CHAPITRE CCXXV
Comment li nobles rois de Boesme entra en la bataille et fu ocis.
Li vaillans et nobles rois de Boesme et contes de Lucembourc , sires de Ammeries et de Raisinés , qui se nomma Jehans (et li auqun dient que il fu rebaptisiés à avoir nom Caries), et qui fils fu à l'empereour Henri, entendi par ses gens que la bataille estoit commenchié : « Ha! dist li « monnes de Basele, liquels estoit dalés li et à son frain, « on n'a point tenu, ne creu mon ordenance. Si sommes « sus un parti que de tout perdre. » Li gentils rois entendi la parole dou chevalier; se li demanda : « Monnes, « quel heure est-il et comment sont nostre ennemi ?» — « Sire, respondi li chevaliers, il est tous bas vespres, et si « avons le solel en l'oel , et sont li nostre de povre arroi , « car il entrèrent ou tret des archiers et s'en vont perdre « sans raisons, et, puisque la cose est commencié, on ni « puet remédyer. » Adonc dist li gentils rois , qui tous aveugles estoit, au monne de Basele et as ses aultres chevaliers : « Biau signeur, je vous pri chièrement et par la « foi que vous me devés, que vous me menés si avant en la « bataille que je puisse férir un coup d'espée. » Et il respondirent tout : « Monsigneur, volontiers. » Là se aloyèrent tout li chevalier dou roi par les resnes de lors cevaus ensamble, à la fin que il ne se peuissent départir l'un de l'autre, ne perdre la veue de lor signeur le roi, ne retourner l'un sans l'autre, et quant il se furent mis en celle or-
denance, li monnes de Basele , qui estoit le plus usés d'armes, et qui dou matin avoit cevauchiet pour aviser le convenant des ennemis, fist tourner les banières dou roi sus costé, et regarda là où les gens d'armes englois se tenoient, qui encores se tenoient en lors pas, ensi que ordonné on les avoit. Les banières dou roi de Boesme , li rois et ses gens tournyèrent tant que il vinrent là où les gens d'armes estoient et commenchièrent la bataille à euls, et quant il i entrèrent, il estoit jà tart. Là furent chil Behagnon et Alemant requelliet de la bataille dou prince et des vaillans hommes qui là estoient. Là fu la bataille forte et dure et bien poursievoite , et ot li rois de Boesme son désirier acompli ; car on le mist tout devant, et se il euist esté congneus que ce 'euist esté li rois de Boesme, on ne l'euist pas tretyet jusques à mort. Mais li vaillans homs fu là ocis, et tout cliil qui avoecques le gentil roi estoient, réservé deus esquiers, Lambequins dou Pé et Pierres d'Amulers. La manière comment il se sauvèrent, je ne le sçai pas, mais par euls fu sceu l'ordenance dou roi et des gens et comment il entrèrent dedens la bataille et asamblèrent à lors ennemis.
Bien est vérité que de si grans gens d'armes et de si noble chevalerie et si grant fuisson que li rois de France avoit là, il en issirent trop petit de grant fais d'armes, car la bataille commença tart, et si estoient li François trop fort lassé et travilliet. Toutesfois, ensi que il venoient, li vaillant homme , pour lor honnour et pour euls acquiter, cevauçoient toudis avant et ne savoient où il aloient, fors morir. Considérés cel afaire et comment une dure fortune et perverse tourna sus les François '.
1 Le récit de la chronique anonyme de Valenchiennes continue à présenter un grand intérêt :
« Quant le roy Philippe de France fut venus à le Blancque-Tacque
DE FR01SSART. 253
