CHAPITRE CCV
Comment les Englois, après avoir conquis Barflues, vinrent à Valongne et à Quarentan.
Apriès que la ville de Barflues fu prise et robée sans ardoir, il s'espardirent parmi le païs selonch la marine, et i fissent grant partie de lors volentés, car il ne trouvoient homme qui lor déniàst, et ceminèrent tant que il vinrent jusques à une bonne ville, grosse et rice et port de mer, qui se nomme Chièrebourch. Si en ardirent et roubèrent une partie, mais dedens le chastiel, il ne peurent entrer, car il le trouvèrent trop fort et bien pourveu de bonnes gens d'armes et arbalestriers, qui s'i estoient bouté pour le garder, de la conté d'Evrues, qui pour lors estoit hiretages au roi de Navarre. Si passèrent oultre les Englois et vinrent à Montbourch, et de là à Valongne. Si le prissent et robèrent toute, et puis l'ardirent et parellement grant fuisson de villes et de hamiaus en celle contrée, et conquissent si fier et si grant avoir, que mervelles seroit à i penser, et puis vinrent à une aultre bonne ville, séans sus mer, que on dist Quarentan, et i a bon chastiel et tout au roi de Navarre, et de la conté d'Evrues. Quant il furent venu jusques à là, il trouvèrent la ville close et assés bien fermée et pourveue de gens d'armes et de saudoyers : si
se ordonnèrent les Englois pour le asallir et i livrèrent très-grant assaut. Quant li bourgeois de Quarentan veirent ce, il orent grant paour de perdre corps et avoir. Si se rendirent, salve lors corps, lors femmes et lors enfans, vosissent ou non les gens d'armes et les saudoyers qui dedens estoient, liquel se retraïssent ou chastiel et là dedens s'encloïrent. Les Englois entrèrent en la ville de Quarentan et s'i rafresquirent et ne vorrent pas laissier le chastiel derrière, mais le alèrent tantos asallir de grant volenté, et furent deus jours pardevant. Quand li compagnon qui ou chastiel estoient, veirent que point les Englois ne passeroient oultre, et mettoient lor entente à euls perdre, il tretièrent as Englois et le rendirent, salve lors corps et lors biens. Quant li signeur se veirent au desus de Quarentan, de la ville et dou chastiel, il regardèrent que il ne le poroient tenir. Si le ardirent et désemparèrent tout, et fissent les hommes aidables et de deffense de Quarentan entrer en lor navie, ensi que ceuls de Barflues, et les emmenèrent avoecques euls, par quoi il ne se armassent sus le païs et lor portaissent damage. Et ensi avoient-il pris les hommes de Chièrebourc, de Montebourc et des aultres villes voisines, et fu tous li païs pilliés, courus et robes, selonc la marine, et avoient cargiet lor navie de si grant avoir de draps, de pennes, de lainnes, de filles l et de vassielle que mervelles estoit à penser.
Or parlerons-nous otretant bien de la cevauchie le roi d'Engleterre, que nous avons parlé de ceste.
" Filles, fil, lin.
206 CHRONini ES
CHAPITEE CCVI.
Comment li rois d'Engleterre fist Godefroi de Harcourt conduiseur de son hoost, et comment il s'avancha deviers Saint-Lo.
Quant li rois d'Engleterre ot envoyet ses gens costiant la marine, par le consel de messire Godefroi de Harcourt, et chil se furent mis au cemin assés tos apriès, il se départi de la Hogue-Saint-Vast, là où il avoit pris terre, et fist monsigneur Godefroi de Harcourt conduiseur de toute son hoost, pour tant que il savoit les entrées et les issues de la ducée de Normendie. Liquel messires Godefrois, comme un des marescaus, se départi dou roi, à cinq cens armeures de fier et deus mille archiers, et chevauça bien sys ou sept lieues en sus del hoost le roi, ardant et essillant le païs. Se le trouvèrent cras, et plentiveuse la contrée de toutes coses, les granges plainnes de bleds, les hostels raemplis de toutes ricoises, buefs et vaces les plus cras et mieuls nourris dou monde, brebis, moutons et pors. Aussi tant trouvoient à fourager que il n'en sa voient que faire. Si prendoient les Englois de tous ces biens à lor volenté et le demorant laissoient, et s'esmervilloient des grans ricoises et des biens que il trouvoient près, et de ce bestial il en avoient assés tant que il voloient, et en envoioient encores à grand fuisson en l'oost le roi, dont il estoient servi. Ensi cevauçoit messires Godefrois de Harcourt, casqun jour, dou costé le grant hoost le roi au destre costé, et revenoit le soir et toute sa compagnie, là où il sçavoit que li rois de voit logier, et celé fois estoit que il demoroit deus jours quant il trouvoit bien à fourér, et priât li rois son charoi et son cemin deviers Saint-Lo-le-
Constentin, mais ançois que1 il parvenist jusques à là, il se logea trois jours sus une rivière, atendans ses gens qui avoient fait la cevauchie sus la marine, ensi que vous avés oy. Quant il furent revenu et il orent tout lor avoir mis à voiture, li contes de Suffort, li contes de Warvich, messires Renauls de Gobehem et messires Thomas de Hollande reprissent le cemin à senestre, ardans et essillans le pais, ensi que messires Godefrois de Harcourt faisoit à destre, et li rois chevauçoit entre ces deus èles, et tous les soirs se trouvoient ensamble, et ceminoient à si grant loisir que il n'aloient le jour que deus ou trois lieues dou plus.
