CHAPITRE CXCVII

Comment les asségiés repoussoient tous les assaus.

Quant ce vint à l'endemain, chil signeur de France se remissent ensemble pour avoir consel comment, ne par quel art, ne manière, il poroient le mieuls esploiter pour grever lors ennemis, et avisèrent que il départiroient lor hoost en quatre parties, desquelles la première partie asaudroit dou matin jusques à prime, la seconde de prime jusques à midi, la tierce de midi jusques à vespres, et la quarte de vespres jusques à la nuit, car il pensoient que li deffendant ne poroient porter si grant faix que pour soustenir la painne toute jour ajournée et pour estre en armes sans reposer, boire, ne mangier, ne euls rafresquir.

Au voir dire, l'avis fu moult soubtieus pour donner as Englois moult à faire et grant contraire, et furent ordonné ou premier assaut dou matin jusques à prime, les Espagnols et les Genevois, les Prouvenchiaus et les Savoyens et Bourguignons, et estoient de celle route parmi les signeurs et lors hommes qui s'en ensonnioient ' et s'i boutoient, bien buit mille. Sitos que chil cessoient, entroient en l'assaut chil de Narbonne, de Montpellier, de Bésiers, de Montroial, de Fougaus, de Limous, de Cabestain, de Saint-Ubert, de Olimpi et de Carcbasonne. De midi jusques à vespres, rentraient en l'asaut chil de Toulouse, de Roerghe, de Quersi, d'Agenois et de Bigorre. De viespres jusques à la nuit, tous frès et tous nouviaus entroient en l'asaut li Limosin , chil de Vellai , de Ce vaudan , d'Auvergne , de Poito et de Saintonge, et s'aquitoient toutes gens trèsloiaumeht, et continuèrent ces assaus par sys jours, mais riens n'i gaegnièrent fors que de lors gens mors et bléciés grant fuisson, car chil dou chastiel ne furent oncques si las, quoique il fuissent travilliet oultre mesure, que il ne s'abandonnassent au deffendre si vaillamment que li signeur de l'oost meismement s'en esmervilloient comment il pooient souffrir et porter celle painne, et les réputoient pour vaillans gens, quoique ce fuissent loi* ennemi, ne il ne porent onques pour tous ces assaus parvenir jusques au conques dou pont qui estoit devant le chastiel, tant estoitil bien gardés , deffendus et soustenus. Quant li signeur de l'oost veirent ce, il se cessèrent et entendirent à mettre à point les navrés et les bléciés.

* Qui s'en ensonnioient, qui étaient chargés de ce soin, de cette be-