CHAPITRE CCVII

Comment li rois de France fîst asambler à Caen puissance de gens d'armes pour combatre les Englois.

Ensi en ce temps dont je parole, que on compta en l'an de grasce mil CCC et quarante-sys, fu gastés et essilliés li bons et li cras païs de Normendie, de quoi les plaintes grandes et doloreuses en vinrent au roiPhelippe de Valois, qui se tenoit ens ou palais à Paris, et li fu dit : « Sire , li « rois d'Engleterre est arivés en Constentin à puissance « de gens d'armes et d'archiers, et vient tout essilliant et « ardant le pais, et sera temprement à Caen, et tout ce « cemin li fait faire messires Godefrois de Harcourt. Il « fault que vous i pourveés. » — « Par m'âme et par mon « corps, respondi li rois, voirementi serapourveu. » Lors furent mis clers en œvre pour lettres escrire à pooir et

1 Ançois que, avant que.

sergeans d'armes et messagiers envoyés partout deviers signeurs et tenavles' de la couronne de France. Li bons rois de Boesme ne fu pas oubliés à mander, ne messires Caries ses fils qui jà s'escripsoit rois d'Alemagne, quoique Lois de Baivière fust encores en vie, mais par la promotion de l'Église et auquns esliseurs de l'empire de Rome, on avoit esleu Carie de Boesme à estre rois d'Alemagne et emperères de Rome; car li Baiviers estoit jà tous viels, et aussi il n'avoit pas fait à la plaisance des Romains, ensi que il est escript et contenu ichi desus en l'istore. Si furent mandé li dus de Lorraine, li contes de Salebruce, li contes de Namur, li contes de Savoie et messires Loïs de Savoie, son frère, le conte de Genève et tous les hauls barons, dont li roisdevoitou pensoit à estre servis, et aussi [fu escript] as hommes des chités, des bonnes villes, des prévostés, bailliages, cbastellenies et mairies dou roiaulme de France, que tout bomme fuissent prest, et lor estoient jour asig-net, là où casquns se deveroit traire et faire sa monstre; car il voloit aler combatre lesEnglois, liquel estoient entré en son roiaulme. Tout cbil qui mandé et escript furent, se pourveirent et s'estofèrent de tout ce que à euls apartenoit, et ne fu pas sitos fait. Avant eurent les Englois cevauchiet, arset essilliet moult dou roiaulme de France. Si furent ordonné de par le roi et son consel, sitos que les nouvelles furent venues, que li rois d'Engleterre estoit arivés en Constentin, messires Raouls, contes d'Eu et de Ghines et connestables de France, et li contes de Tanquarville, cambrelenc de France, à cevauchier quoitousement2 en Normendie et li traire en la bonne ville de Caen et là asambler sa puissance de gens d'armes et faire

1 Tenavles, feudataires.

2 Quoifottsemenf, en hâte, immédiatement.

frontière contre les Englois , et lor fu di et commandé, tant que il aroient lors hommes, que il se pourvussent tellement que les Englois ne peuissent passer la rivière d'Ourne qui court à Caen et s'en va férir en la mer. Cliil signeur obéirent et dissent que il en feroient lor pooir et lor devoir, et se départirent en grant arroi de Paris et s'en vinrent à Eoen, et là séjournèrent quatre jours, en atendant gens d'armes qui venoient de tous lés, et puis s'en départirent; car il entendirent que li rois d'Engleterre estoit venus jusques à Saint-Lo-le-Constentin, et cevauchièrent oultre et vinrent à Caen, et là s'arestèrent et fissent lors pourvéances telles que elles apertiennent à faire à gens d'armes qui se voellent acquitter et combatre lors ennemis. Encores fu escrips et mandés do a roi Pbelippe messires Jebans de Hainnau qui s'estoit tournés François, ensi que vous savés. Si vint servir le roi moult estoféement, et bien accompagniés de chevaliers et d'esquiers de Hainnau et de Braibant et de. Hasbain, et se contenta grandement li rois Phelippes de sa venue. Si venoient et aplouvoient1 gens d'armes, de toutes pars, pour servir le roi de France et le roiaulme, les auquns qui i estoient tenu par hommage et les aultres pour gaegnier lors saudées et deniers. Si ne porent pas sitos chil des lointainnes marces venir que fissent li proçain, et les Englois ceminoient toudis avant.

1 Se pressaient en grand nombre.

-21(1 CHROMOlîES