CHAPITRE CXCVIII
Comment les François missent, sus de grans enghiens, et comment les asségiés les rompirent.
Pardevant Aguillon ot le plus biau siège qui oncques, les guerres durant de France et d'Engleterre, euist esté fait, ne tenu ens ou roiaulme de France, et fu fait la grignour plenté d'apertisses d'armes ; et dura moult longuement de l'entrée de march jusques en la fin dou mois d'aoust et furent devant bien soissante mille hommes. Considérés le grant coustages qui en naquirent. Il me fu dit et recordé, et ce fait assés à croire, que on euist fait, fondé et ordonné sus noient l deus milleurs chastiaus plus biaus et plus fors que Aguillon n'est, des deniers qui despendu, en tenant les saudoyers, i furent. Quant li signeur de l'oost veirent que par ces assaus que il faisoient , il ne proufittoient riens, si en furent tous abus et esmervilliet. Bien savoient que par dedens estoient droite flours de gens d'armes, et bien le monstroient, car il ne s'esbahissoient de nulles nouvelletés que on lor fesist, et orent li signeur un aultre consel, car il envoyèrent querre à Thoulouse, huit les plus grans enghiens qui i fuissent, et encores en fissent-il faire et carpenter quatre plus grans assés, et fissent, sans cesser, ces douse enghiens jetter nuit et jour par dedens la forterèche ; mais chil dou chastiel estoient si bien guaritté et par si bonne ordennance que onques pierres d'enghien ne les greva, fors à tois des 'manandies. Et avoient chil dou chastiel bons enghiens
1 Sus noient, c'est-à-dire, là où tout aurait été à faire.
qui débrisoient tous ceuls de dehors, et sus huit jours il en rompirent et brisièrent jusques à sys, dont chil de l'oost furent tous courouchiet, et avisoient toudis nouvelles soutillèces par grant art et avis, comment il les peuissent le plus adamagier.
CHAPITEE CXCIX.
Comment les François et les Englois se encontrèrent et se combatirent desous Aguillon.
Ensi que je vous recorde, estoit li chastiaus d'Aguillon et chil qui le deffendoient, assalli par pluisseurs manières et ordenances, car priés toutes les septmainnes on i trouvoit et avisoit auqune cose de nouviel, et aussi chil dou chastiel, pour euls garder et deffendre, contrepensoient à l'encontre tousjours. Le siège durant devant Aguillon, il avint par pluisseurs fois que messires Gantiers de Mauni s'en issi hors à tout cent ou sys-vins compagnons, et s'en aloientpar oultre la rivière de lor costé fourer1, et ramenoient, voiant ceuls de l'oost, souvent grant proie dont li François avoient grant anoi. Et avint un jour que messire Caries de Montmorensi et li sires de Saint-Venant cevauçoient et avoient en lor route bien cincq cens compagnons et ramenoient garant proie en l'oost, laquelle il avoient requelliet sus le païs pour avitallier l'oost. Si se encontrèrent les François et les Englois desous Aguillon. Messires Gautiers ne volt pas refuser, comment que il euist le mains de gens, et se férirent ils et li sien en ces Fran-
? Fourer, pour fourrager.
cois, et li François entre euls. Là ot dur hustin et fort, et maint homme reversé, bléchiet et mort, et fait pluisseurs grans apertises d'armes. Toutesfois li Englois n'en avoient pas la millour pareçon et euissent perdu, mais la rencontre avint si priés dou chastiel que li contes de Pennebruq et messires Jehans de Lille et si compagnon qui ou chastiel estoient, les veirent. Si salirent hors et vinrent tout à temps à la meslée, et trop à point fu secourus messires Gautiers de Mauni, car il le trouvèrent enclos entre ses ennemis, et entendoient moult fort à lui prendre, quant chil Englois, frès et nouviel, se boutèrent dedens euls et les requièrent moult avant, en sus de messire Gautiers de Mauni et le remontèrent. Entrues que ces François et Englois se combatoient et entendoient à conquérir par armes l'un sus l'aultre, la proie que li François menoient fu tousjours cachié de gros variés avant et missent à sauveté au proufit des François. Les Englois n'orent aultre cose que l'esbatement des armes, et se départirent les Englois et les François casquns l'un de l'autre. Messires Gautiers de Mauni et li compagnon d'Aguillon retournèrent en la garnison et li François retournèrent en l'oost. Et ne savoient chil qui parloient de ce rencontre à qui donner l'honnour de la journée ou as François ou as Englois.
