TOU. H

les euist mie retenus qu'il ne se fuissent mis à la fuite. Adonc peuist-on veoir gens frémir et esbahir, et celle Lataille rengié desconfire à peu de fait, car casquns se pena de rentrer dedens la Tille à sauveté. Là ot grant encauch1 et maint homme reversé et bouté jus à terre, et ceoient à mous l'un sus l'aultre, tant estoient-il fort eshidé. Li connestables de France et li contes de Tanquarville, li sires de Gra ville, li sires d'Estouteville, li sires de Saqueville, li sires de Coursi, li sires d'Iveri, qui veirent ce grant mescliief apparant et ces hommes et bourgeois de Caen ensi fuir et ceoir l'un sus l'aultre, s'en retournèrent, casquns que mieuls mieuls, sans arroi et orderance, et montèrent à mont en une porte sus l'entrée dou pont et se quidièrent là sauver, et estoient (n'i avoit baron, ne chevalier2) tout esbahi dou mescief que il veoient, car les Englois estoient jà entré dedens la ville bien avant, et ensi que il entroient, il se rengeoient et ordonnoient sus les caucies, ne nuls n'entendoit à lui deffendre, mes au fuir et à lui sauver, et gissoient li mors et les ocis sus les caucies à mons. Auqun chevalier et esquier qui savoient le cemin viers le castel et meismement des hommes de la ville se destournèrent et se missent hors dou foulois s et de la voie des Englois et se retraïssent et boutèrent ou chastiel. Tout chil et celles qui peurent avoir celle aventure d'entrer eus ou chastiel, furent sauvé. Moult de hommes, de femmes, et d'enfans widoient aussi par les portes qui estoient ouvertes et prendoient les camps et eslongeoient* ce mescief,

1 Encauch, chasse.

1 Froissart veut dire que, s'il y avait eu là des chevaliers anglais, ils eussent pu modérer la fureur des vainqueurs.

* Foulois, mêlée, presse.

* Eslongeoient, fuyaient.

DE FROISSART. ï\ S

et ne faisoient compte de cose qui deniorast derrière. Bien sçavoient que tout estoit perdu : encores euireus ' qui se pooit sauver par ce parti. Englois, gens d'armes et archiers qui encauçoient les fuians, faisoient grans occasions, car homme n'estoit espargniés, qui ceoit en lors mains. Et avint que li connestables de France et li contes de Tanquarville qui monté estoient en celle porte au pont, regardèrent au lonc, tant en la ville que dehors la ville (car tous jours entroient Englois), et veirent devant euls sus les rues si grans oribletés et pestilenses que grans hisdeurs seroit et estoit de le oser regarder. Si se doubtèrent de euls-meismes de esceoir en ce dangier et entre mains darchiers qui point ne les congneuissent. Ensi que il regardoient aval, en grant doubte, ces gens ocire et abatre, il perchurent un gentil chevalier englois qui n'avoit qu'un oel, lequel on nommoit messire Thomas de Hollandes, et cincq ou sys chevaliers avoecques lui, et desous banière, et par la banière que uns chevalier portoit toute droite, il le ravisèrent, car bien l'avoient veu aultrefois et boutèrent hors deus de lors pennons par les fenestres de la porte, et commenchièrent à cryer et à faire signe que on parlast à euls2. Tantos chil gentilhomme englois, qui estoient avoecques messire Thomas de Hollandes, entendirent ce signe, et li dissent : « Monsigneur, arestés-vous. Là sus sont re- « trait grant fuisson des barons de France qui ne sont pas « bien à ségur de lors vies. Montons à mont, car il vous « demandent et se voellent rendre. Vous poriés par ce « parti moult tos avoir une bonne journée. » Messires Thomas et sa banière s'aresta, et descendirent de lors

1 Euireus, heureux.

2 Selon d'autres récits, le connétable ne se rendit qu'après une longue et honorable résistance.

chevaus et montèrent les degrés de la porte. Ensi que il montoient, li doi conte de France lor vinrent au devant et li dissent : « Messire Thomas de Hollandes, en- « tendes à nous et nous prendés à prisonniers, et nous « sauvés les vies de ces archiers. » — « Qui estes-vous? » dist messires Thomas. « Nous sommes Raouls, contes « d'Eu et de Ghines, connestahles de France, et je Jehans a de Melun, contes de Tanquarville et cambrelens de « France. » Quant messires Thomas de Hollandes les entendi, si senti et congneut tantos que il avoit bien volé et fu tous resjoïs pour deus raisons : li une estoit pour tant que il avoit bons prisonniers dont il poroit avoir cent mille moutons; l'aultre pareçon pour tant que il lor sauveroit les vies, car il gissoient là et avoient esté en grant péril pour les archiers et les Gallois, car ils sont si divers que il ne voellent nului congnoistre. Tantos chil doi conte fiancèrent lors fois à messire Thomas de Hollandes, et aussi fissent tout li aultre baron et chevaliers qui dedens la porte estoient. Considérés la bonne aventure que messires Thomas de Hollandes ot d'avoir si bons prisonniers qui li céirent ens es mains. Tantos, il ordonna trois de ses chevaliers et de ses hommes à demorer là d'encoste ses prisonniers, et mist son pennon en la porte. Ce estoit segnefiance que la porte estoit à lui, et tout chil qui dedens estoient ; et puis descendi aval et monta à ceval et se remist en ordenance avoecques les aultres au cevauchier et à aler toudis avant ; mais toutes gens fuioient devant les Englois. Si est la ville de Caen grande et poissans et estendue durement et fort peuplée, et céi adonc si bien as Englois que sans le dangier de passer au pont, il passoient et repassoient, ensi que il vouloient, la rivière de Ourne, car la mer estoit si basse pour celle heure que il n'i

avoit nul empêcement de passer, et par ce point fu la ville plus tos conquise.