CHAPITRE CCI
Comment li dus de Normendie fist construire quatre grans kas, et comment il furent confroissiés et débrisiés.
A l'endemain vinrent doi mestre des enghiens que li dus de Normendie avoit mandés et fait venir de moult lonc à grant coustages, et dissent au duch et as signeurs : « Faites-vous délivrer bois et ouvriers, et nous ferons et « ordonnerons quatre enghiens que on nomme kas1, et « les ferons hauls et fors et bien batilliés et sus quatre « fortes nefs que on inenra jusque sus murs dou chastiel, « et seront si très-hault que il sourmonteront les murs, et « auera, en ces kas, estages où gens d'armes se metteront « et se combateront, main à main, à ceuls de dedens, et « par cel assaut, se jamais il doient estre conquis, il le « seront. » A ces paroles entendirent li dus de Normendie et li signeur volentiers, et leur sembla raisonnable, et furent tantos ouvriers mis en œvre, bois amenés et acharyés, et estoient bien deus cens carpentiers ouvrans, et furent fait chil enghien, nommés kas, sus quatre grosses nefs, à la devise et ordenance des deus mestres enghienneours, qui menoient les ouvriers. Quant chils enghiens nommés kas furent parfait, et les gens d'armes dedens entré qui à ceuls dou chastiel dévoient combattre, et il orent passet la moitiet de la rivière, chil dou chastiel fissent descliquier quatre martinets que il avoient nouvellement
1 Froissart nous apprend qu'on désignait par ce nom des tours destinées à protéger les assiégeants et à leur permettre d'assaillir plus aisément les remparts.
DE FROISSART. 19o
fait faire pour remédyer contre les quatre kas, que il furent bientos tous confroissiés et débrisiés, que les gens d'armes qui dedens estoient et chil qui les conduisoient ne se peurent garandir. Si les convint retraire arrière, avant que il fuissent oultre la rivière, et en fu li uns effondrés au fons del aiguë, et la plus grant partie de ceuls qui dedens estoient, noyet, dont ce fu pités et damages, car il i avoit de bons chevaliers et esquiers qui grant désir avoient de lors corps, pour leur honnour, avanchier.
