CHAPITRE CCIV
Comment li rois d'Engleterre prist terre à la Hogue-Saint-Vast, et comment il ordonna son armée.
Quant li rois Édouwars d'Engleterre, qui pour lors estoit en la flour de sa jonèce, ot pris terre en la Hogue- Saint-Vaast, en l'ille de Constentin, et que tout la navie fu aroutée, et toutes gens issoient de lors vassiaus et salloient1 sus le sabellon (car la mer estoit retraite), li rois qui estoit de grant volenté, niist son piet sur le bort de sa nef et salli oultre sus la terre2, et à ce que il fist son sault,
pays contre les Englecqs. Et quant le conte de Werwich vid che, lequel estoit mareschal de l'ost du roy d'Engleterre, il monta sur ung povre et meschant cheval, car il y avoit encore trop peu de chevaulx mis hors des nefs, et au pryme descendoient et en yssoient-ils. Et print ung escut et une lanche, et férit le cheval des espérons, et le sievirent pluseurs gentilshommes et grant plenté d'archiers, et se férit en la plus grande presse des gens du mareschal Bertrand, en cryant : Saint Jorge au bon roy d'Engleterre ! Et là y eult grande bataille et grande ochision d'espées, de lancbes et de cousteaux et de flesches, et dura moult longuement celuy estoir. Et là fit le roy d'Engleterre, le prince de Galles, chevalier, qui estoit son fils, et le seigneur de Montagut et grant foison d'aultres, qui tous furent en celle bataille. Et en la fin le mareschal Bertrant et son fils y furent desconfis et tous leurs gens, plus de mille, et le remanant s'enfuy. Et le mareschal Bertrant s'en ala droit au roy de France conter comment le roy dEngleterre estoit descendus en Normendie, et ses gens tués, prins et navrés, dont le roy de France fut moult courouchiés, et sur ce il s'avisa et pourveit et assambla grans gens.
« Après celle bataille dont dessus est faite mencion, yssirent les Englecqs, eulx, leurs chevaulx et les pourvéances hors des nefs paisiblement, et séjournèrent droit là environ vi jours pour eulx et leurs cbevaulx mettre à point et raffreschir. »
1 Salloient, sautaient, s'élançaient.
2 Edouard III débarqua à la Hogue le 12 juillet 1346.
li pies li gliça et chéi li roit sus le sabelon que li sans li vola hors dou nés à grant randon ' . Donc dissent li chevalier qui dalés li estoient : « Sire, retrayés-vous en vostre « navie. Vechi un povre et petit signe. » — « Pourquoi? « respondi li rois, mais est li signes très-bons, car la terre « me désire. » De ceste response se contentèrent et resjoïrent moult grandement tout chil qui l'oïrent. Et issirent, petit à petit, les Englois hors de la navie, et se logièrent là environ au mieuls que il porent, et quant toutes les nefs furent descargiés, li rois d'Engleterre eut consel que on les garniroit de gens d'armes et d'archiers, et poursievroient tousjours la marine ; et puis orent consel comment il chevauceroient. Il ordonnèrent lors gens en trois batailles, de quoi li une cemineroit d'un lés, costiant la marine, et la bataille de l'avant-garde chevauceroit sus le païs à destre, et li rois en milieu de ces batailles, et de voit toutes les nuis, la bataille des marescaus re traire ou logeis dou roi. Si commencièrent à cevauchier et à aler ces batailles, ensi que ordonné estoient. Chil qui s'en aloient par mer, selonch la marine, prendoient toutes les naves petites et grandes que il trouvoient, et les emmenoient avoecques euls. Archiers et hommes de piet aloient costiant la mer, et prendoient et emportoient devant euls tout che que il trouvoient, et tant alèrent et chil de mer et chil de terre, que il vinrent à un bon port de mer et une forte ville que on clamme Barflues2, et entrèrent dedens; car li bourgeois se rendirent pour le doubtance de mort, mais li chastiaus n'eut garde, car il est trop fors, et pour ce ne demora pas que la ville ne fust courue et roubée de tout ce de bon que il i trouvèrent ; et i trouvèrent or et
1 Randon, force.
* Barfleur.
argent à grant plenté, et de lor butin et pillage, il cargoient lors vassiaus, et fissent entrer en lors vassiaus tous les hommes aidables de la ville et les emmenèrent avoecques euls à fin que il ne se requellaissent et mesissent ensamble et les poursievissent.
