire Jehan de la Souce, messire Richart Roclève, messire Phelippe de Biauvers et pluisseurs aultres chevaliers et esquiers, tant que il furent trois cens armeures de fier parmi les archiers , et s'en vinrent bouter dedens le chastiel d' Aguillon et i trouvèrent bien sys-vins compagnons .que li contes Derbi i avoit laissiés quant il s'en départi et il l'eut conquis. Si entendirent ces gens d'armes dou remparer et pourveir grandement , et coururent tout le païs d'autour et boutèrent tout là dedens, et avoient les camps et la rivière à lor volonté, et vinrent les Englois en Aguillon ensi estoféement pour la cause de ce que bien pensoieut
que il aueroient le siège, et par Testât dou siège qui se tenroit devant Aguillon se romperoient trop de cevauchies et de pourpos des François, qui estoient fort assés pour tenir les camps, et entrues se poroit aviser li rois d'Engleterre et venir à Bourdiaus à puissance de gens d'armes et d'archiers , et combatre le duch de Normendie et les François.
