CHAPITRE CCIII

Comment li rois d'Engleterre fist un grant mandement de gens d'armes pour sequourir ceuls d'Aguillon, et comment messires Godefrois de Harcourt l'enhorta à débarquer en Normendie.

Bien avoit li rois d'Engleterre oï recorder que li François tenoient les camps en Gascongne et que li dus de Normendie, à puissance de gens d'armes, seoit devant Aguillon ; et tout Testât dou païs, ses cousins, li contes t)erbi, li avoit escript et que sur ce il euist avis et consel , car ensi que li païs avoit esté gaegniés, il se perderoit, se on ni pourveoit, et se il estoit perdus, ce ne seroit point à recouvrer en grant temps ou espoir jamais; caries villes s'i fortefieroient et garniroient aultrement et plus fort que il n'euissent esté au devant, et aussi li chevalier dou païs qui tourné françois estoient, si par force on les reconquéroit, jamais ne retourneroient en l'obéissance dou roi d'Engleterre, et tout li aultre qui espoir poroient venir à

celle volenté, ni prenderoient point bon exemple. Toutes ces coses considéra bien li rois d'Engleterre. Si eut avis et volenté que, à puissance de gens d'armes et d'archiers, il passeroit la mer et s'en iroit prendre terre à Bourdiaus sus la Gironde et lever le siège de devant Aguillon ; à tout le mains, il en feroit son acquit. Si fist un mandement et semonse de gens d'armes à estre à Londres as octaves de la Saint- Jehan- Baptiste. Tout i furent, chil qui mandé et escript estoient, et se départi li dis rois dou chastiel de Windesore, et vint à Cènes et de là à Eltem, et toudis estoit la roine en sa compagnie. Quant li rois d'Engleterre ot tout son estât ordonné, et ses pourvéances furent prestes, et sa navie toute ordonnée, tant à Wesmude, à Pleumude et à Dardemude, il fist traire ses gens petit à petit de celle part et cargier la navie, et puis prist congiet à la roine et le recommanda en la garde des Londryens et puis se départi et emmena avoecques lui, son fil, le prince de Galles, Édouwart, l'ainnet de tous ses enfans, et pooit avoir pour lors environ quinse ans. Avoecques le roi et moult proçains de li, se tenoit messires Godefrois de Harcourt, liquel estoit banis et escaciés dou roiaulme de France, ensi que vous savés et que dist est en l'istore ichi-dessus. Chils Godefrois de Harcourt fu uns chevaliers de grant corage et moult vaillans de consel et d'armes, selonch sa puissance, car il fu boisteus moult fort; mais pour ce ne demora mie que il ne fust hardis et entreprendans, et ne daigna oncques fuir en bataille, et avoit pris ce que on l'avoit escachiet hors de France et banni, en grande ingratitude et dèsplaisance, et proposoit que par fraude et mauvesté on li avoit fait ce blâme, et que tout estoit pour garder et tenir en droit et soustenir les coustumes et libertés normandes, et pour ce que trop avant il

TOJf. II. 13

en avoit parlé à l'encontre de la majesté roiale ', on l'avoit pris en indignation, siques trop volontiers il en veroit, ce disoit-il au roi d'Engleterre et à auquns barons d'Engleterre, son coer esclarchi et sa contrevengeance, et rendoit grant painne à ce et consilloit que li rois d'Engleterre et sa navie presissent terre en Normendie (et leur dissoit que trop bien il les menroit et ou milleur païs, plus rice, plus cras et mieuls pourveus de tous biens qui fust ou monde), et disoit ensi : « Sire, de une marée, nous i serons et ne « trouverons homme qui nous contredie. » Li rois d'Engleterre entendoit bien dalés li, qui li consilloit à faire, mais son corage s'enclinoit à ce que ses gens qui estoient enclos dedens li cbastiel d'Aguillon , fuissent reconforté, car il gissoient là en péril et en dangier, et respondoit à ce et disoit : « Godefroi, je sçai assés que vous me consil-

1 On lit dans la chronique normande publiée par M. Luce, que Godefroi d'Harcourt avait assisté à une assemblée convoquée pour maintenir les libertés et les franchises du pays. Le roi avait promis de les respecter, mais il ne tint pas cet engagement, car il envoya ses agents lever les gabelles en Normandie. Ce fut alors que Godefroi d'Harcourt et le sire de la Roche-Tesson déclarèrent que jamais la maltôte ne courrait dans leurs domaines. Raoul de la Roche-Tesson, appelé à Paris, y fut décapité : Godefroi d'Harcourt se déroba par la fuite au même supplice.

Lorsque Godefroi d'Harcourt, dominé par le remords d'avoir pu contribuer à la mort de son frère à la bataille de Crécy, fut rentré dans le parti français, il donna un mémorable exemple de cet attachement aux libertés normandes. Le duc de Normandie (depuis Charles V) l'avait mandé à Rouen pour qu'il lui fît hommage. « Et lors vint à « Rouen monseigneur Godefroi de Harcourt, et apporta sur sa teste « par devant le duc la Chartre aux Normans, où sont contenus les « privilèges de Normendie, et dit, oyant tous : « Mon seigneur naturel, « vecy la Chartre des Normans. En la fourme qu'il est contenu dedens, « s'il le vous plaist à jurer et tenir, je suy tout prest de vous faire « hommage. » Le duc hésita et Godefroi d'Harcourt se retira sans avoir fait hommage. Le chroniqueur loue son très-grand sens. (Chronique des quatre premiers Valois, pp. 8 et 34.)

« liés loiaument, mais il faut premièrement entendre au « plus diffetous', et quant nous auerons esté par de delà « et visité Bourdiaus et le pais, jamais en Engleterre ne « retournerons, si auerés veu une partie de vostre désir. » Ensi se devisoient li rois d'Engleterre et messires Godefrois de Harcourt ensamble, et tant vinrent que il se trouvèrent à lor passage, ens toutes les nefs estoient apparilliés et cargiés, ensi que commandé et ordonné estoit , et euls venu, il ni séjournèrent point longuement, car il avoient tout pourveu et vent à volentés. Si entrèrent tout généraulment en lors vassiaus et se désancrèrent et entrèrent en la mer et levèrent les voilles à mont, et estoit li intension dou roi de prendre la mer pour aler en Gascongne et à Bourdiaus, mais quant il furent en la mer et il quidièrent esploitier et avoir le vent pour euls, il l'orent à rencontre des isles de Normendie, et tant que li rois en estoit tous anoians2. Adonc li dist messires Godefrois de Harcourt : « Sire, soyés tous certains que Dieus voelt que nous « alons en Normendie. Si vous pri que vous créés Dieu « et le vent, et vous verres proçainnement que vostres be- « songnes en vaudront mieuls. » — « Godefroi, respondi a li rois d'Engleterre, se li chastiaus d'Aguillon et chil a qui sont dedens enclos, estoient en Normendie, je seroie « bientos consilliés de traire celle part, mais il fault (et si « apertient) que nous alons à plus digeteus devant et re- « confortons ceuls qui gissent en dangier et en péril. » A ces paroles respondi messires Godefrois de Harcourt et dist : « Sire, comment lor poés-vous faire plus grande aïes « que de entrer dedens le roiaulme de France et tantos

1 Diffetous, digeteus, à quoi il y a lieu de pourvoir d'abord.

2 Anoians, fâché, contrarié.

* Aïe, aide.

« faire forte guerre? Vous chevaucerés et tout vostre hoost « jusques ens es portes de Paris, et jà ne trouvères qui « vous empêce, ne contredie vostre cemin, et par le « voiageque vous ferés ensi parmi le roiaulme de France, « se lèvera li sièges de devant Aguillon , car toutes gens « d'armes, où que il soient, seront mandé pour venir à « l'encontre de vous et vous combattre, et li dus de Nor- « mendie et li grant baron de France qui séent devant « Aguillon ne seront pas oublyé, ne mis derrière que il « ne soient remandé. » Adonc regarda li rois d'Engleterre sus le conte de Warvich et le conte de Arondiel qui estoient dalés li et lor demanda : « Que vous en samble de ce que « Godefrois de Harcourt conselle? » Il respondirent : « Sire, nous ni veons que tout bien, et voirement dist-il « vérité de une cose : li voiages est Ions de cbi en Gas- « congne, et si avons li vent contraire pour nous, et vous « ne poés aler avant, ne esploitier fors que par le vent, et « se vous prendés terre en Normendie et cevauchiés avant « ou roiaulme de France, de légier, ensi que il dist, se a lèveront cL.il qui tiennent siège devant Aguillon. » Adonc dist li rois : « Or avant, faites retourner deviers « Normendie, car nous volons prendre et aler ce cemin, « et Dieux soit sus nostre voiage !» En ce jour estoit amirauls de la mer et institués de par le roi et son consel, li contes de Warvicb, et connestables , li sires de Biaucamp , et marescauls , messires Thomas de Hollandes, et mestres cambrelens d'Engleterre , li contes de Honstidonne, et avoit li rois d'Engleterre en celle flote et route quatre mille hommes d'armes et douse mille archiers. Adonc furent les nefs tournées au commandement et ordenance dou roi au lés deviers Normendie, et tantos il orent si plain vent que à droit souhet il euissent àssés

perdu1 et prissent terre en Ville de Constentin2 en la Hogue-Saint-Vast. Donc messires Godefrois de Harcourt estoit si resjoïs de ce que il veoit que il entreroient en Normendie , que de joie il ne s'en pooit ravoir, et disoit bien : « Nous entrerons ou plus cras païs dou monde et « ou plus plentivous, et si en ferons nostre volenté, car ce a sont simples gens, qui ne scèvent que c'est de guerre'.»

1 La phrase paraît incomplète.

2 Côtentin.

3 Voici comment ces faits sont rapportés par le manuscrit de l'Arsenal :

« Ou mois dejulletet en celle saison environ le Saint-Jaques et Saint-Christofle l'an mil ni c et xlvi que la bataille devant la cité de Liège avoit esté, ainsy comme nous avons dit, et que le duc de Normendie, fils du roy Philippe de France, estoit et tenoit siège devant la ville et le chastel de Mont-Aguillon en Gascogne, assez près de la Riolle et de Bordeaux en Gascongne, où le conte Derby et monseigneur Gaultier de Manny et leurs gens estoient de par le roy Édouart d'Engleterre pour garder le pays et la terre de Gascongne, et deffendre à leur pooir contre le dit duc de Normendie et ses gens, et avoit ledit roy d'Engleterre avoec luy le prinche de Galles, son fils l'évesque de Durâmes, le conte de Wervic, le conte de Montfort, monseigneur Godeffroy qui estoit encachiet de France et maints aultres chevaliers et gens d'armes, coustilliers, picquiers et archiers. Et quant ils furent tous assemblés , ils furent environ de ni mille hommes armés de harnasd'achier et xxv mille archiers qui Gallois que aultres. Sy eult ximc nefs parmy celles des pourvéances et xxxv mille cbevaulx et entrèrent en mer, mais le vent les mena en la marche de Cornuaille et se reposèrent là. Et entandis qu'ils estoient là, passoient xvi nefs de Bayonne qui menoient v mille tonneaux de vin en Normendie, et ils faisoient et donnoient à entendre qu'ils les menoient à l'Escluse en Flandres. Et ce fut bien prouvé par les lettres qu'ils portoient et qu'on trouva sur eulx qu'ils mentoient et qu'ils les menoient en Normendie. Sy eurent le roy d'Engleterre et ses gens tous les vins et les départirent en l'ost et rendirent aux mariniers leurs nefs et navires, et l'endemain eurent bon vent pour aller en Normendie.

« Le xiie jour de jullet, l'an mil uic et xlvi, arriva le roy d'Engleterre en Fille Constentin, au port qu'on dist de le Hoghe, près de Harfleur, en Normendie. Et y avoit en celuy Hoghe grant plenté de gens d'armes à cheval et à pied. Sy les conduisoit le mareschal Bertrand qui gardoit ce pas et ce rivage de par le roy Philippe de France pour deffendre le