CHAPITRE CXI
Comment li rois Édouwars d'Engleterre entra en mer et comment les Normans esqumours l'attendoient devant l'Escluse.
Li rois Édouwars d'Engleterre avoit, tout l'ivier et le temps ', entendu à ses besongnes et pryet chevaliers et esquiers en son païs et quelliet par pryère et par ordenance de don que son peuple li avoit fait de une aide moult grosse, gran argent, car il espéroit que sus l'esté il feroitun grant fait, et sus cel estât, il estoit départis des Alemans, et avoit li dis rois d'Engleterre fait ses pourvéances moult grandes et moult grosses sus la rivière de la Tamise en la chité de Londres, et là avoit fait son mandement et assamblé grant fuisson de nobles, chevaliers et esquiers et archiers.
Quant tout fu prest, et la navie cargié, li rois d'Engleterre entra en son vassiel. Toutes ses gens entrèrent et montèrent, ensi que ordonné estoit, et se dèsancrèrent dou quai de Londres, et singlèrent aval la Tamise et vinrent de celle marée devant Grravesandes ; de la seconde marée devant Mergate, et puis entrèrent en mer et pooient estre environ sis-vingt vassiaus, nefs, balengiers et passagiers, quatre mille hommes d'armes, chevaliers et esquiers et
Le temps, c'est-à-dire le printemps.
douse mille archiers, et avoient li rois et ses gens la mer et le vent pour euls, et nagièrent à pooir viers la ville de l'Escluse en Flandres, et ne savoient riens les Englois des Normans qui se tenoient devant l'Escluse bien quarante mille et atendoient le retour et venue dou roi d'Engleterre. Bien sçavoient les Englois que les Normans -esqumours estoient sus la mer, mais il ne les quidoient pas trouver à l'Escluse, et tout che lor faisoit faire li rois de France qui lor voloit brisier lor voiage.
Et estoient li Normant parmi les Genevois et Piquars bien quarante mille hommes desquels messires Hues Quierès d'Amiennois, Barbevaire et Bahucès estoient cbiefs, et avoient bien deux cens vassiaus parmi ceuls des pourvéances, et avoient ensi que assis la ville de l'Escluse et n'i pooit nuls entrer, ne issir fors par lor congiet. Or avint que la vegille de la Saint-Jeban-Baptiste que on compta pour lors en l'an de grasce Nostre-Signeur mille trois cens et quarante, li rois d'Engleterre et sa navie vinrent devant l'Escluse, à entendre pour prendre port et terre priés de Blanquebergbe à deus lieues de l'Escluse et trouvèrent la navie des Normans. Des mas qui drèçoient contre mont, ce sambloit un grans bois. Quant li rois d'Engleterre et les Englois orent congnissance que li Normant estoient devant l'Escluse, et ne pooient prendre terre fors par lor dangier, si jettèrent lors ancres et se tinrent tout quoi pour entendre à lors besongnes et ordonner lors batailles. Lors fist li rois d'Engleterre pluisseurs chevaliers nouviaus , car bien veirent généraument que combatre les convenoit. Quant la mer fu revenue, il désancrèrent et ordonnèrent tous lors vassiaus et missent les plus fors devant et les armèrent et pourveirent d'archiers. Entre deus nefs d'archiers avoit une nef de gens d'armes.
DE FROISSARÏ. 359
Quant tout furent ordonné, li vassiel le roi d'Engleterre aprochièrent. Che estoit biautés et grant plaisance au veoir ces bannières et ces estranières armoyés des armes des signeurs, et à ce que li Normant monstrèrent, il désiroient avoir la bataille as Englois, car si trètos que il les veirent aprochier, il avoient croisiet tous lors vassiaus, il traïssent les ancres à mont et laissièrent los voilles aler et s'en vinrent tout de grant volenté sus la navie des Englois, et ordonnèrent à aler tout devant Cristofle, le grant vassiel lequel en celle meisme année il avoient conquis sus les Englois. Quant Englois et Normans s'encontrèrent, il i ot grant hustin, et à l'entrer l'un dedeiis l'aultre, il abaisièrent tous lors voilles. Ou grant vassiel de Cristofle qui se remonstroit desus tous les aultres, avoit bien quatre cens genevois arbalestriers, liquel commenchièrent à traire moult roit et moult dur à l'aprocier. Li Englois recongneurent bien que c'estoit Cristofle, le vassiel qui avoit esté conquis sus euls. Si furent plus désirant dou reconquerre, et l'environnèrent de tous lés et commenchièrent archier à traire de grant randon, et à aprochier ce vassiel Cristofle et les Genevois qui dedens estoient. Vous savés que archier de l'arc à main sont trop plus isniel que ne soient arbalestrier. Chil archier d'Engleterre par ouniement traire fort et roit, ensonnyèrent tellement ces Genevois que il furent mestre et signeur de euls et entrèrent dedens Cristofle et le conquissent, et missent à mort et à bort tous les Genevois que il i trouvèrent. En ce vassiel pooient bien estre mille hommes. Tantos il fu pourveus d'archiers et de gens d'armes liquel portèrent grant contraire as aultres. Li rois d'Engleterre, li contes de Pennebrug, li contes de Honstidonne et leur l^ataille bien ordonnée et acompagnié de gens d'armes et
d*archiers,avoient asamblé là où messires Hues Quierès et Bahucès estoient bien acompagniés aussi de Normans et de Genevois, et là fu la bataille très-grande et très-périlleuse; car cbil Normant et cMl Genevois estoient tout esqumeur et costumiés de la mer et trop bien enprenoient la painne, car en tout lor vivant il n'avoient fait aultre cose que poursievir les aventures d'armes sus la mer. Aussi au voir dire, Englois sont bonnes gens de mer, car il en sont fait et nouri et trop bien en prennent la painne. C'est trop dure bataille sus mer, et trop périlleuse, car il fault atendre l'aventure, ne on ne poet fuir. Geste bataille dont je vous parole, fu durement biencombatue et longuement dura , et commença la nuit de la Saint- Jehan- Baptiste au matin, ensi que à huit heures ; mais elle dura jusques à cincq heures apriès nonne et que la mer fu ralée et revenue. Considérés se là en ce terme et espase, il ni peurent pas avenir des grans fais d'armes : oïl, car il estoient tout resvillié et ordonné à ce faire, tant li Englois comme li Normant.
