CHAPITRE CCX

Comment li bourgeois de Caen furent légièrement desconfis, et comment les Englois entrèrent à Caen et prissent le connestable de France et le conte de Tanquarville.

En ce jour se levèrent aussi les Englois moult matin et oïrent li rois messe et tout li signeur, et puis se apparillièrent et missent en ordenance et au cemin pour aler à Caen. Si se traïssent tout souef lors batailles rengiés, les banières des marescaus tout premiers, et aprochièrent la ville de Caen. Ces gens d'armes de France, chevaliers et esquiers estoient tout tret sus les camps, et mis en bonne ordenance de bataille, et d'aultre part aussi tout li homme bourgeois de Caen, et monstroient par samblant que il attenderoient les Englois et les combateroient ; mais quant il les veirent venir cevauchant en ordenance de bataille , et tout en une brousse1, banières et pennons ventillans, ce que acoustumé il n'avoient pas de veoir, si se commencièrent à esfraer, et encores plus quant ces archiers commenchièrent à traire et il sentirent ces saïetes , et se desconfirent si de euls-meismes que tout chil dou monde ne

1 En une brousse, en masse, en un seul corps.