CHAPITRE CCII

Comment li contes de Ghines et li contes de Tanquarville se départirent pour remonstrer au roi de France Testât dou siège d*Aguillon.

Quant li dus de Xormendie et li signeur de France veirent le grant mescief, et que par ce il ne pooient venir à lors ententes, il furent moult courouchiet, et fissent les aultres trois nefs et les kas cesser et retraire et issir hors tous ceuls qui dedens estoient. Si ne pooient li signeur plus aviser voie, ne manière, ne enghien comment il peuissent le chastiel de Aguillon avoir et destruire, et se ni avoit prince, ne baron, tant fust grans sires, ne proçains de linage au duch de Xormendie, qui osast parler dou deslogier, ne aler d'aultre part entendre : car li dus en avoit parlé moult avant que point de là ne se départiroit, si aueroit le castiel à sa volenté et ceuls qui dedens estoient si longuement que il deuist mettre, non se li rois son père ne le remandoit. Si avisèrent li signeur que li contes de Ghines, connestables de France, et li contes de Tanquarville se départiroient dou siège et s'en retourneroient en France pour remonstrer au roi Testât de son fils, le duch

de Normendie, et dou siège qui tant avoit cousté et coustoit encores tous les jours. Si se départirent de l'oost chil doi conte desus nommé, assés par le gré et congiet dou dit duch, et cevauchièrent tant par les journées que il vinrent à Paris, et trouvèrent le roi et la roine et la ducoise de Normendie et les dames. Si furent chil signeur conjoï et requelliet liement dou roi et de la roine, de tous et de toutes, et demandèrent de Testât dou duch et dou siège. Il lor en comptèrent assés. Si demora la cose ensi et li sièges devant Aguillon.

Nous nos soufferons à parler dou duc de Normendie, et parlerons dou roi d'Engleterre.