CHAPITRE CCXVI
Comment li rois Édoivwars, sachant que li rois Phelippes le poursicvoit à toute sa puissance, quéroit à passer la rivière de Somme.
Quant ce vint à l'endemain, li rois et toute li hoos se deslogèrent et cevauchièrent viers Arainnes, ardant et essillant le pais à destre et à senestre, et vinrent à Arainnes environ tierce, et là s'arestèrent, car il ne savoient là, ne où, ne quant, il passeraient la rivière de Somme. Bien lor avoit dit messires Godefrois de Harcourt que desus Abbeville devoit avoir un passage, mais que on seuist ou peuist prendre la mer à point. On li demanda quels li passages estoit et se point il l'avoit passet. Il respondi : « Onques « ne le passai. Je ne le sçai fors par oïr dire, et toutes- « fois entre Amiens et Abbeville, il i a pluisseurs passages « sus la rivière de Somme. On deveroit envoyer taster se
« li pont sont deffait ou bien gardé. » Li rois i envoia, et en furent esleu et ordonné pour aler li contes de Warvich et messires Godefrois de Harcourt, à tout mille hommes d'armes et deus mille archiers, tous bien montés. Si se départirent de Arainnes et cevauchièrent parmi Lonchpret, et vinrent au Pont-à-Remi et le trouvèrent bien garni et pourveu de grant fuisson de chevaliers et d'esquiers et des hommes dou pais qui là estoient assamblé, et en estoient chapitainne li sires de Douwast, li sires de Havesquerque , li sires de Brimeu, li sires de Boubert et li sires de Saint-Pi, et avoient mallement fortefyet le pont, et euls aussi. Quant les Englois veirent ce, il passèrent oultre et vinrent à Fontainnes-sus-Somme , une grosse ville, et l'ardirent toute, car elle n'estoit point fermée, et puis vinrent à Lonch-en-Pontieu et trouvèrent le pont bien garni et pourveu de gens d'armes et d'archiers et estoit cose impossible de euls conquerre et là passer. Quant il veirent que tout li passage estoient si bien pourveu et deffendu, il retournèrent viers le roi et toute l'oost qui les atendoient à Arrainnes et li recordèrent ce que il avoient trouvé.
Bien avoient entendu li rois d'Engleterre et ses consauls, que li rois Phelippes, à toute sa puissance, le poursievoit moult fort et estoit jà venus à Amiens, et que sur ce il euissent avis et consel. Si fu li dis rois d'Engleterre consilliés de départir d'Arraines et de aprocier Abbeville et le passage de la Blance-Taque, où il espéroient à passer, car trop mieuls lor valoit que il atendissent apriès le passage, que li passages atendesist apriès euls. Si se départirent au matin de la ville d'Arraines et chevauchièrent viers Abbeville, ardans et essillans le pais, et coururent chil de l'avant-garde jusques à Aumale, et fu la ville
arse ; et puis s'en retournèrent viers Oisemont, où li rois d'Engleterre et les Englois, pour ce jour, avoient pris lor logeis et trouvèrent sus lor cemin une grosse ville non fermée qui s'apelle Sénarpont et se gouverne toute de la draperie. Si fu de l'avant-garde toute courue et arse, et puis passèrent oultre et vinrent à Oisemont. Là trouvèrent-il le roi et toute l'oost. Si se logièrent pour ce jour'.
* Voici comment le chroniqueur anonyme de Valenchiennes raconte ]a marclie du roi d'Angleterre après son départ de Poissy :
o Quant le roy Édouart d'Engleterre eult séjourné à Poissy environ sys jours et qu'il vid et sceult qu'il estoit enclos de l'eawe de Somme et que le roy ne venoit point vers luy pour le combatre ou aultrement, il eult en conseil qu'il se départiroit de Poissy, et adont se partirent le comte de Werwic et monseigneur Godeffroy de Harcourt et leur bataille devant et chevauchèrent, et le roy d'Engleterre et son ost après, et l'arrière-garde derrière, par batailles ordonnées. Et ardirent et butinèrent la ville de Poissy au départir, mais l'abaye n'eult garde. Et chevauchèrent les ost par Beauvoisis où il firent du grant dommage, et ardirent les fourbours de Beauvais et bien la moitié du Beauvoisis , et s'en revinrent à la ville de Beaupré et le ardirent et Marsailles et toutes les villes jusques à Pois. Sy ardirent la ville, et le chastiel ne se veult rendre. Sy assally monseigneur Olifars de Ghistelle le cbastel de Pois a tout grant plenté d'archiers , et ceulx du chastel se deffendirent vigoreusement; sy y eult grant assault et pluseurs hommes navrés et tués ; en la fin le chastel fat prins par force et puis abatus et ars, et tous les gens qui estoient dedens, furent tués, et puis s'en partirent les Englecqs, sy fut le gaing leur et les prisonniers qu'ils avoient prius en la ville. Et fut toute la terre de Pois destruite jusques à Amiens et jusques à Abeville. Et puis vinrent à Araines. Et le roy de France et tout son ost sievoientle roy d'Engleterre moult fort. Et monseigneur Jehan de Haynault conduisoit le roy et luy conseilloit de le sievir vistement pour le prendre et trouver ses gens en désaroy quelque part, , s'il pooit, et avoit bien le roy de France en son ost deus cens mil hommes, que à piet, que à cheval. Et ainsy que le roy d'Engleterre s'estoit party d'Araines, ses gens chevauchoient, pensant et mélancoliant et en parlant les ungs aux aultres comment, no par où ils poroient passer Somme, car moult bien sçavoient que le roy de France et ses gens les sievoient moult de près à tout grant plenté de gens d'armes. Et quant le roy les eult oy ainsy parler, sy leur dit en eulxresconfortant : « Seigneurs, ne vous esbahissez, ne esmayez point ; nous avons
