CHAPITRE CC
Comment il i ot un grant assaut qui dura dou matin jusques à vespres, et comment li pont fu avalés par force.
De tels rencontres et de tels hustins i avenoient souvent, le siège tenant, sans les assauls et les escarmuces qui estoient prièsque tous les jours à chiauls dou chastiel, et ce
estoit grandement en la plaisance le duch de Normendie et des signeurs de France, et seoient le plus par erredrie1 que pour cose que li chastiaus vausist quatre fois, ne toutes les signouries qui au chastiel apendoient, mais tous les jours il le quidoient avoir à volenté et ceuls qui dedens estoient. Ce estoit la cause pour quoi tant il s'i tenoient, ne point il ne s'en voloient partir, ne aler avant, non que li chastiaus de Aguillon demourast derrière à lor retraire, car avis lor estoit, se il le laissoient derrière, et elle lor fust ennemie, elle lor tolroit lors pourvéances par terre et par aiguë. Pour ce et pour lor honnour, rendoient-il grant painne à l'avoir, et de ce se arguoit2 durement li dus de Normendie que tant se tenoient et que si vaillamment lesEnglois qui dedens estoient, se portoient. Et avoit juret li dus de Normendie que le siège d'Aguillon ne lèveroit par nulle condition que ce fust, se li rois, son père, ne le remandoit, si aueroit les Englois qui dedens Aguillon estoient enclos, à sa volenté. Or avisèrent li François une autre manière d'assaut, et fist-on armer un jour tous ceuls de l'oost, et quant il furent armé, li signeur ordonnèrent que chil de Toulouse fesissent assaut dou matin jusques à midi , et chil de Bighorre, de Roergue, de Quersi et d'Agenois, à lor retraitte, jusques à vespres, et chils qui premièrement poroit conquestre le pont aueroit cent escus. Li dus de Normendie, pour mieuls furnir cel assaut, fist venir et asambler*sus la rivière grant plenté de nefs et de chalans. Li pluisseur entrèrent dedens pour passer la ditte rivière, et li auqun passèrent au pont que il avoient fait. Quant chils dou chastiel veirent l'ordenance de l'assaut, si furent tantos tout apparil-
1 Erredrie, opiniâtreté.
2 Se arguoit, se tourmentait. *
liet pour deffendre. Lors commença un trop plus fiers assaus que il ni euist encores, et qui veist là gens abandonner vies et corps, et aprocier le pont pour la convoitise des cent esqus gaegnier, et presser l'un sus l'aultre ensi que par envie, et qui veist aussi cheuls dou chastiel euls deffendre vassaument \ de toutes ces coses il se peuist grandement esmervillier. Finablement, au fort de la besongne, auqun appert compagnon se missent en un bâtiel desus la rivière et vinrent desous le pont et jettèrent grans gros cros de fier au dit pont-leveis, et puis tirèrent si fort que de force il rompirent les chainnes qui le pont portoient et tenoient, et l'avalèrent jus par force. Et qui adont veist gens lancier sus ce pont et tresbuchier l'un sus l'aultre, dys ou douse en un mont, et qui veist ceuls de la porte d'amont, 'as deffenses, jetter pierres et bléchier hommes , il peuist de toutes ces coses avoir grant mervelle, et moult en i ot de trébusciés en l'aiguë. Toutesfois li pons fut conquis par force, mais il cousta grandement des François plus que il ne vausist. Quant li pont fu gaegnés, cbil de l'hoost eurent plus à faire que devant, car il ne porent aviser voie comment il peuissent gaegner la porte. Si se retraïssent à lors logeis, car jà estoit tart, et avoient li plus, bien mestier de reposer. Quant il furent retrait, cbil dou cbastiel issirent hors et tantos il entendirent au pont refaire . et le refissent plus fort que devant.
1 Vassaument. Ce mot synonyme de chevalereusement signifie ici : avec courage.
