CHAPITRE CCXXIV
Comment li rois de France fist traire avant li Genevois, et comment il furent tantos desconfis.
Vous devés sçavoir, et c'est cose possible et légière assés à croire que il n'est homme, tant fust présens à celle journée, ne euist bon loisir de aviser et imaginer toute la besongne ensi que elle ala, qui en sceuist, ne'peuist recorder, de la partie des François, bien justement la vérité; et ce que je en ai escript, je en fui enfourmés de vaillans hommes, chevaliers d'Engleterre qui là furent et liquel missent grande entente à veoir le convenant des François. Ce furent depuis messires Jehan Candos et messires Bietremieus de Brouhes2, et de la partie des François li sires de Montmorensi, et des chevaliers messire Jehan de Hainnau, car chil doi hault baron estoient et furent ce jour au frain dou roi Phelippe de France ; mais sitos que les chevaliers usés d'armes qui estoient de la partie des Englois, veirent le povre convenant des François, il dissent : « Ces « gens sont nostre. » Et aussi li sage chevalier de France et usé d'armes, parellement dissent : « Nous sommes en
1 Jamais pies, jamais personne.
1 Barthélemi de Burghersh.
« parti de tout perdre, car il n'i a point de bonne orden- « nance en nous. »
Les Englois qui ordonné estoient en trois batailles et qui séoient jus à terre tout bellement, sitos que il veirent les François approchier, il se levèrent sus, moult ordonnéement sans nul effroi, et se rengièrent en lors batailles, et se mist en grande ordenance ceste dou prince, car elle pensoit bien à avoir le grignour faix de la journée, et missent les arcbiers tout devant en fourme de une herce, et les gens d'armes ou fons, et la bataille seconde sus une aultre èle pour reconforter la première, se besoings estoit, et le roi d'Engleterre et sa bataille, encores plus en sus, liquel avoient pris la mote d'un moulin à vent, et là se tenoit li rois au plus bault pour veoir plus lonc et autour de li, et pooit estre li rois adonc en l'eage de trente-sis ans, en la flour de sa jonèce, et conforté grandement en ses besongnes.
Quant li rois Pbelippes de France vint auques ' priés de la place où les Englois estoient aresté et ordonné et il les vei, se li mua li sans2, car moult les avoit encargiet en grant haine, et perdi tous pourpos et arrois sus Testât que li monnes de Basele avoit dit et ordonné, et dist tout en hault : « Par m' âme et par mon corps, je voi mes enne- « mis, mais je les voel aler combattre. Faites traire avant « ces Genevois et cornmenchier la bataille, ou nom de « Dieu et de monsigneur saint Denis. » Donc fu faite voie as arbalestriers, et monstroient les auquns que point il n'i aloient de bonne volenté, car jà il estoient tous las de venir à piet de Abbeville jusques à là, où il i a sys
1 Auques, aussi.
* Li sans li mua, son sang s'échauffa. En d'autres termes, il perdit tout sang-froid et toute prudence.
lieues, et de porter lors arcs. Ces Genevois pooient estre environ quinse mille. Li mestres des arbalestriers des Genevois dist tout en hault : « On nous fait issir hors de « l'ordenance des marescaus. On nous avoit dit que nous « reposerions meshui ichi, et entenderions à mettre nostre « artellerie à point , et on voelt, tous lassés que nous « sommes, que nous alons tantos combatre. » Ces paroles furent dittes et reprises au conte d'Alençon, qui durement en fu courouchiés et dist à ceuls qui estoient dalés li : « Regardés : on se doit bien cargier de telle ribaudaille. « Il ne sont bon, fors à la table, et il nous porteront plus « d'empêcement que de avancement. » Entrues que ces paroles et détriances couroient et que chil Genevois se requelloient, descendi dou chiel une pleueve si grosse et si espesse que mervelles fu à considérer, et commença à esclitrer1 et à tonner, et sembla proprement que li mondes deuist finir. Avoecques tout ce, il vint une voilée de corbaus, si grande et si espesse, en voilant par-desus les deus hoos et en démenant très-grant noise. Adonc dissent auquns chevaliers, et de l'une part et de l'autre : « Il auera, « avant que il soit nuit, ichi très-grande bataille et effu- « sion de sanc et mortalité de hommes, sur qui que li « affaires tourne. » Apriès toutes ces coses, li temps se paisa et li solaus commença à luire sus l'heure de basses vespres, biaus et clers. Li François l'avoient en l'oel et li Englois au dos. Quant chil Genevois furent tout requelliet et mis ensamble, et il deubrent approchier les Englois, il commenchièrent tout de pluisseurs vois à juper si hault que ce fut mervelles (et fissent ceste ordenance pour les
1 Esclitrer, verbe dérivé du substantif : esclitre, éclair. Ce passage de Froissart, qui est à peu près le même dans les anciennes éditions, a été mal compris par plusieurs historiens.
Englois esbahir, mais les Englois n'en fissent compte), et assés tos apriès la seconde fois en tele manière et la tierce ensi, et il l'ont de usage, et puis passèrent avant et tendirent lors arbalestres, et commenchièrent à traire. Et quant chil archier d'Engleterre veirent ceste ordenance, il passèrent un pas avant et puis fissent voler ces saïetes, lesquelles entrèrent et descendirent si ouniement sus ces Genevois que ce sembloit nège. Li Genevois qui point n'avoient apris à trouver tels archiers que chil d'Engleterre sont, quant il sentirent ces saïetes qui lor perchièrent bras et poitrines, et lors céoient sus lors visages et de plus lonc que il ne pooient traire, se commenchièrent à esbahir et furent tantos desconfi et coppèrent li pluisseur les cordes de lors arbalestres, et les aultres les ruèrent jus et commenchièrent à tourner le dos et monstrèrent samblant que il voloient fuir, mais il ne peurent; car il furent enclos des gens d'armes, et li rois de France et son frère, le conte d'Alençon, quant il veireDt le mauvais convenant de euls, dissent : « Tués la piétaille ! Tués la pié- « taille ! Il nous ensonnient et tiennent le cemin sans « raison. » Là veissiés gens d'armes entouelliés entre euls férir et frapper sus euls et ocire, et moult de vaillans hommes, euls et lors cevaus, ceoir parmi euls, que on ne pooit aidier, ne relever, et toudis traioient archier englois esforciement ou mont, et ne perdoient nuls de lors trais, car il enfierroient et enpalloient parmi les corps, ou parmi chevaus, ou testes ou bras ou jambes de gens d'armes, par telle manière que on estoit méhagniet trop durement ou bléciet ou mort, et si ne savoit-on d'où les saïetes venoient. Ensi se commença la bataille, ce samedi, à heure de basses vespres, tout oultre l'ordenance et la volenté des vaillans hommes qui avoient consilliet que on se logeast
là ce samedi devant les Englois, et que le dimence on aueroit avis comment on se poroit ordonner.
