CHAPITRE CCXXIII
Comment li rois de France issit de Abbeville, et comment il envoia quatre chevaliers veoir le convenant des Englois.
Ce samedi au matin', quant li rois de France ot oï messe en l'abéie de Saint-Pierre, dedens Abbeville, où il estoit logiés, on fist sonner se* tronrpètes, liquel ehevauchièrent en toutes les rues d' Abbeville pour resvillier gens d'armes, armer et traire sus les camps. Au son des trompètes dou roi, se armèrent et apparillièrent tous signeurs et toutes aultres gens, et tant en i avoit grant fuisson, que il missent plus de demi jour à widier hors d' Abbeville. Li rois issi de Abbeville, messire Jehan de Hainnau et li signeur de Montmorensi en sa compagnie, et se traïst sus les camps. Li rois de Boesme et messires Caries, ses fils, issirent assés tos apriès li, et tout issoient sans ordenance, ne point n'atendoient l'un l'aultre. Quant on ot un petit eslongiet Abbeville, il fu dit au roi : « Sire, ce seroit bon « que vous envoyssiés chevauceurs devant, pour aviser « le convenant de vostres ennemis. » Li rois respondi et dist : « On i envoie ! » Donc furent esleu quatre chevaliers usés d'armes, lesquels je vous nommerai : premiers, le. monne de Basele, le signeur de Biaugeu, messire de Noyers et messire Lois d'Espagne. Chil quatre chevalier se départirent dou convenant des François et cevaucièrent ans les camps et si avant aprocièrent les Englois que les Englois euissent bien trait jusques à euls, se il vosissent,
» 26 août 1346.
mais nennil. Onques ne se desrieulèrent ' , mais se tinrent tout quoi et les regardèrent en séant, et quant li quatre chevaliers les orent avisés et considérés, il se missent au retour, et ensi que il retournoient, il encontroient lors gens qui ceminoient, les auquns à cheval, les aultres à piet et sans ordenance, de quoi il en fissent pluisseurs arester et demorer tous quois sus les camps; car il lor disoient : « Pourquoi alés-vous avant, folle gent, sans les « bannières des marescaus? Vous vos aies perdre : vechi « les ennemis devant vous. » Quant chil quatre chevalier furent venu deviers le roi, il s'arestèrént et trouvèrent le roi sus les camps, le comte d'Alençon, le conte de Flandres, le conte de Blois, le duc de Lorraine, messire Jehan de Hainnau, le signeur de Montmorensi et grant fuisson de nobles signeurs autour de li, car tout s'arestoient pour tant que il estoit arestés. Quant li rois vei les chevaliers ens sa présence, il volt sçavoir quel cose il avoient veu et trouvé : ce fu raison. Li chevalier regardoient l'un l'aultre, et ne voloit nuls parler premiers. Donc regarda li rois sus le monne de Basele et li dist : « Monnes, parlés : je « vous voel oïr. » Li monnes enclina le roi et dist : a Sire, « volontiers puisque vous le commandés, et ce sera par « l'amendement et correction de mes signeurs et compa- « gnons. Nous avons cevauchiet si avant que nous avons « veu et considéré le convenant des Englois. Il sont mis et « ordonné en trois batailles, bien et faiticement, et ne « font nul samblant que il doient fuir, mais vous atten- « deront à ce qu'il monstrent. Si conselle de ma partie, « salve tousjours le millour consel, que vous faites toutes « vos gens chi arester sus les camps, et logier pour celle
1 Ne sedesrieuttrent, ne rompirent leurs rangs.
« journée, car avant que li darrainnier puissent estre là « où li premier sont, et vos batailles ordonnées et mis en « pas, ensi que il apertient, il sera tart et hors d'heure « pour courir sus et combatre vos ennemis, et seront vos « gens tous las, et vous trouvères vos ennemis frès et nouât viaus et tous avisés à savoir quel cose il deveront faire ; « et ce consel, je le donne et nul autre, et qui mieuls « scet, se le die. » Donc regarda li rois sus son frère, le conte d'Alençon, et sus messire Jehan de Hainnau, et dist : « Il nous samble que chils chevaliers a bien parlé, et nous « volons que sa parole soit oïe et tenue. » — « Monsi- « gneur, » respondirent li doi desus nommé, « il a parlé « bien et sagement, ensi que il apertient, selonch l'usage « d'armes : si faites apriès son consel. » Donc s'arestèrent li signeur tous sus l'opinion dou monne de Basele, qui fu ung moult vaillans chevaliers et usés d'armes et le plus proçain dou corps le bon roi de Boesme, et fu commandé à deus marescaus de France de faire ordenance sus ces paroles et tantos. Li doi marescal obéirent, ce fu raison, et cevauchièrent li uns devant, et li aultres derrière, en disant et commandant as bannières : « Arrestés, bannières « de par 1$ roi, ou nom de Dieu et de monsigneur saint « Denis. » Chil qui estoient premiers, à ceste ordenance arestèrent, et li darrainnier, point, mais cevauçoient toudis avant et disoient que point il ne se aresteroient jusques à tant que il seroient ensi avant que li premier estoient. Et quant li premier veoient que li darrainnier les aproçoient, il cevauçoient avant et voloient monstrer : « Je sui premiers, et premiers demorrai. «Ensi par grant orguel et beubant1 fu démenée ceste cose, car casquns vo-
1 Beubant, vanité.
TOX. II. 16
loit sourpasser son compagnon, et ne pot estre creue, en tenue la parole dou vaillant chevalier, de quoi il lor mesvint si grandement comme vous orés recorder assés briefment; ne aussi li rois de France, ne si marescal ne porent estre mestre de lors gens, car il i avoit si grant multitude de peuple, et par espécial de grans signeurs, que casquns par envie voloit là monstrer sa puissance, et trop grant temps avoit que point il ne s'estoient veu en parti de bataille avoir, si apparans comme ceste estoit, et cose si notable que la puissance d'Engleterre et la puissance de France ensamble l'un contre l'aultre : car tout estoit là des deus roiaulmes, ou dedens Aguillon et en Gascongne avoecques le conte Derbi, ou devant Aguillon en siège avoecques le duch de Normendie. Si se voloient l'un pour l'aultre avancier et non estre nommé à demorer derrière, et cevauchièrent-en cel estât sans arroi et sans ordenance si avant que il aprocbièrent les ennemis et que il les veirent en lor présence. Or fu moult grans blâmes pour les premiers, et mieuls lor vausist à estre arresté à l'ordenance dou vaillant chevalier desus nommé, que ce que il fissent; car si trètos que il veirent lors ennemis, il reculèrent tout à un faix si désordonnéement que chil qui derrière estoient et qui venoient, s'en esbahirent, et quidièrent li pluisseur que la bataille fut commenchié et li premier desconfi, et orent adonc bien espasce de aler. devant se il vodrent, de quoi li auqun i alèrent, et li aultre se tinrent tout quoi et ne monstrèrent point adonc de haste, mais laissièrent passer ceuls qui passer voloient, et disoient : « Nous demorrons chi, atendans le roi et ses arrois, car il « nous est dit de ses marescaus ensi. »Là ot sus les camps si grant peuple de communauté des chités et bonnes villes de France que tout estoit là reversé et les cemins
tous couvers entre Abeville et Créchi, et plus de euls vint mille de ces bons hommes, quant ils se veirent sus les camps, traïssent lors espées et escryèrent : « A la mort, « ces traitours Englois ! Jamais pies l n'en retournera en « Engleterre. »
