CHAPITRE CCXIX

Comment les Englois passèrent la rivière de Somme, et comment messires Godemars dou Fai fu desconfis.

Messires Godemars dou Fai et sa puissance estoit d'aultre part l'aiguë , ens ou païs de Pontieu , et les François estoient avoecques lui, tout rengiet et ordonné en bataille sus le rivage. Li rois d'Engleterre et ses gens estoient en Vismeu (ensi se nomme le païs où il se tenoient), et bien veoient François et Englois l'un l'aultre, et atendirent là les Englois tant que la rivière fu bien ravalée ; mais les Englois, qui désiroient à passer, le prissent moult vert, car bien sçavoient que les François les poursievoient , et si veoient lors ennemis d'aultre part la rivière , et avint que pluisseurs chevaliers et esquiers, qui se désiroient à avancier et à faire armes, brocbièrent cevaus des espérons, les lances ens es poins et les targes au col, et entrèrent en la rivière. D'aultre part, chevaliers et esquiers françois, qui veoient les Englois venir, se vorrent aussi avancbier et se boutèrent contre euls en la rivière, et i ot fait des joustes au plat de la rivière'... abatuset bien moulliés et noyés, qui ne les euist rescous. Finablement toutes manières de gens se missent au passage et en baste de passer. Là convint que Englois fuissent bonnes gens d'armes et de grande ordenance ; car les François, qui estoient d'aultre part, les empêçoient et ensonnioient ce qu'il pooient, et avant que les Englois fuissent tout passet, il i ot grande escarmuce

1 Lacune.

et maint homme reversé'. Toutes fois, li Englois passèrent oultre, à quel mescief que ce fust, et ensi que il passoient, il prendoient terre et s'ordonnoient sus les camps. Sitos que ces bonhommes dou païs, que messires Godemars avoit amené pour li aidier à garder et à deffendre le passage, sentirent les saïettes de ces archiers, et que il en furent enfillé , il se desroutèrent tout , et ne tinrent point de ordenance et de conroi , mais tournèrent les dos et laissièrent les gentils hommes combatre et faire ce que il pooient. Se les Englois euissent aussi bien entendu au cachier et au prendre prisonniers, que il entendirent à lor charoi et sommiers à mètre hors de la rivière , il euissent porté plus de damage assés as François que il ne fissent. Quant messires Godemars dou Fai vei le grant mescief qui tournoit sus euls et que tout li Englois estoient oultre, et que, de sa poissance, ce n'estoit riens (car moult de ses hommes fuioient et se sauvoient), si s'apensa que il se sauveroit aussi, car point ni avoit de recouvrier. Si prist les camps et fist retourner sa banière avoecques lui, et me fu dit que chils qui le portoit, le bouta en un buisson, car elle l'ensonnioit au brocier son ceval, et que là elle fu trouvée en ce jour meismes des Englois. Messires Godemars, tous desconfis et desbaretés, et auquns chevaliers de sa route, s'en vinrent à Saint-Riquier en Pontieu et là se tinrent pour aprendre des nouvelles et où li rois de France estoit 2.

1 Michel de Northburgh dit que le passage était gardé par cinq cents hommes d'armes et trois mille hommes de milices communales.

2 Toute cette partie de la chronique anonyme de Yalenchiennes paraît rédigée d'après le récit d'un témoin oculaire :

« Quant le roy d'Engleterre eult entendu les parolles que l'escuier luv disoit du passage, sachiez que luy et tous ses gens en furent moult joyeulx. et fist tantost ses gens aroutter celle part, et l'escuier aloit devant en l'onneur de Dieu et de monseigneur saint Jorge, et chevaucha tant le roy et tous ses gens qu'ils vinrent sur la rivière ou passage de

DE FROISSART. iùo

Or vous parlerons dou roi d'Engleterre, comment il persévéra depuis que il ot conquis le passage.

le Bïancque-Tacque. Et delà la rivière estoit monseigneur Godemars du Fay atout bien dix mil hommes, sans ceulx du pays, quigardoient que nuls des ennemis du roy de France n'y passassent, et sy y estoit la dame d'Aumarle et ses gens. Et quant l'escuier vint sur la rive et qu'il vid que Dieu leur avoit tant aidiet que l'eawe estoit retraitte, il en fat moult joyeulx et férit son cheval des espérons et entra en l'eawe, et chevaucha aval et amont en la présence du roy et de ses gens. Et quant il eult assez tasté le fons aval et amont, il issy et dist au roy : « Sire, vous disoy-je voir? » Et le roy respondi que oy. Ettantost luy fist baillier cent flourins à l'escut. Donc s'apparilla le roy d'Engleterre et ses gens pour passer ainsy que pour eulx deffendre et entrèrent en l'eawe en eulx commmandant à Dieu et à monseigneur saint Jorge, les archiers devant eulx et les Gallois après à grant plenté de gens d'armes, et le conte de Werwich et monseigneur Godeffroy de Harcourt devant , et adont les vivres et pourvéances après , et puis le roy et le prince de Galles, son fils, et 1 evesque de Durâmes et tous les aultres princes et les gens d'armes après. Et quant ils vinrent à l'aultre rive, Franchois leur coururent sus vistement et les Englecqs à eulx deffendre et archiers à traire et à bersser espées et drut et à reculler les Franchois, tantque les Englecqs eurent bon loisir de passer et tout hors de l'eawe yssir. Et quant les gens d'armes y sourvindrent , adonc y eult fière bataille et cruelle et grande ochision d'une partie et de l'aultre et longuement dura. En la fin monseigneur Godemars du Fay s'enfuy et furent ses gens desconfis , prins et tués la plus grande partie, bien trois mille, et madame d'Aumarle prise et rendue à monseigneur Godefroy de Harcourt, qui estoit son oncle. Mais tost fut délivrée par le conseil du roy d'Engleterre, et sa ville de Noielle respitée d'ardoir ; et soj'ez certains que le roy d'Engleterre et ses gens avoient bien besoing qu'ils se hastassent de passer. Car le roy de France et ses gens les sievoient moult de près et avoient bien chevauchiet celle journée plus de trieze lieues tous armés pour les Englecqs enclore, et vinrent assez tost à le Blancque-Tacque après ce que le roy d'Engleterre s'en fut partis. Et encore passoit le queue à grant meschief , car l'eawe commenchoit à engroissier, sy en eult de navrés et de tués et de noyés, et fut par le jour du joeudy la nuit de Saint-Bartolomée l'an de grâce mil CCC XLVI. » (MS.de l'Arsenal, f. 95.)