CHAPITRE CCXX

Comment les Englois s'arestèrentàCréci-en-Pontieu.

Quant li rois d'Engleterre et ses gens furent oultre, et que il eurent mis en cace et desconfi lors ennemis et délivré la place, et que il ne veoient, ne trouvoient mais qui lor véast1 le cemin, il se traïssent bellement et ordonnéement ensamble et aroutèrent tout lor charroi, et cevauchièrent, banières desployés, li avant-garde des marescaus premiers , le roi et son fil le prince apriès , et l'arrièregarde tout derrière, et cevauçoient ensi, par ordenance que il avoient fait ou pais de Vexin et de Vismeu, et ne se esfréoient de riens, puisque il sentoient la rivière de Somme derrière euls. Il n'avoient mais que la rivière de Quance 3 à passer, qui court dessous la ville de Monstruel, et orent intension d'aler veoir Noielle et asallir le chastiel et logier dedens la ville ; mais quant il sceurent que elle estoit à madame d'Aumale, serour à messire Robert d'Artois s, qui trèspassés estoit, il tournèrent d'aultre part et aségurèrent le chastiel et la ville , mais li marescal cevauchièrent jusques au Crotoi et prissent la ville et le ardirent, mais il ne fissent riens au chastiel, car il est trop fort ; et chevauchièrent viers Saint-Esperit-de-Rue et prissent la ville et le ardirent, et se logièrent les Englois là environ la

1 Véast, contestât, disputât.

2 La Canche.

5 Le P. Anselme dit que la dame d'Aumale était fille de Robert d'Artois; mais, s'il est vrai qu'elle était déjà mariée en 1320, elle ne peut avoir été que sa sœur. La fille de la dame d'Aumale avait épousé un neveu de Godefroi d'Harcourt.

DE FR01SSART. -257

Broie , et orent grant fuisson de bons vins , qui furent trouvé au Crotoi des marcéans de Saintonge et de la Eocelle, qui là gissoient à l'ancre, et le venredi il ceminèrent tant que il vinrent à Créci-en-Pontieu et là s'arestèrent, et se requellièrent toutes les trois batailles des Englois ensamble.