CHAPITRE CCXVIII

Comment li François se missent en cemin vers la Blanque-Taque et estoient en grantvolenté de trouver les Englois.

Quant ce vint le joedi au matin, li rois de France, qui logiés estoit à Arainnes, se deslogea et envoia ses coureurs devant pour descouvrir le païs, et pour avoir nouvelles

1 Weboit. Ce verbe s'est conservé en anglais pour indiquer le flux et le reflux de la mer.

des Englois , et vinrent à Oisemont et trouvèrent encores grant apparel de chars en hastiers, à moitié quites, là laissiés, et des pastés grant plenté ens es fours, et des chars en caudrons et en caudières sus le feu , qui n'estoient point quites. Et disoient li auqun François : « Les Englois « sont malicieus. Il ont tout volentiers laissiet ces ponr- « véances en cel estât à la fin que nous i ataquons. Il ni « a gaires que il se départirent de chi. » Les nouvelles vinrent au roi de France, là où il cevauçoit entre Arainnes et Oisemont, et messire Jehan de Hainnau en sa compagnie, et li fut dit et nonchiet le convenant des Englois. Adonc fist li rois haster ses gens et vint à Oisemont ensi que à heure de tierce, et entra en la ville et descendi à l'ostel des Templiers, et là s'aresta, et toute li hoos aussi, et destrousèrent les sommiers et les pourvéances, et hurent et mengièrent un petit, et puis tantos retrousèrent et missent à voiture, et fu adonc commandé que tout voiturier et charoi et sommiers presissent le cemin de Ahheville et tournaissent celle part, et toutes gens d'armes et de piet sievissent les bannières des marescaus. Ensi comme il fu ordonné, il fu fait. Tout se départirent de Oisemont, et ni arestèrent li François, depuis que il furent venu, que une heure, et se missent tout au cemin en ordenance de bataille et en grand volonté de trouver les Englois, à ce que il monstroient. Les Englois, qui estoient venu sus le pas de Blanque-Taque pour passer oultre, n'eurent aultre espace de loisir que ce que li François missent à venir de Oisemont à la Blanque-Taque, où il puet avoir de cemin environ cinq lieues.

Or vous recorderai comment la besongne se porta celle journée que les Englois vinrent pour passer la rivière de Somme.