CHAPITRE XHI
Comment ceul s de Bristo ouvrirent lors portos, et comment Hues li Espensiers li viel et li contes d'Arondiel furent justiciés.
Li rois d'Engleterre et messires Hues li Espensiers li fils se tenoient ens ou chastiel et point n'en issoient; messires Hues li Espensiers, li pères, et li contes d'Arondiel se tenoient en la ville , et pluisseurs aultres qui estoient
de leur accord. Quant cliil de la ville de Bristo veirent le pooir de la roine si grant et si esforcyet, (car priés toute Engleterre estoit de lor accord, car là où li Londryens s'acordent et aloient, nuls n'ose résister, il puevent plus que tous li demorans d'Engleterre , ne nuls ne les ose au fort courechier , car il sont trop poissant de mise et de gens), il considérèrent le péril et le damage où il estoient et que confors ne lor apparoit de nuls costés et que tous chevaliers et esquiers, que li rois avoit mandés, tous se traioient viers la roine, il furent consillié à ce que il se renderoient à lor dame la roine, et la ville aussi, salve lors corps et lors biens. Si envoyèrent tretyer et parlementer deviers la roine et messire Jehan de Hainnau, car riens ne se faisoit, ne passoit fors par le dit signeur de Biaumont*. On ne voloit point ceuls de Bristo prendre à nulle merchi,, mais lor prommetoit-on que il seroient tout mort, se on ne lor rendoit le conte d'Arondiel et messire Hue l'Espensier, le père. Quant il veirent que il ne pooient finer aultrement, si s'acordèrent à ce et ouvrirent lors portes ^ Messires Thomas Wage, li mareschaus de l'ost , et li Hainnuier entrèrent dedens et trouvèrent à lors hostels messire Hue l'Espensier le viel et le conte d'Arondiel, et furent amené au logeis de la roine, et aussi troi enfant , uns fils et deus filles qui estoient en la garde du dit messire Hue et estoient enfans dou roi et de la roine. Si furent remis avecques Édouwart lor frère, et volentiers vei la roine ses enfans ensamble, et s'en vinrent
» On comprend avec quel soin Froissart enregistre tout ce qui retrace la part prise par les chevaliers du Hainaut à- cette expédition. Un chroniqueur qui écrit en latin, appelle l'année 1327 : Annus jucundus Hannoniœ.
2 D'après Ranulf Hygden de Chester, la reine entra à Bristol, le 27 octobre 1326.
DE FROISSAUT. 43
la roine et li signeur logier dedens la ville, qui logier s'y pot, et lor fu avis que lors volages estoit acliievés puisque il avoient enclos le roi en son cliastiel de Bristo, et messire Hue le Espensier, et que il tenoient le père et le conte d'Arondiel. Messires Hues li Espensiers li viel et li contes d'Arondiel, au prendre, dissent ensi à messire Thomas Wage et requissent moult liault que on lor fesist droit et loy, et que il fuissent menet devant la roine et son fil : il le furent et devant tous les barons qui là estoient, et leur dist que elle et ses fils leur feroient droit et loi et bon jugement, selonch lors fais et lors œvres. Adonc respondi messires Hues et dist : « Ha ! madame, Dieus nous voelle « donner bon juge et bon jugement, et se nous ne le poons « avoir en ce siècle, se le nous donne en l'autre. » Il furent tous doi mis en la garde de messire Thomas Wage, qui bien ensongna dou garder puisque recommandé il li estoient, tant que la roine auroit consel quel cose en seroit bonne à faire. Et regardèrent là li signeur ensamble que on renvoieroit les Londrjens et que il estoient au desus de lors besongnes, car otretant bien aueroit-on le roi et messire Hue le Espensier le jeune que on avoit eu les aultres. Si fu appelles le maires de Londres et remercyés de la roine et de son fil, de ce que fait avoit, et que bien se pooient partir, quant il voloient et retraire viers Londres. A tout ce s'acordèrent li Londryens et se ordonnèrent de départir et de retourner en lor lieu. Le second jour, apriès ce que il se furent départi, on ot consel en l'ost de la roine que on délivreroit par jugement le conte d'Arondiel et messire Hue le Espensier le viel. Si furent amené en place devant les barons d'Engleterre , liquel furent ordonné pour euls juger. Adonc se leva messires Thomas Wage, bons chevaliers, sages et courtois, et recorda tous
les fais des dessus dis et les bailla par escript , et tourna en droit ce jugement sus un ancyen chevalier qui présens estoit, à fin que il raportast sus sa féaulté que faire avoit de tels personnes par jugement et de tels fais. Li dis chevaliers se consilla as aultres barons et chevaliers et raporta par plainne sieute que il avoient bien mort deservi selonch la prise et la teneur de pluisseurs oribles fais que il avoient là oy recorder et les tenoient pour tous vrais et tous clers. Et avoient deservi par la diverseté de lors fais à estre justichiet en trois manières, c'est assavoir premiers trainnés et puis décolés, apriès pendus à un ghibet. Adonc en la manière que il furent jugiet, furent-il tantos justichiet par devant le castel de Bristo, veant le roi et veant messire Hue le fil et tous cheuls de là dedens, qui grant despit en orent, et puet et doit casquns sçavoir que il estoient à grant mescief de coer. Geste justice fu faite l'an de grâce 1326, un vendredi, et ce jour fu le jour Saint- Denis en octembre ' .
