CHAPITRE CCXXI
Comment li rois Édouwars fist aviser place pour ordonner ses batailles et comment li rois Phelippes se logea à toute sa puissance à Abbeville.
Bien estoit enfourmés li rois d'Engieterre que son adversaire, li rois de France, le sievoit à tout son grant effort, siques, quant li rois d'Engieterre se vei à Créci-en-Pontieu , il dist à ses gens : « Prenons chi place de terre et « attendons nostres ennemis qui nous poursievent. Je sui « sus mon droit hiretage qui me vient de par ma dame de « mère. Si le voudrai deffendre et calengier contre ceuls « qui le me vodront débatre. » Donc se logièrent les Englois sus les camps et missent en bonne ordenance et avoient vivres et pourvéances assés, qui les poursievoient, et aussi li fourageur en trouvèrent assés , quant il orent passet la rivière de Somme ; et fist li dis rois aviser et regarder par ses chevaliers les plus usés d'armes le lieu et la place de terre, où il ordonneroit ses batailles et atenderoit ses ennemis. Ce furent li contes de Warvieh, messires Eenauls de Gobehem, messires Godefroi de Harcourt et le conte de Suffort. Cb.il quatre baron, le samedi au matin, avisèrent et considérèrent bien la place de terre et raportèrent au roi : « Sire, à nostre avantage, nous amenderons
« chi nostres ennemis. » Et li rois respondi : « Ce soit on « nom de Dieu et de saint George ! » Ensi se portèrent les ordenances.
Or parlons un petit dou roi Phelippe de France, liquels poursievi le joedi, quant il se départi de Oisemont, les Englois jusques moult priés de la Blanque-Taque. On li dist sus le cemin : « Sire , les Englois sont oultre , et li « nos de la mer commence à retourner. Vous ne poés « passer par là : il vous fault revenir à Abbeville , et là « passerés-vous la rivière de Somme à pont et tout 1< - « vostres aussi. » Li rois crei ce consel et retourna à Abbeville, et toutes ses gens, et se logièrent. Ce fu le joedi, et le venredi aussi, il se tint là tout le jour, attendans ses gens, car il en avoit grant fuisson derrière.
Ce venredi envoia li rois descouvrir sus les camps, pour aprendre le convenant des Englois, et raportèrent chil qui envoyeti furent, que les Englois avoient pris place et pièce de terre au dehors de la ville de Créci-en-Pontieu ; et fu dit ensi au roi : « Sire , à ce que il monstrent et sont or- « donné, il vous atenderont, et auerés la bataille. » De ces nouvelles fu li rois Phelippes tous resjoïs et commanda à ses marescaus et au mestre des arbalestriers que il regardaissent que toutes gens fuissent prest et ordonné; car le samedi on iroit combatre les Englois. Chil obéirent au commandement dou roi, et se apparillièrent li signeur de France et lors gens de tous poins. Là estoient logiet dedens Abbeville et venu pour servir le roi, premièrement li rois de Boesme, messires Caries de Boesme, son fils, rois d'Alemagne , li contes de Alençon , li contes de Flandres , li contes de Blois, li dus de Lorainne, li contes de Harcourt, li contes de Namur, li contes d'Aumale, li contes de Forois, li contes d'Auçoire, li contes de Sansoire, le daufin d'An-
vergne , le conte de Boulongne et tant de nobles et hauls signeurs que la matère en seroit trop longue au prononchier et au nommer, et estoit la ville de Abbeville, qui est unr ville grande et estendue et bien logeans, si raemplie de gens d'armes que tout estoit plein et pris, et encores tous les villages de là environ. Messires Godemars dou Fai se tenoit en la ville de Saint-Riquier et n'osoit venir à Abbeville deviers le roi Phelippe, car il le sentoit trop crueuls pour tant que, sus sa garde et carge, li rois d'Engleterre et les Englois estoient passet oultre à la Blanque-Taque , et de ce il estoit bien consilliés, car voirement se il fust venus avant deviers le roi, entrues que il estoit en son aïr, il euist fait le dit messire Godemar dou Fai pendre, jà ne l'en euist respité, ne déporté, et en a voit parlé moult hault li dis rois sus celle fourme, là où messires Jehans de Hainnau estoit présens. Encores atendoit li rois de France, le conte de Savoie et messire Lois de Savoie, son frère, qui venoient à bien mille lances de Savoyens et de Genevois. Par espécial , la puissance dou roi de France estoit trop grande, car li rois de France a voit bien vint mille hommes d'armes et bien vint mille genevois arbalestriers, e^li rois d'Engleterre quatre mille hommes d'armes et douse mille archiers.
Nous retournerons au roi d'Engleterre et parlerons de son convenant.
