CHAPITRE CCIX
Comment li rois d'Engleterre se logea priés de Caen.
Quant li rois d'Engleterre et ses gens orent fait lors volentés de la ville de Saint-Lo-le-Constentin. il s'en départirent et prissent lor cemin pour venir deviers une plus grose ville trois fois que Saint-Lo ne soit, qui se nomme Caen en Normendie, et priés aussi grose et aussi rice estoit pour lors que la chité de Roen, plainne de draperie et de toutes marceandises , rices bourgeois et bourgeoises et de bon estât, aournée de belles églises et par espécial de deus nobles abbéies durement belles et riches , séans l'une à l'un des bouts de la ville et l'aultre à l'aultre ' et est appellée li une de Saint-Estievène, et l'aultre de la Trinité, le une de monnes, celle de Saint-Estievène, et en celle de la Trinité dames, et doient estresys-vins dames à plainne prouvende2. D'aultre part à l'un des bouts de la ville, sciet
1 Al une bout de la ville est une abbeye si noble come il poetestre, où "William le Conqueror gist, et est fermée de murs et tours, graunts et forts, en quelle abbeye nul homme n'estoit; et al aultre bout de la ville, une aultre noble abbeye de dames. . . et est la ville plus grosse que nulle ville d"Engleterre, liorspris Londres. (Lettre de Michel de Northburgh.)
2 Le pape Victor II imposa au xie siècle à Guillaume le Conquérant et à Matilde de Flandre, qui n'avaient pas eu recours aux dispenses pontificales avant de faire célébrer leur mariage, la construction de
li chastiaus qui est uns des biaus castiaus et des fors de Normendie et en estoit pour lors chapitainne, uns bons chevaliers, preus, sages et hardis qui se nommoit messires Bobers de Wargni, et avoit avoecques lui dedens le chastiel en garnison bien trois cens Genevois. Dedens la ville estoient logiet li connestables de France, li contes de Tanquarville et plus de deus cens chevaliers, tout au large et à leur aise, et estoient là venu et envoyet pour garder et deffendre Caen et faire frontière contre les Englois. Li rois d'Engleterre estoit tous enfourmés de messire Godefroi de Harcourt que la ville de Caen estoit durement rice et grosse et bien pourveue de bonnes gens d'armes. Si chevauça celle part et tout sagement, et remist ses batailles ensamble et se logea celle nuit sus les camps à deus petites lieues priés de Caen, sus la rivière de Oton qui se rentre en la mer et sus un havène que on nomme Austrehem et la rivière Ourne... et court à Caen, et estoit de la ditte navie conduisières et patrons li contes de Honstidonne'. Li connestables de France et li aultre signeur, qui là estoient, fissent celle nuit grant gait, car il sentoient les Englois moult priés de euls. Quant ce vint au matin , li connestables de France et li contes de Tanquarville oïrent messe, et aussi fissent tout li signeur qui là estoient , où grant fuisson de chevalerie avoit, et avoient consilliet le soir que de issir hors et de combatre
deux abbayes dans la ville de Caen. L'une fut celle de Saint-Etienne, dont Lanfranc fut abbé et qui reçut plus tard la sépulture de Guillaume; l'autre fut celle delà Trinité où l'une de ses filles prit le voile. Matilde y fut inhumée. On appelait la première l'abbaye aux hommes, la seconde, l'abbaye aux dames.
1 Phrase incomplète. On lit dans l'édition de M. Buchon : « Et tousjours le suivoit et costioit sa navie, et vint jusques à deux lieues près de Caen, en une ville et sur un havre que on appelle Austrehan et sur la rivière de Orne, quiqueurt parmi Caen. »
les Englois. Si sonnèrent les trompètes dou connestable moult matin, et s'armèrent toutes manières de gens d'armes, et les bourgeois meismement de la ville, et widèrent hors de la ville et se traïssent sus les camps et se missent tout en ordenance de bataille et monstrèrent tout par samblant et par parole que il avoient grant volenté de combatre les Englois, dont li connestables de France estoit moult resjoïs.
