CHAPITRE CCXVII
Comment li rois Plielippes sievoit de priés les Englois, et comment li rois Édouwars ariva à la Blanque-Taque.
Ce jour que li rois d'Engleterre se départi d'Arainnes et que il vint à Oisemont, li rois Plielippes de France se départi de la chité d'Amiens et prist le cemin de Arainnes, et estoit li intension de li, quel part que il trouveroit le roi d'Engleterre et les Englois, il les combateroit, et avoit envoyet devant pour garder le pas à la Blance-Taque grant fuisson de gens d'armes, desquels messires Godemars dou Fai estoit chapitains ; car on avoit enfourmé le dit roi que les Englois ne pooient avoir autre passage que par là. Quant li rois de France vint à Arainnes, les Englois en estoient parti dou matin. Encores trouvèrent les François biaucop de lors pourvéances, les pains ou four et les chars ens es hastiers', de quoi les pluisseurs se disnèrent. Li rois de France se tint à Arainnes. Gens d'armes et arbalestiïers genevois le sievoient de toutes costés. Encores estoient à venir li contes Amé de Savoie
« tant de périlleux pas passés avoec l'ayde Dieu. Et encore suis-je « certain que Dieu et la mère de Dieu et monseigneur saint Jorge nous « ont pourveu d'ung passage, je ne sçay où. » Et à ce mot vint ung escuier, qui estoit à monseigneur Olifart de Ghistelle, et dit au roy, oyans tous : « Sire, se vous me volez croire, j'ay trouvé bon passage « et sy a bon fons, car j'y ay passé pluseurs fois à cheval, mais que « l'eawe soit ung peu plus retraitte, et est ce gués et passage à le Blanc- « que-Tacque d'en costé Noielle qui est à la comtesse d'Aumarle, dont « monseigneur Godeffroy de Harcourt est son oncle. » (MS. de l'Arsenal, f. 194, v°.) 2 Les chars ens es hastiers, les viandes à la broche.
TOM. H. \"i
et messires Lois de Savoie, ses frères, et amenoient bien
cincq cens hommes d'armes. Li bons rois de Boesme et
messires Caries, ses fils, et leurs routes sievoient le roi de
France, et se logeoient au plus priés de li que il pooient.
Tant de peuple venoient de tous lés que mervelles seroit à
penser; tous les camps estoient couvers de gens et de
charoi, qui poursievoient le roi. On disoit au roi : « Sire,
« cevauchiés par ordenance. Les Englois sont enclos, il
« ne pueent avoir nullement le passage de la Blanque-
« Taque si apparilliet , avoecques ce que messires Gode-
« mars dou Fai et grant gens d'armes sont par de delà la
« rivière de Somme, qui le garderont et deffenderont, et
« vous et li vostre, lor venrés d'autre part au dos. Comp-
« tés ensi : il sont vostre, car il ne sont que une puignie
« de gens ou regart des vostres. A celle fois chi, en aue-
« rés-vous raison : il ne vous pueent fuir, ne escaper, se
« il ne se mucent' en terre. »
Or retournons au roi d'Engleterre, qui estoit en la ville d'Oisemont, à quatre lieues priés d'Abbeville, et avoit entendu par auquns prisonniers, que ses gens avoient pris, que li rois de France, à grant puissance, estoit venus à Arainnes et le sievoit fortement. Li rois d'Engleterre désiroit à avoir passet la rivière de Somme, avant que li François venissent sur lui, et fu ordonné, la nuit que il se logea à Oisemont, que tantos apriès mienuit , on se deslogeroit, et fu commandé que on sievist les bannières des marescaus. Tout ensi que il fu ordonné, il fu fait, et sonnèrent les trompètes des mareschaus tantos apriès mienuit. Toutes manières de gens, au son des trompètes, sallirent sus et se resvillièrent et armèrent; au second son
1 Se il ne se mucent, s'ils ne se cachent.
des tronipètes, on troussa et apparilla, et se missent toutes gens en ordenances des batailles, ensi que il dévoient estre et aler. Au tiers son, tout montèrent à ceval et se départirent et prissent le cemin, et jà estoit l'aube dou jour apparant, et se missent sus les camps, et ne laissièrent nulle cose derrière et esquievèrent le cemin pour aller à Abbeville et prissent celi de la Blanque-Taque. Si bien se esploitièrent que sus le point de solel levant, le flun estoit tous plains, et quant il vinrent au pas, il trouvèrent que la mer weboit * et se mettoit au retour. Donc dissent-il : « Vecbi bonnes nouvelles : avant que l'arrière-garde soit « venue, li avant-garde passera. » Messires Godemars dou Fai et sa carge estoient d'aultre part la rivière de Somme, et avoient les gens d'armes requelliet et assemblet parmi tout le païs et fait venir avoecques euls, et avoient les arbalestriers d'Amiens, d'Abbeville, de Saint-Riquier et tous les arbalestriers des villes là environ et les hommes de deffense aussi, et estoient bien douse mille, et quidoient bien garder le passage, mais non fissent, ensi que je vous recorderai ; mais avant je vous parlerai un petit dou roi de France.
