CHAPITRE CXCIV
Comment li séneschaus de Beauquaire attira dans une enbusque les Englois qui estoient à Anchenis.
Les nouvelles vinrent en l'oost le duch de Normendie , qui tenoit son siège devant la chité d'Angoulême, que li Englès estoient venu à Ville-France et avoient trouvé le chastiel tout vague et sans garde, et s'en estoient saissi et l'avoient remparet et repourveu de toutes coses, et ne faisoit point à reprendre présentement que trop il ne deuist couster. Si en furent grandement blâmé li doi marescal de l'hoost, quant par lor négligence li chastiaus estoit repris, qui lor poroit porter grans contraires et damages, ensi que il fist toute la saison à lors fouragiers. Li marescal s'escusoient au mieuls que il sceurent, ne porent, et demora la cose ensi et li siège devant Angoulême. La chité estoit bien pourveue de gens d'armes et d'archiers, par quoi elle en estoit plus tenable et de milleur garde , car onques li François ne venoient as barrières que il ne fuissent requelliet, fust au traire ou au lanchier, et moult d'apertisses d'armes i furent faites. Le siège estant devant Angoulême, vint un jour devant le duch de Normendie li séneschaus
de Biauquaire, uns moult vaillans homs, et li dist : « Sire, « je sçai bien toutes les marces de ce païs. Se il vous ve- « noit à point ensi et à vostre consel , que vous vosissiés « faire cevauchier avoecques moi cinq cens armeures de « fier, je les conduiroie en tel lieu où vous aueriés hon- « nour et proufit. » — « Et comment seroit-ce, sénes- « chaus? Monstrés-nous-en la manière. » — « Volontiers, « monsigneur, respondi-il. Vous savés que vostre hoost « est grande et que il i fault grant bestail pour le pour- « veir, et, à ce que j'ai entendu, nous en auerons tantos « défaute , siques , avant que li cas aviengne et que les « hommes dou païs où je menroi vos gens, destournent la « proie , bon seroit que vous en soyés saisis. Si en sera « vostre hoost plus plentiveuse. » — « Séneschaus , res- « pondi li dus, vous parlés bien et sagement, et nous ferons « apriès vostre ordenance. » Donc fist li dus venir le connestable de France et les mareschaus , et lor remonstra l'ensengnement le séneschal de Biauquaire. Tout s'i acordèrent et ordonnèrent tantos cinq cens armeures de fier bien montés et plains de bonnes emprises, et se départirent un soir de l'oost ou conduit dou dit sénescal et cevauehièrent toute celle nuit. Sus le point dou jour, il vinrent assés priés de une bonne ville fermée qui se nomme Anchenis et estoit nouvellement rendue as Englois, et là dedens avoit grant garnison de gens d'armes et d'archiers, et avoient les Englois requelliet tout le païs autour de euls et fait venir le bestail de tous lés et assamblé ens es praieries desous Anchenis , et tout ce savoit bien li dis séneschaus, et la poissance des Englois qui dedens estoient. Il i pooit avoir environ cent armeures de fier et cent archiers. Si dist li séneschaus au duch de Bourbon et à messire Jaquème de Bourbon, son frère, qui là estoient, et as ma-
rescaus : « Signeur, nous trouverons la proie jà sus l'heure « de prime, que chil de la ville bouteront hors ens es « praieries, et quant nous saudrons avant, il n'est riens si o vrai que les Englois, qui sont chaut et hastieu, se bou- « teront hors pour la rescourre. Si nous fault avoir avis « sur che et jouer de l'embusque, par quoi il soient atrapé « et la ville prise. Velà un petit bois : nous nos metterons a dedens, et envoierons deus cens des nostres lever la proie « et verons comment les Englois s'en maintenront. » Chil signeur françois s'ordonnèrent ensi que li séneschaus parla, qui fu uns moult vaillans homs , et envoyèrent deus cens armeures de fier, tous bien montés. Quant la proie fu toute
issue hors de la ville et avallée ens es praieries*
courir celle part, et le demorant se missent en embusque, ensi que dit estoit. Quant chil qui ces bestes gardoient ens es praieries, veirent ces gens d'armes venir en une brousse2, si furent tout esbahi et tournèrent en fuies les auquns deviers la ville, et les aultres des fuians de paour se boutoient ens es haies et buissons. Li hus et li cris monta tantos en la ville. Evous ces Englois courir as armes, monter as chevaus et issir de la ville et euls mettre en cace apriès ces François qui emmenoient la proie et l'avoient jà aquelliet. Quant chil qui estoient en l'embusque veirent le convenant, si sallirent hors à quoité d'esperons et se missent entre la ville et les Englois. Or furent-il enclos devant et derrière, car quant chil qui la proie avoient aquelliet, veirent lors gens venir , il retournèrent sus les Englois et les envaïrent. Quant les Englois se veirent en ce parti et ensi asalli devant et derrière et de droite gens d'armes , si furent tout
1 Lacune.
'- En une brousse, en masse.
esbahi , et toutesfois , comme gens de vaillance , il monstrèrent deffense très-bonne , mais il ne porent durer longuement, car les François entrèrent tantos en euls et les espardirent. Là furent-il tout mort ou pris. Petit s'en sauvèrent, tant que on les peuist veoir, ne percevoir, et de recief les François vinrent à Anchenis et entrèrent dedens et le conquissent et prissent les hommes de la ville à merchi, et i furent un seul jour et i ordonnèrent chapitainne de par euls et gens pour garder*, et puis s'en départirent et emmenèrent lors prisonniers et la proie que conquis avoient, et vinrent devant Angoulême. De ceste emprise ensi achievée rechut li dis séneschaus de Biauquaire grant grâce et renommée de tous ceuls de l'hoost, et feirent li prisonnier englois qui pris estoient, au mieuls que il porent, et i ot fait des escanges des uns as aultres.
