CHAPITRE CCXXII

Comment li rois d'Engleterre ordonna tout pour combatre.

Ce venredi, ensi que je vous ai dit, se logea li rois d'Engleterre à plains camps à toute son lioost , et se aisièrent

-240 CHROMO I l -

de ce que il orent. Il avoient bien de quoi , car il trouvèrent le païs cras^t plentiveus de tous vivres, de vins et de viandes, et estoient bien pourveu sus lors sommiers, car il en avoient grant fuisson trouvé en Normendie, ou Vexin et en Vismeu. Ce venredi donna li rois d'Engleterre à souper tous les barons et les capitainnes de son hoost , et loi* fist bonne chière et puis loi* donna congiet d'aler reposer, sicom il le fissent. Cestë meismes nuit , quant toutes ses gens furent départi de li et que il fu demorés avoecques les chevaliers de sa cambre, il entra en son oratore, et fu là en genouls et en orisons devant un autel que ses cambrelens avoient fait, ensi que on fait et ordonne pour un roi, quant il est logiés as camps, et recommenda à Dieu toutes ses besongnes, et li pria affectuesement queilpeuist, à son honnour, retourner en Engleterre, et puis ala coucher. Le samedi- au matin il se leva et apparilla , et li princes de Galles , son fils , et aussi fissent tout chil del hoost, et oïrent messe et se confessèrent li rois et ses fils, et la grignour partie de ceuls del hoost , et se aqumenvèrent et missent tout en bon estât ; car bien sçavoient que point ne partiroient dou jour sans bataille. Quant tout ce fu fait, il fu heure de mangier et boire un cop, et puis entendre à li ordonner et à mettre en ordenance de bataille. Quant il eurent mengiet et beu à lor aise , et il se furent armé et mis en ordenance, il se traïssent tout sus les camps en la propre place, et fist faire li rois un grant parc priés d'un bois derrière son hoost et là mettre et retraire tous chars, carettes et sommages, et fist encores tous les cevaus entrer dedens ce parc , et demorèrent tout homme à piet , et n'avoit en ce parc que une seulle entrée. Encores là présentement il fist faire et ordonner par son connestable le conte de Herfort et de Norhanton et ses marescaus,

trois batailles, et fu mis et ordonnés en la première Edouwars, son fil, li princes de Galles, et dalés le prince furent esleu à demorer pour li garder et consillier li contes de Warvich, li contes de Kentfort, messires Godefrois de Harcourt, messires Eenauls de Gobehem, messires Thomas de Hollandes, messires Eichars de Stanfort, li sires de Manne, de le Ware, de Felleton, messires Thomas Clifors, Guillaumes Penniel et pluisseurs aultres, lesquels je ne puis pas tous nommer, et pooient estre en la bataille dou prince environ douse cens hommes d'armes et quatre mille archiers et mille Gallois, trop apertes gens. Si se mist la bataille dou prince en ordenance moult proprement , tout signeur desous sa banière ou son pennon. En la seconde bataille furent li contes de Herfort et de Norhantonne, li contes d'Arondiel , li sires de Eoos , li sires de Lussi , de Persi , de Noefville et pluisseurs aultres et tant que il furent douse cens hommes d'armes et quatre mille archiers. La tierce bataille ot li rois pour son corps et pluisseurs bons chevaliers et esquiers, et estoient en sa bataille environ quinse cens hommes d'armes et sys mille autres hommes parmi les archiers. Quant ces batailles furent ordonnées et que casquns sçavoit quel cose il devoit faire, on amena au roi une petite blance haquenée : il monta sus , et puis cevauça autour des batailles en priant et en amonestant ses hommes que casquns vosist entendre à bien faire son devoir, et que tout i estoient tenu, et retenoit sus son corps et se âme que pour son hiretage et son bon droit, que Phelippes de Valois li ostoit et perséveroit en ce , il avoit passet la mer et atendoit l'aventure de la bataille. Tout respondirent à lui (chil qui ses paroles entendirent), que loiaument il s'aquiteroient tant que tout i aueroient honnour, et il lor en saueroit gré. De ces responses les re-

-lïl CHRONIQUES

mercia li rois, et puis revint à sa bataille et descendi de sa haquenée et se niist à piet avoecques ses gens et manda son fil, le prinche. On li amena et fu adestrés de quatre chevaliers de son corps qui sont nommé ensi : messires Jelians Candos, messires Bietremieus de Bruhes, messires James d'Audelée et messires Guillaumes Penniel. Li enfès se engenoulla devant son père : li rois le prist par la main et le baisa et le fist chevalier ' , et puis le ren voia en l'ordenance de sa bataille, et pria et enjoindi as quatre chevaliers desus nommés que il en fesissent bonne garde , et il respondirent, en inclinant le roi , que tout en feroient lor devoir. Quant ces batailles furent toutes apaisiés et mises en pas et en ordenance, ensi que vous avés oï, on ordonna de par les marescaus que casquns s'aseist à terre et mesist son arc ou son bacinet devant lui , pour estre plus frès , quant on assambleroit2. Tout ensi que il fu ordonné, il fu fait, et se reposèrent et rafresquirent les Englois par la fourme et manière que dit vous ai 3.

Or retournons à l'ordenance dou roi de France et des François qui estoient logiet dedens Abbeville.

1 Ce ne fut pas à Crécy, mais dès son débarquement à. la Hogue qu'Edouard III arma son fils chevalier. Voyez la lettre de l'évêque de Durham (Rymer, II, 4, p. 205).

2 Quant on assambleroit, quand on. combattrai t.

s II est intéressant de comparer, en tout ce qui se rapporte à la bataille de Crécy, les -récits de Froissart et de Villani. L'historien italien compare cette sanglante journée à celle de Courtray, où l'orgueil et la présomption des chefs de l'armée française ne furent pas moins funestes. Villani put recueillir les témoignages de quelques-uns de ces arbalétriers génois dont Philippe de Valois méconnut si imprudemment les longs et utiles services.

DE FROTSSART. W