CHAPITRE CXH

Comment les Englois desconfirent les Normans.

Geste bataille dont je vous parole, fu très-felonne et moult orible, et ce qui donna tant grant avantage as Englois, ce fu ce que aus ou commencement de la bataille, il conquissent Gristofle le grant vassiel, et quant il orent conquis, il le pourveirent d'archiers et i en i entra plus de mille, et chil archier avoient très-grant avantage de traire au lonc et de ensonnyer Normans , liquel n'estoient

DE FROÏSSART. 341

pas de si grant valleur as armes , ne de deffense comme estoient les gens d'armes d'Engleterre. Pour lors li rois d'Engleterre estoit en la flour de sa jonèce et point ne s'espargnoit, mais s'^aventuroit en la bataille aussi aventureusement comme nuls de ses chevaliers, et monstroit bien en faisant armes que la besongne estoit sienne. Li rois estoit en un vassiel moult fort et moult biel qui avoit esté fais, ouvrés et carpentés à Zandvich et estoit armés et parés de banières et d'estranières très-rices, ouvrées et armoyées des armes de France et d'Engleterre esquartelées, et sus le mast amont avoit une grande couronne d'argent dorée d'or qui resplendisoit et flamboioit contre le solel. Dou costé le roi estoient li contes Henri Derbi, son cousin germain, li contes de Norhantonne et li contes de Herfort, et avoit quatre chevaliers ses cambrelens , messire Jehan Candos, messire Ri chars La Vace, messire Richars de Pennebruge et messire Richars Sturi, tout quatre hommes de grant vaillance. Les nefs estoient acroquiés et atachiés les unes as aultres et ne se pooient départir, et là avoit dure bataille et dedens les nefs fait apertise d'armes. Finablement li Englois obtinrent la mer et la place, et furent chil esqumeur Normant, Piquart, Genevois, Bidau et Prouvenciel desconfî, et trop petit s'en sauvèrent, car à la desconfiture, il ne porent. Cause pourquoi, je le vous dirai. Les Englois en venant les avoient enclos entre eus et l'Escluse. Se ne pooient requler, fors sus lors ennemis, ne alêr avant, ne rompre la navie d'Engleterre qui avoient pourpris * tout le passage de la mer. Chil et auqun qui se quidièrent sauver par venir à l'Escluse, furent mort davantage; car li Flamenc qui avoient grant haine à euls

» Pourpris, entouré, fermé.

pour tant que toute la saison il avoient cauryet ' et héryet le passage à l'Escluse et robe et pilliet sus la mer et n'avoient eu cure à qui, les tuoient otant bien sus la terre que en la mer et n'en avoient nulle pité, et vinrent là que de Bruges, que de Ardenbourc, que de Ostbourcb , de Blanqueberghe et dou Dam à l'Escluse plus de huit mille hommes qui rafresquirent grandement les Englois et parfissent la desconfiture des Normans ^ Barbevaire fu mors et jetés de son vassiel en la mer. Aussi messires Hues Quierès ot la teste copée sus le bort de une nef et renversés en la mer. Bahucès fu pris en vie et pour tant que il avoit esté tousjours fors lerres ^ et roberres sus la mer, li amirauls de la mer d'Engleterre le fîst sacbier à mont à une polie et pendre h un mas et estrangler * .

* Je ne connais pas ce mot. Peut-être a-t-il été mal transcrit.

2 Edouard III lui-môme rendit hommage à la vaillance des Flamands dans la lettre qu'il écrivit à l'archevêque de Canterbury : Licet sint mirabiles elationes maris, mirabilior tamen est in altis Dominus qui procellam convertens in auram, jam inter tôt adversa clementissime nos rsspoxit... Deus misericordianim gratins et citius qnam huraana ratio judicare poterat, misit nobis magnum navale subsidium et insperatum numerum armatorum.... Rymer, II, 4, p. 79. Il ajoute dans une autre lettre adressée à son fils : « Les Flemengs estoient de bone volonté « d'avoir venus à nous à la bataille du commencement tant que à la « fin. » James, Hisioire du prince Noir, I, p. 549.

' Lerres, larron, voleur. Roberres offre la môme signification.

* Behuchet avait épousé Aliéner de Dreux, arrière-petite-fille de Louis le Gros. Plus heureux que lui, un religieux franciscain qui l'accompagnait, fut épargné par les vainqueurs, et Philippe de Valois, pour le dédommager de ses périls et de ses terreurs, lui permit de prendre chaque semaine pour son prieuré une charretée de bois sec dans la forêt de Bretonne.